MARKUS 4:17 - WUKE SUSI WATTI'U AL᷊AL᷊USASSA

¹⁷ Arawe watti'a udde tawe nakkamutta sulal᷊ummu naungngi mangitou, na'oman sara tawe nataṛṛangnga mal᷊annu. Aroddi i mangitou natataṛṛangnga asasusa ara'e pandal᷊al᷊eo ana waugu watti'a udde, lapiddu i mangitou nassinaaddu Ruata.

MARKUS 4:17 Referans Kwoze

MATIUS 11:6

Lal᷊umanna'a su taumata tawe pinangiananne su ipanol᷊a'u!”

SONDAPPA 2:10

Arie matta'uttu asasusa apan tate mal᷊annu lai apendamanni yamiu. Paanaunge, Setanna sarun mantaṛṛon sangkawageanganna wuassi yamiu sulal᷊ummu tuttupanna, ana waugu ipamono'a si yamiu. I yamiu sarun matataṛṛanga mapul᷊o allo al᷊annune. Ṛinone i yamiu matuṛṛuta si Ya'u ma'oman sara mate, ne i Ya'u sarun mangonggola si yamiu wiakka tutune wuṛṛu saran mal᷊annu-l᷊annu apan maola'a sambau lal᷊antaku naauntunga.

MATIUS 12:31

Ana waugu udde, ana see i'o masingkatta, amungkangngu taumata ma'ola'a rosa wuṛṛu mabbatti'u al᷊uandaga, i tou wotongnge aampunganna! Arawe amungkangngu i tou mangngaddio'a Ghaṛṛahon Ruata, i tou tawe aampunganna!

SONDAPPA 2:13

I Ya'u masingkata suapa i yamiu uatana'a, eteudde su araratuannu Setanna. I yamiu matuṛṛuta si Ya'u. Ewe'e su tempo i Antipas, matatiala-U apan matuṛṛuta udde, nipate su saruannu su tampan Setanna, i yamiu tawe naddandila manungku i yamiu mangngimanna si Ya'u.

1 YOHANES 2:19

Manga seetti Kristus eteudde manga taumata apan suete nanantangi ite, ana waugu i mangitou su ṛinone wal᷊ine taumata su sambau ringanni ite. Amungkangu i mangitou taumata su sambau ringanni ite, i mangitou mangke uaammulla ringanni ite. Arawe i mangitou nanantangi ite, tadea'u matualage manungku tawe saran sangkatou wuassi mangitou apan atonna-tonna nasutta su reenganni ite.

IBRANI 10:29

Aroddi awakkane ṛuumanna apan ionggola su taumata apan maṛṛinda Ana'u Ruata. Taumata udde mangngadio'a ṛaṛṛam pa'airen Ruata, eteudde papaten Kristus apan namaresi si tou wuassu rosa. I Tou mangngadio'a Ghaṛṛaho apan mangngonggolu al᷊amatta.

2 TIMOTIUS 4:16

Su tempo i ya'u paarorone sinumimbakka, tawe saran sangkatou apan uaringanna si ya'u; sarangkanambone nanantangku. Doronganna Ruata tawe mapaasal᷊an mangitou su olangnge indi!

2 TIMOTIUS 1:15

I'o masingkata manungku anambon taumata su leta'u Asia suete nanantangku, nasutta lai Figelus wuṛṛu Hermogenes.

YOHANES 8:31

Wua'udde Mawu Yesus nabbisara su manga taumatan Yahudi apan nangimante si Tou, “Amungkangngu i yamiu mabbiakka tuttuṛṛutta al᷊aṛṛa-U, i yamiu atonna-tonna mallal᷊aṛṛenggeng-Ku,

LUKAS 12:10

Amungkangngu taumata mabbisara wisara lullawangnga Ana'u Taumata, i tou wotongnge aampunganna, arawe amungkangngu i tou mangngadio'a Ghaṛṛahon Ruata, i tou tawe aampunganna.

MATIUS 13:21

Arawe watti'a udde tawe naṛṛamutta sulal᷊ummu naungngi mangitou, na'oman sara tawe tinumuwo mal᷊annu. Aroddi i mangitou naasomba asasusa ara'e asasansara ana waugu watti'a udde, i mangitou lapiddu nassinaadda.

AYUB 19:28

‘Ereapa dal᷊anne i ite mangalaen Tou?’ I yamiu maddea'a pangiananne ipa'ola'a hatto.

2 TIMOTIUS 4:10

ana waugu Demas suete nanantangku ana waugu nandangute runia indi. I tou nanute watukku Tesalonika. Kreskes nabatukken Galatia, wuṛṛu Titus watukku Dalmatia.

GALATIA 6:12

Manga taumata apan maapulu mapaatolon batanganne ringannu inolaannu runia, ete i mangitou apan mappandumma mamata'i yamiu tumuṛṛutta atorannu sunatta. Arawe i mangitou na'ola'a udde tumba'u tadea'u i mangitou tawe sansarannu taumatan Yahudi ana waugu arussa Mawu Yesus.

MARKUS 4:16

Wualanna apan nanawo su leta'a mawatu, iassumandingnga su taumata apan uararingikka watti'a udde, wuṛṛu ringannu mal᷊ihakka nanengkamma ringannu naungnga mal᷊uassa.

MARKUS 4:18

Wualanna apan nanawo su tangngan ahuranganna ṛoaanna, iassumandingnga su taumata apan uararingikka watti'a udde,