MARKUS 4:24 - WUKE SUSI WATTI'U AL᷊AL᷊USASSA

²⁴ See Mawu Yesus nabbisara apia, “Panutukka apa apan radaringiṛṛanni yamiu indi! Uuṛṛanna apan ipaatti yamiu su taumata waine sarun ipaattu Ruata lai si yamiu – wuṛṛu ewe'e lembon anamboanne lai.

MARKUS 4:24 Referans Kwoze

IBRANI 2:1

Ana waugu udde i ite ṛinone lembon mangaggasa atonna-tonna manga al᷊aṛṛa'a apan suete niaringiṛṛani ite, tadea'u i ite tawe manantangngu pangangimanni ite.

LUKAS 8:18

Ana waugu udde paanaungete mapia-pia apa apan niaaringiṛṛanni yamiu. Ana waugu taumata apan uatahuante, sarun onggol᷊anna lembon anamboanne lai; arawe taumata tawedu tatahuananne, adio'a apan ta'e si tou sarun anuanna lai.”

MATIUS 7:2

Ana waugu su ereapa i yamiu maṛṛuungngu taumata waine, aroddi lai Ruata sarun maṛṛuungngi yamiu. Wuṛṛu uuṛṛanna apan ipanguukki yamiu su taumata waine sarun ipanguukku Ruata lai si yamiu.

WATTI'U MANGA RASUL 17:11

Manga taumata su Berea masaṛṛionto'a naungnge wuassu manga taumata su Tesalonika. Ringannu naungnga mal᷊uassa i mangitou madaringikka watti'u Mawu Yesus, wuṛṛu miallo-miallo i mangitou mannaṛṛassida lal᷊oṛṛon Wuke Susi tadea'u maasingkatta tanne al᷊aṛṛa'i Paulus udde atonna.

2 KORINTUS 9:6

Paanaunge! Taumata apan mangngasi'u wualanna mampaadio'a, sarun mangitingnga hessine adio'a lai. Arawe taumata apan mangngasi'u wualanna manambo-nambo sarun mangitingnga lai hessine manambo.

YOHANES 10:27

Manga domba-U madaringikka tingi-U. I Ya'u ma'aillal᷊a si mangitou, wuṛṛu i mangitou uatantalongnga si Ya'u.

AMSAL 19:27

Ana'u, amungkangngu i'o maddirite lai massi'ala, i'o sarun maabul᷊in apa apan buatte niurumannu.

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

YOHANES 5:25

Pangimante: Sarun rumanta tempone – ewe'e nia'omante lai tempone – taumata nate sarun maddaringikka tingikku Ana'u Ruata. Wuṛṛu taumata apan maddaringikka sarun masal᷊amatta.

MARKUS 9:7

Wua'udde winabbawa nangooppa si mangitou wuṛṛu wuassu winabbawa udde inaringiṛṛanna tingikka nabbisara, “Ete indi Ana'u apan arangnguanna. Daringiṛṛe i Tou!”

YOHANES 10:16

Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

1 YOHANES 4:1

Manga tuṛṛangnga apan arangnguanna! Arie pangimanna anambon taumata apan mangnga'u Ghaṛṛahon Duata, arawe annama'a asuene i mangitou tanne ghaṛṛaho mangitou udde niarantanne wuassu Ruata ara'e tawe. Ana waugu manambonabi awusu apan u'amatta su al᷊awo'u tampa.

1 PETRUS 2:2

Ṛinone i yamiu maola'a ere ana'a wakku niasungkanga, sidutu maroun susu ghaṛṛaho apan waresi. Ringannu aroddi yamiu sarun tumuwo wuṛṛu iapaasal᷊amatta.

YEREMIA 17:21

Wal᷊oa'e arendi: ‘Amungkangngu i yamiu maddiri mate, ariete mamasanna saranapa su allon Sabatta, ara'e mangapidda sumabbi manga ngara pasallanganna su Yerusalem.