MARKUS 4:29 - WUKE SUSI WATTI'U AL᷊AL᷊USASSA

²⁹ Wuṛṛu amungkangngu gandumma udde nal᷊ahate, taumata udde manattakke mangitingnga, ana waugu tempotem pangangitingnga.”

MARKUS 4:29 Referans Kwoze

YOEL 3:13

I mangitou tumaniten dal᷊eo; ṛassi'e i mangitou naal᷊ihidda gandumma nal᷊ahate su wawail᷊anna. Mangke ṛindate i mangitou ere anggore sulal᷊ummu pamamakkan nu anggore apan napene na'oman sara tinumompe'a.

MATIUS 13:30

Wala'e akke udde tumuwo su sampunna ma'oman sara orassu pangangitingnga. Paṛṛado i ya'u mabbisara su manga taumata apan mangitingnga: Ammul᷊a'a rorone manga akke udde, wa'issa see tutungnga. Wua'udde ammul᷊a'a gandumma, see sahipunna sulal᷊ummu wal᷊ingkakka.’ ”

AYUB 5:26

Naal᷊ihidda gandumma nal᷊ahate, itinganna sutempone, i'o lai sarun mabbiakka mapia maddatingngu matimmadde.

MARKUS 4:28

Ete leta'a udde apan nangagillu wuane sassane; paarorone raene, wua'udde wungane, ana see wuane.

SONDAPPA 14:18

Napawe wua'udde, sangkatou mala'ekatta waine, apan uataṛṛino putungnga, nirumanta wuassu mezbah. Ringannu tingikka ma'ikkatta i tou inumui su mala'ekatta apan uaaggasa hal᷊ele maṛṛoro udde, “Limbea'e hal᷊elenu udde wuṛṛu ti'ote manga wuan anggore su runia, ana waugu manga wuane nal᷊ahate!”