MARKUS 4:15 - WUKE SUSI WATTI'U AL᷊AL᷊USASSA

¹⁵ Wualanna apan nanawo su lal᷊anna, iassumandingnga su taumata apan uararingikka watti'a su ola'u ereapa Ruata mamarenta. Aroddi naaringikka, Setanna nirumanta wuṛṛu nanganu wualanna apan suete niasi'a sulal᷊ummu naungngi mangitou.

MARKUS 4:15 Referans Kwoze

1 PETRUS 5:8

Ṛinone i yamiu paatehamma wuṛṛu paariagga! Ana waugu Setanna udde seetti yamiu. I tou ere singa u'amatta mammal᷊intadu runia lapiddu mannuntingikka maddea'a pabbawiakke.

MATIUS 13:19

Wualanna apan nanawo su lal᷊anna isassumandingnga su taumata apan naaringikka watti'u Ruata mamarenta, arawe i tou tawe naasunna. Setanna udde nirumanta wuṛṛu nangaṛṛo wualanna apan suete niasi'a sulal᷊ummu naungngi mangitou.

2 KORINTUS 2:11

I ya'u na'ola'a udde tadea'u Setanna tawe maapanganu tempone ipamarenta si ite, ana waugu i ite masingkatu manga pandumanne.

LUKAS 8:12

Wualanna apan nanawo su lal᷊anna isassumandingnga su manga taumata apan madaringikka wisara udde. Arawe Setanna nirumanta wuṛṛu nangaṛṛo watti'a udde wuassu naungngi mangitou, tadea'u i mangitou tawe mangngimanna wuṛṛu tawe masal᷊amatta.

MARKUS 4:4

Su tempo i tou mangngasi'a, pia bualanna nanawo su lal᷊anna. See manu'a nirumanta wuṛṛu inumanna wualanna udde na'oman sara nasue.

WATTI'U MANGA RASUL 5:3

Ne i Petrus nabbisara si tou, “Ananias, anio i'o namalan Setanna namiaṛṛa'u naungngu, na'oman sara i'o nangawusu Ghaṛṛahon Ruata, ringannu mal᷊anna-l᷊annaba nama'ungnga roitta ipaannu sassane sambageanganna roitta la'unnu leta'a udde?

YESAYA 53:1

Walahanna udde sinumimbakka, “Isai mangimanna apa apan buatte niaringiṛṛanni yami? Ete sisai buatte niapal᷊iatta'a taṛṛino Mawu?

SONDAPPA 20:10

See Setanna apan nangawusu si mangitou udde, tinuntunga sulal᷊ummu tahal᷊oangngu putungnga wuṛṛu belerangnga. Ete isudde tampane winatangnga wuṛṛu nabi awusu udde niramme paarorone. I mangitou sarun sansaranna allo ṛabbi saran mal᷊annu-l᷊annu.

SONDAPPA 20:7

Napawe nasuete tempon saṛṛiwu su tonnane udde, Setanna sarun ipallosa wuassu tattupanne,

IBRANI 2:1

Ana waugu udde i ite ṛinone lembon mangaggasa atonna-tonna manga al᷊aṛṛa'a apan suete niaringiṛṛani ite, tadea'u i ite tawe manantangngu pangangimanni ite.

2 TESALONIKA 2:9

Taumata lal᷊eo udde sarun rumanta ringannu sambau taṛṛino apan wahewalla wuassu Setanna. I tou sarun ma'ola'a al᷊awo'u hatin al᷊aṛṛindu'a wuṛṛu manga inolaanna apan wahewalla napenen bawahia.

MATIUS 22:5

Arawe manga raho apan niwal᷊oanna udde tawe nirumanta. I mangitou nabatukku manga manara mangitou sambau-sambau – sangkatou inaite su waille, waine su tampan pammanaranne;

SONDAPPA 12:9

Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.

MATIUS 4:10

Mawu Yesus sinumimbakka, “Passal᷊iu i'o mamamono'a! Sulal᷊ummu Wuke Susi, uawoṛṛetta: Passubbate Mawu Ruatanu, wuṛṛu pangimbete si Tou sassane!”

ZAKARIA 3:1

Sulal᷊ummu sondappa apan baine lai, Mawu namasilo si ya'u Imam Bahewa Yosua tantal᷊anna uarisikka su saruannu mala'ekattu Mawu. Su sandiṛṛanni Yosua, uarisikka Setanna apan nariahite mangansilla si tou.

PANDARIADDI 19:14

Ana see i Lot inaite naisasomban ruan katou tunangan anangnge, wuṛṛu nabbisara, “Paal᷊ihakke sumabangnga wuassu tampa indi, ana waugu Mawu sarun manoṛṛoba soa indi.” Arawe i mangitou massunna manungku i Lot tumba'u ual᷊al᷊akkangnga.

IBRANI 12:16

Paariagai tadea'u tawe piaddu mabbiakka sussandaga ara'e tawe mangadata inolaannu Ghaṛṛaho, ere suete niola'i Esau. I tou nabbal᷊u'u watanganne ere sangkatou ana'a pahul᷊u, ana waugu tumba'u sanlama'a anna.

WATTI'U MANGA RASUL 17:32

Napawe manga taumata udde naaringikka hatto mabbiakka apia wuassu papate, su wallatti mangitou piaddu nilumagem Paulus. Piaddu nabbisara, “I yami maapulu madaringikka tuṛṛangnga mabbisara apia su ola'u hatto indi.”

MARKUS 4:14

Mangangasi'a udde sangkatou taumata apan mannal᷊iawukku watti'a wuassu Ruata.

MARKUS 4:16

Wualanna apan nanawo su leta'a mawatu, iassumandingnga su taumata apan uararingikka watti'a udde, wuṛṛu ringannu mal᷊ihakka nanengkamma ringannu naungnga mal᷊uassa.