MARKUS 2:7 - WUKE SUSI WATTI'U AL᷊AL᷊USASSA

⁷ “Waṛṛani atonna taumata indi mabbisara aroddi! I tou mangngadio'a Ruata. Isai wotongnge mangampungnga rosa, wal᷊inewe tumba'u Ruata sassane?”

MARKUS 2:7 Referans Kwoze

YESAYA 43:25

Arawe i Ya'u Ruata apan namappassa rosanu, i Ya'u nangampungnga si'o ana waugu etearoddi apulu-U; i Ya'u tate mannaungnga rosanu.

LUKAS 5:21

Manga hurun agama wuṛṛu manga taumatan Farisi mannattakke uahahatto sangkatou ringannu sangkatou, “Isai taumata indi apan baṛṛani mangngadio'a Ruata? Isai wotongnge mangampungnga rosa, su liuddu Ruata sassane?”

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

DANIEL 9:9

I'o napenen pangangampunga wuṛṛu darangngu, salaiwe i yami buatte nilumawangnga Si'o.

LUKAS 7:49

Manga taumata waine apan ua'ianna u'anna su sampunna ringannu Mawu Yesus mannattakke uahahatto sangkatou ringannu waine, “Isai taumata indi na'oman sara i Tou wotongnge mangampungnga rosa?”

DARALO 130:4

Arawe I'o sidutu maapulu mangampunga, tadea'u taumata mabbal᷊i ma'imanna.

AYUB 14:4

Wotongngewe taumata apan marosa mandantan inolaanna apan nasuungnga?

YOHANES 10:33

Manga taumatan Yahudi udde sinumimbakka, “Wal᷊inewe ana waugu manga manaranu apan mapia udde i yami manuntungngu watu Si'o, arawe ana waugu I'o mangngadio'a Ruata. I'o sangkatou taumata, ma'apulu ma'ola'a riri-Nu ere Ruata.”

MARKUS 14:64

I yamiu naaringikke sassane manga wisara-Ne apan ipangngadio'a Ruata. Orassa indi ereapa i'o makkawessu hatto indi?” I mangitou sarangkanambone nakkawessa manungku Mawu Yesus nassal᷊a, wuṛṛu ṛinone iṛṛuumanna ma'oman sara mate.

MATIUS 26:65

Ne imam bahewa udde nanggesa'a laungnge, wuṛṛu nabbisara, “I tou mangngaddio'a Ruata! Tawe gunane lai madea'a sakassi. I yamiu sarangkanambone suete naaringikka sassane manga wisara apan ipangngaddio'a Ruata.

MATIUS 9:3

Manga pira hurun agama apan isudde lai nabbisara sulal᷊ummu naungnga, “Taumata indi mangngal᷊uandaga Ruata!”

YOHANES 10:36

anio i yamiu mabbisara si Ya'u mangngadio'a Ruata ana waugu nabbisara i Ya'u Ana'u Ruata? Sumbal᷊i Ya'u nipilen Ruata wuṛṛu nirolokka watukku runia.

MARKUS 2:6

Manga pira hurun agama apan ua'ianna isudde, mannattakke uaaiwal᷊o sulal᷊ummu naungnga,

MARKUS 2:8

Su tempo udde lai Mawu Yesus naasingkatta ṛingiṛṛanni mangitou. See i Tou nabbisara, “Anio i yamiu ma'iwalo sulal᷊ummu naungngu?