MARKUS 4:8 - WUKE SUSI WATTI'U AL᷊AL᷊USASSA

⁸ Arawe pia lai bualanna apan nanawo su leta'a masuwukka. Wualanna udde tinumuwo, see nahewalle wuṛṛu nabbua, pia tallum pul᷊o, pia annummu pul᷊o, wuṛṛu pia lai paaṛṛasutta su wageangnge.”

MARKUS 4:8 Referans Kwoze

YOHANES 15:5

Ete i Ya'u punnu anggore, wuṛṛu i yamiu manga rannane. Taumata apan sidutu uaaukka ringang-Ku wuṛṛu I Ya'u ringanni tou, sarun mabua manambo; ana waugu amungkangngu tawe i Ya'u, i yamiu tawe maola'a apa-apa.

KOLOSE 1:6

Watti'a wuassu Ruata udde nassal᷊iawukke su ahewallu runia, wuṛṛu wiakku taumata sidutu aal᷊amatannu watti'a udde, ere lai wiakku nial᷊amatanna ro'en su tempo i yamiu naaringikka ola'u darangngun Duata wuṛṛu atonna-tonna nusippa sulal᷊ummu naungngu.

MARKUS 4:20

Wuṛṛu wualanna apan nanawo su leta'a masuwukka udde iassumandingnga su taumata apan naddaringikka watti'a udde wuṛṛu nanengkamma, i mangitou nabbua manambo, pia tallum pul᷊o, pia annummu pul᷊o, pia lai paaṛṛasutta su wageangnge wuane.”

PANDARIADDI 26:12

I Ishak nangasi'u wualanna wuṛṛu nabbaille su wanua udde, wuṛṛu tonna udde i tou naasomba hessine maṛṛasutta anambone wuassu wualanna apan niasingnge, ana waugu Mawu nangal᷊amata si tou.

WATTI'U MANGA RASUL 17:11

Manga taumata su Berea masaṛṛionto'a naungnge wuassu manga taumata su Tesalonika. Ringannu naungnga mal᷊uassa i mangitou madaringikka watti'u Mawu Yesus, wuṛṛu miallo-miallo i mangitou mannaṛṛassida lal᷊oṛṛon Wuke Susi tadea'u maasingkatta tanne al᷊aṛṛa'i Paulus udde atonna.

MATIUS 13:8

Arawe pia lai wualanna apan nanawo su leta'a masuwukka, see nabbua; piaddu maṛṛasutta, piaddu anummu pul᷊o, wuṛṛu pia lai paatallum pul᷊one anambone.”

YEREMIA 23:29

Wisara-U naal᷊ihidda putungnga, wuṛṛu ere darupa apan maaṛṛimunsa'a watu!

FILIPI 1:11

Wiakku sarun lumambalanna ringannu pallal᷊agu apan atonna-tonna mapia apan darantane tumba'u wuassi Yesus Kristus sassane; ne Ruata sarun wantuhanna wuṛṛu raloanna.

YOHANES 7:17

Taumata apan matuṛṛutta apulun Ruata, sarun maasingkatta tanne al᷊aṛṛa-U indi darantane wuassu Ruata ara'e wuassia-U sassane.

LUKAS 8:15

Wualanna nanawo su leta'a masuwukka isassumandingnga su taumata madaringikka watti'a udde, see sinahipunna sulal᷊ummu naungnge apan baresi wuṛṛu matul᷊ida. I mangitou natataṛṛangnga na'oman sara nabua.”

LUKAS 8:8

Arawe pia lai bualanna nanawo su leta'a masuwukka, see tinumuwo wuṛṛu nabua paaṛṛasutta anambone.” Napawe suete nabbati'u sasumandingnga udde, Mawu Yesus nabbisara, “Amungkangngu pia tal᷊inga padaringikka!”

MATIUS 13:23

Wuṛṛu wualanna apan nanawo su leta'a masuwukka, isassumandingnga su taumata apan maddaringikka watti'a udde wuṛṛu maasunna. I mangitou nabbua manambo, piaddu maṛṛasutta, piaddu anummu pul᷊o wuṛṛu pia lai wuane paatallum pul᷊o anambone.”

YESAYA 58:1

Mawu nabbisara, “Pangintul᷊ite ringannu ahewallu auatanna! Pasingkata'e su uma-U manga rosa mangitou.

MARKUS 4:7

Pia lai bualanna apan nanawo su tangngan ahuranganna ṛoaanna. Ahuranganna ṛoaanna udde tinumuwo wuṛṛu namul᷊issa tatuwon bualanna udde na'oman sara tawe nabbua.

MARKUS 4:9

Napawe suete nabbati'u sasumandingnga udde, Mawu Yesus nabbisara, “Isai pia tal᷊inga, paddaringikka!”

EFESUS 2:21

Ete i Tou apan nangatokku ahewallu wal᷊e udde naola'a Wal᷊en Duata apan tumba'u hunane su Mawu.