MARKUS 5:15 - WUKE SUSI WATTI'U AL᷊AL᷊USASSA

¹⁵ I mangitou nirumantate ringannu Mawu Yesus, see na'ellega taumata apan tanginna niasuttannu ghaṛṛaho lal᷊eo udde, tantal᷊anna ua'ianna isudde. I tou suete napedetta, wuṛṛu ṛingiṛṛanne lai masemakke. Ne i mangitou sarangkanambone nata'utte.

MARKUS 5:15 Referans Kwoze

KOLOSE 1:13

I Tou suete namallosi ite wuassu taṛṛinon araranduma wuṛṛu nangingkati ite sulal᷊ummu araratuannu Anang-Nge apan arangnguan-Ne.

2 TIMOTIUS 1:7

Ana waugu Ghaṛṛaho apan nionggolu Ruata si ite, wal᷊inewe Ghaṛṛaho apan ma'ola'a si ite matal᷊o. Arawe Ghaṛṛahon Duata udde maatohassa si ite, nepenen darangngu wuṛṛu maaṛṛaddannu watanganne.

LUKAS 8:27

Napawe Mawu Yesus nilumintukke su ammaranne, i Tou nirantannu sangkatou esakka apan niasuttannu ghaṛṛaho lal᷊eo. Taumata udde wuassu soa. Mal᷊annute i tou uatantol᷊e wuṛṛu maddiri matana'a su wal᷊e. I tou tumba'u maapulu matana'a su manga liangnga tampam pallabinganna.

MARKUS 5:9

See Mawu Yesus naiwal᷊o si tou, “Isai arannu?” Taumata udde sinumimbakka, “Arangku ‘i Legiun’ – ana waugu i yami indi tumanite manambo!”

LUKAS 10:39

I Marta pia tuṛṛangnge wawine aranne i Maria. I Maria indi inuma'ianna marani Mawu Yesus madaringikka manga al᷊aṛṛang-Nge.

1 SAMUEL 16:4

I Samuel tinumuṛṛutte wisaran Mawu. Napawe i tou na'omate su Betlehem, manga piaṛṛa'u soa nanal᷊oho ringannu niṛṛumindu'a wuṛṛu naiwal᷊o, “Darantan Papa ini uaapiddu al᷊amatta?”

DARALO 14:5

Taumata lal᷊eo sarun lembon matta'utta, ana waugu Ruata uasirungnga taumata apan matuṛṛutta si Tou.

AYUB 13:11

Apa awawantugu Ruata tawe maaṛindu'a sasangngonu? Apa araṛṛaubbu Ruata tawe maata'utta naungngu?

1 TAWARIKH 15:13

Sutempo Wantalla udde paarorone niingkatta, i yamiu tawe isudde nangapidda. Ana waugu udde Mawu, Ruatan kite, nakkuumanni ite ana waugu i ite massubba si Tou tawe nassul᷊ungngu apulu-Ne.”

MARKUS 5:18

Su tempo Mawu Yesus sinuma'ete su saalanna, taumata apan tanginna paparentannu ghaṛṛaho lal᷊eo udde sinumal᷊ande Mawu Yesus, tadea'u i tou wotongnge tumantalongnga.

MARKUS 5:16

Manga taumata apan suete naasilo sassane inolaanna su ola'u taumata wuṛṛu manga wawi udde, nabbati'e apa apan suete nariaddi.

MARKUS 5:4

Masokkate ledda wuṛṛu limane imantungnga, arawe manga ṛate udde wabbassutanne, wuṛṛu atta'a su leddane pappadianne. I tou matohassa atonna na'oman sara tawedu sangkatou wotongnge maataṛṛangnga si tou.

MATIUS 12:29

Ereapa taumata wotongnge maasutta sulal᷊ummu wal᷊en sangkatou apan matohassa wuṛṛu mangaṛṛo darotongnge, amungkangngu i tou tawe maṛṛapussa dorone taumata matohassa udde? Wua'udde i tou wotongngete mangaṛṛo darotongnge.

MATIUS 4:24

Watti'a su ola'u Mawu Yesus udde naddingikke su al᷊awo'u wanua su Siria, na'oman sara taumatanambo rudanta ringanni Tou. I mangitou uaapiddu manga taumata apan uatataṛṛangnga al᷊awo'u hatin radda'a wuṛṛu asasusa. Manga taumata apan niasuttannu ghaṛṛaho lal᷊eo, apan raddangnge pua, wuṛṛu lome, sarangkanambone udde niapaapia Mawu Yesus.

MATIUS 9:33

Mawu Yesus nallimbuakke ghaṛṛaho lal᷊eo udde wuṛṛu su orassa udde lai taumata udde naawisarate apia. Taumata nambo isudde niṛṛumindu'a see nabbisara, “I yami taambe naasilo olangnge ereindi su Israel!”

1 TAWARIKH 13:12

Arawe i Daud mata'uttu Ruata lai wuṛṛu nabbisara, “Orassa indi ereapate Wantallu Pa'aire udde ta'u iapidda?”

MATIUS 26:53

Su naungngu i Ya'u tawe maarorongnga tul᷊unganna wuassi Iamangku, wuṛṛu i Tou ringannu mal᷊ihakka mandolokku mapul᷊o dua pia lebbene wageangngu tantara mala'ekatta?

MARKUS 5:14

Manga mandariaga wawi udde tinumal᷊angnga, wuṛṛu namasingkattu watti'a udde su soa wuṛṛu su ampungnga maranine. See manga taumata nampassabangnga ma'ellega apa apan suete nariaddi.