MARKUS 3:24 - WUKE SUSI WATTI'U AL᷊AL᷊USASSA

²⁴ “Amungkangngu sambau araratuanna mapesangnga sulal᷊ummu pirang kawageanganna apan uasaseetta, araratuanna udde tawe maataṛṛangnga mal᷊annu.

MARKUS 3:24 Referans Kwoze

ZAKARIA 11:14

Wua ude ta'u nipaddi ta'ingku aruane, eteudde apan ta'u nisaggo “Nii'itta”, ne napesangke paa'aukku Yehuda wuassu Israel.

YEHEZKIEL 37:22

I mangitou sarun Ta'u olaanna sambau walahanna su leta'a udde, su panenteannu Israel. I mangitou sarun parentannu sangkatou ratu, wuṛṛu tate matahia maola'a darua walahanna ara'e araratuanna.

2 SAMUEL 20:6

Wua'udde ratu nabbisarate si Abisai, “i Seba udde tumaniten mapaasusan kite maddal᷊eoanna wuassi Absalom. Ana waugu udde apira'e tantara'u wuṛṛu enggenete i tou, tadea'u arie ma'oman sara i tou maapamanua su soa apan pia tanda'a watune, wuṛṛu maatal᷊angnga wuassi ite.”

2 SAMUEL 20:1

Su soan Gilgal pia sangkatou taṛṛa sal᷊asa'a aranne i Seba. I tou ana'i Bikri, wuassu ruanganni Benyamin. Sutempo taumatan Daud nangelekka nirumanta, i Seba nattiuppa trompetta wuṛṛu nangintul᷊i, “I ite tawe paa'aukka ringanni Daud. Ipa'ura i ite tumantalongnga si tou? Ei taumatan Israel, wette i ite mapul᷊ete!”

YOHANES 17:21

I Ya'u sumal᷊ande, Iamangnga, tadea'u i mangitou sarangkanambone maola'a sambau, ere lai Iamangnga sambau ringang-Ku, wuṛṛu i Ya'u ringannu Iamangnga. Sal᷊andeanna i mangitou maola'a sambau ringanni Ite, tadea'u runia mangngimanna manungku ete Iamangnga apan nandolo-U.

MATIUS 12:25

Mawu Yesus naasingkatta ṛingiṛṛannu manga taumatan Farisi udde. Ne i Tou nabbisarate si mangitou, “Amungkangngu sambau araratuanna nattal᷊ei naola'a pirang kawageanganna apan sarun pasi passeetta, araratuanna udde tawe mal᷊annu. Wuṛṛu sambau wanua ara'e lal᷊oṛṛon bal᷊e sambau apan uataae wuṛṛu uasaseetta sangkatou ringannu sangkatou, sarun mawinasa.

MARKUS 3:23

Ne Mawu Yesus namago taumata nambo udde, wuṛṛu nabbati'a si mangitou manga pira sasumandingnga. “Ereapa wotongnge ghaṛṛaho lal᷊eo mallimbuakka ghaṛṛaho lal᷊eo,” unnu Mawu Yesus.

MARKUS 3:25

Wuṛṛu amungkangngu sulal᷊ummu lal᷊oṛṛon bal᷊e, tawe paddarame wuṛṛu manga lal᷊oṛṛone uasaseetta, lal᷊oṛṛon bal᷊e udde sarun massongkakka.