MARKUS 2:13 - WUKE SUSI WATTI'U AL᷊AL᷊USASSA

¹³ Mawu Yesus nabelengnga apia su winggin Danon Galilea. Manambo taumata nirumanta ringanni Tou, ne i Tou nangaṛṛa'e si mangitou.

MARKUS 2:13 Referans Kwoze

MARKUS 4:1

Mawu Yesus mangngaṛṛa'a lai su winggin Ranon Galilea. Manambo atonna taumata uapal᷊iwutta si Tou. Ana waugu udde i tou inaite inuma'ianna sulal᷊ummu saalanna apan ual᷊allatto, wuṛṛu taumata nambo uarisikka su winggin dano.

LUKAS 21:38

Suapan rua'allo, manga taumata rudanta su Wal᷊e Mawu madaringikka Mawu Yesus mangngaṛṛa'a.

LUKAS 19:48

arawe tawe maasomba lal᷊anne ipa'ola'a olangnge udde, ana waugu manga taumata sidutu uararingikka si Tou, wuṛṛu mal᷊uassa madaringikka wisara-Ne.

MARKUS 2:2

See manambo taumata nirumanta. I mangitou uaṛṛimpulunna poiaroddi na'oman sara niasueannu tampa. Su ngara taumata mangke lai uasaseppe'a. See Mawu Yesus namasingkattu watti'a wuassu Ruata si mangitou.

MARKUS 1:45

Arawe taumata udde inaite, wuṛṛu mangke tawe illol᷊one mabatti'u inolaanna udde su al᷊awo'u tampa, na'oman sara Mawu Yesus tate naasutta su soa ringannu mal᷊uassa. I Tou tumba'u uatana'a su liuddu soa su tampa apan mal᷊annaba. Arawe taumata sidutu lai rudanta ringanni Tou wuassu al᷊awo'u tampa.

MATIUS 13:1

Su allo udde lai Mawu Yesus nanantangken bal᷊e udde see inaite su winggin rano wuṛṛu inuma'iante isudde.

MATIUS 9:9

Wua'udde Mawu Yesus nanantangken tampa udde. Tantal᷊anna u'amatta i Tou naasilo sangkatou maddarorongnga wose, aranne i Matius, tantal᷊anna ua'ianna su tampa mallal᷊uṛṛu wose. Mawu Yesus nabbisara si tou, “Wette tantalongke si Ya'u!” Ne i Matius nirumarisikke wuṛṛu tinumantalongke Mawu Yesus.

MARKUS 10:1

Wua'udde Mawu Yesus nanantangken tampa udde, wuṛṛu inaite su wageangngu leta'u Yudea wuṛṛu su wageangngu leta'u samba'an Sal᷊ukku Yordan. Taumata manambonirumanta apia maṛṛimpulunna mammal᷊iwutta Mawu Yesus. Wuṛṛu ere wiasane Mawu Yesus mangngaṛṛa'a si mangitou.