MARKUS 4:32 - WUKE SUSI WATTI'U AL᷊AL᷊USASSA

³² Arawe amungkangngu tinumuwote, i tou maola'a ahewal᷊anne su wallattu manga sinuananna. Manga rannane manambona'oman sara manga manu'a rudanta, wuṛṛu ma'ola'a sal᷊akka su al᷊ungnge.”

MARKUS 4:32 Referans Kwoze

DARALO 91:1

Taumata apan uatillumma su Apan Atanggaṛṛanne, wuṛṛu uatana'a sulal᷊ummu lu'addu Apan Lembontaṛṛino,

LAL᷊ALLU 4:20

I mangitou nanametta ratu nipilen Mawu, taumata apan iaasakki yami apan mangngonggollu wiakka wuṛṛu mallal᷊indumma wuassu seetta.

YESAYA 32:2

I mangitou sangkatou-sangkatou naal᷊ihidda tampa pattillummanna wuassu anginna wuṛṛu tandi'a. I mangitou ere sal᷊ukku apan mangngelekka su wadda'u anne, ere lumman batu wahewalla su leta'a maṛṛasa.

YESAYA 11:9

Su Sion, Wuiddu Ruata Na'ukkassa, tawe al᷊al᷊eo apan manggohakka. Wanua sarun mapenen asingkatta su ola'u Ruata, naal᷊ihidda ua'e namene tahal᷊oangnga.

ANTARI MAWANTUGA 2:3

Naal᷊ihidda punnu apel su pattangngannu aaluanna su mahurangnge, aroddi lai tatuno naungku suwallattu manga umbasanna. I ya'u mal᷊uassa maasirungnga su al᷊ungnge, manga wuanne mangkatemangnga pendamanna.

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

DARALO 104:12

Maranine manga manu'u winalanganna na'ola'a sal᷊akka; i mangitou mangngantari suwallattu manga rongnga.

YEHEZKIEL 17:23

Su wowone apan atanggaṛṛanne su Israel, i tou Ta'u ipasi'a. Poiaroddi i tou sarun mallal᷊uwo, wuṛṛu mangonggollu wuane, see maola'a alun cemara apan mawantuga. Al᷊awo'u hati manu'u winalanganna sarun massal᷊akka sulal᷊umme wuṛṛu massirungnga su al᷊ungne.

MATIUS 13:32

Watun sawi eteudde wualanna apan addio'anne. Arawe amungkangngu tinumuwote, i tou maola'a ahewal᷊anne su wallattu al᷊awo'u sinuananna. I tou maola'a alu, ma'oman sara manga manu'u winalanganna massal᷊akka su manga rannane.”

MARKUS 4:31

Napawe Ruata mamarenta, olangnge ere sasumandingnga indi: Sambau watun sawi nianun sangkatou taumata see sinuanna su leta'a. Watun sawi eteudde watu apan adio'anne su runia.

MARKUS 4:33

Aroddi Mawu Yesus mangngaṛṛa'a taumata ringannu mappaattu sasumandingnga ereudde, tadea'u i mangitou wotongnge maasunna.