MARKUS 4:31 - WUKE SUSI WATTI'U AL᷊AL᷊USASSA

³¹ Napawe Ruata mamarenta, olangnge ere sasumandingnga indi: Sambau watun sawi nianun sangkatou taumata see sinuanna su leta'a. Watun sawi eteudde watu apan adio'anne su runia.

MARKUS 4:31 Referans Kwoze

WATTI'U MANGA RASUL 19:20

Ete aroddi, ringannu saṛṛene apan wahewalla udde wisara Mawu mangke inasingkatanna wuṛṛu a'atambanna taumata apan mangngimanna.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

WATTI'U MANGA RASUL 21:20

Napawe suete nadaringikka watti'i Paulus udde, i mangitou sarangkanambone nadalote Ruata. Wua'udde i mangitou nabbisara si Paulus, “Tuṛṛangnga Paulus! Tuṛṛangnga ṛinone maasingkatta manungku su ṛiwunete taumatan Yahudi mangngimanna Mawu Yesus. Ete i mangitou sarangkanambone udde taumata apan sidutu tuttuṛṛutta mappaamattu Titan Musa.

WATTI'U MANGA RASUL 5:14

Wuṛṛu mallannu mangke a'atambanna anambone manga taumata apan mangngimanna Mawu – mapia esakka ara'e wawine.

WATTI'U MANGA RASUL 4:4

Arawe manga taumata apan naaringikke al᷊aṛṛa'u manga rasul udde, manambonampangimanna. Ne reenganni mangitou niatambanna na'oman sara iraṛṛangngo lima ṛiwu su atoune.

WATTI'U MANGA RASUL 2:41

Manambo taumata mangngimanna watti'i Petrus, see i mangitou naisaṛṛanite. Ne reengannu taumata mangngimanna su allo udde niatambanna lai tallu ṛiwu su atoune.

ZAKARIA 12:8

Su allo udde i Ya'u sarun mallu'adda tumana'u Yerusalem; wuṛṛu iapa al᷊omeanne lai suwallatti mangitou sarun maola'a ere atohassi Daud. I mangitou sarun ehetannu papapulunni Daud ere lai mala'eka-U, ewe'e lai ere i Ya'u sassane.

ZAKARIA 2:11

Sutempo udde manambo walahanna sarun dumanta ringannu Mawu tadea'u maola'a uman-Ne. I Tou sarun matana'a suwallatti yamiu, wuṛṛu i yamiu sarun maasingkatta manungku Mawu buatte nandolo'u ringanni yamiu.

YESAYA 60:22

Ewe'e lai amonanna apan addio'a wuṛṛu masa'ina sarun mabbal᷊i walahanna apan bahewalla wuṛṛu matohassa. I Ya'u Mawu sarun mal᷊ihakke mammanara sutempo apan na'etta'a ara'e natantunna.”

YESAYA 53:12

Ringannu naungnga mal᷊uassa i tou nanantillu wiakke wuṛṛu nasutta su reengannu taumata lal᷊eo. I tou namasanna rosa taumata nambo wuṛṛu niumal᷊iomana tadea'u i mangitou ampunganna. Ne i tou Ta'u nionggol᷊annu taumata manambo maola'a hadiane, wuṛṛu i tou naasomba wageangnge suadio'a ringannu manga taumata apan matul᷊idda.”

YESAYA 53:2

Mawu mappandumma allang-Nge udde ere solla apan tinumuwo su leta'a mamara. Tawe aṛṛamaga si tou apan ellehanni ite; taweddu ma'anemma apulun kite.

YESAYA 9:7

Mawu buatte nangema'u ṛuumanna su araratuannu Israel.

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

MARKUS 4:30

“Napawe Ruata mamarenta, ringannu apa i ite botongnge manumandingnga?” aiwal᷊o Mawu Yesus. “Tul᷊ada apa apan wotongnge ipaatti ite ipanal᷊a'a?

MARKUS 4:32

Arawe amungkangngu tinumuwote, i tou maola'a ahewal᷊anne su wallattu manga sinuananna. Manga rannane manambona'oman sara manga manu'a rudanta, wuṛṛu ma'ola'a sal᷊akka su al᷊ungnge.”

LUKAS 17:6

Mawu Yesus sinumimbakka, “Amungkangngu i yamiu pia pangangimanna ere ahewallu watun sawi, yamiu wotongnge mabbisara su alu murbei indi, ‘Aabute i'o wuṛṛu tuwote su tahal᷊oangnga,’ alu indi sarun tumuṛṛutta parentanu.”