MARKUS 16:6 - WUKE SUSI WATTI'U AL᷊AL᷊USASSA

⁶ Taumata umbasanna udde nabbisara, “Arie pa'ata'utta! I ya'u masingkatta i yamiu maddea'a Mawu Yesus taumata Nazaret apan suete niarussa. I Tou tate baddia isindi. I Tou nabangunte! Pa'ellega, indi tampane, i mangitou napal᷊allowangngi Tou.

MARKUS 16:6 Referans Kwoze

LUKAS 24:46

See i Tou nabbisara si mangitou, “Sulal᷊ummu Wuke Susi uawoṛṛetta manungku Ratum Punnu Sal᷊amatta ṛinone matataṛṛangnga, wuṛṛu sarun mabangunna apia wuassu papate su allo atallune.

WATTI'U MANGA RASUL 4:10

Ne, manga mawu sarangkanambone ṛinone maasingkatta wuṛṛu anambon walahannu Israel ṛinone lai maasingkatta manungku taumata indi uarisikka orassa indi ringannu wadangnga apan mapia su saruannu manga mawu, ana waugu atatohassa wuṛṛu taṛṛino wuassu Mawu Yesus Kristus taumatan Nazaret. Manga mawu suete nangarussa Mawu Yesus udde, arawe Ruata suete napaawiakki Tou apia.

AMSAL 8:17

I ya'u u'akkanni mangitou apan mappulu'u; apan maddea'a si ya'u, sarun maasangkalla si ya'u.

MARKUS 1:24

“Ei Yesus, taumata Nazaret, I'o maapulu ma'ola'a apa ringanni i yami? I'o rumanta mamate si yami? I ya'u masingkatta isai I'o: Ete I'o ralol᷊oṛṛanna apan na'ukkassa wuassu Ruata!”

MATIUS 12:40

I Yunus uatana'a tallu allo tallu ṛabbi sulal᷊ummu tiannu inassa masallaka. Aroddi lai Ana'u Taumata sarun matana'a tallu allo tallu ṛabbi sulal᷊ummu tiannu runia.

DARALO 71:20

I'o nangonggola si ya'u manambo asasusa mawakkata, arawe I'o sarun mamelengngu ikka'u wuṛṛu mamangunna si ya'u wuassu labbinga.

MARKUS 10:34

I mangitou sarun mangal᷊uandaga si Tou, wuṛṛu mangaddu si Tou, manansara si Tou, wuṛṛu mangarussan Tou. Arawe su allo atallune i Tou sarun mabangunna apia.”

MARKUS 1:27

Anambon taumata mangke naherangnga, na'oman sara i mangitou nabbisara sangkatou ringannu sangkatou, “Wah apa indi? Sambau al᷊aṛṛa'a apan wakku! Ringannu saṛṛaungnga wuṛṛu taṛṛino i Tou namarenta manga ghaṛṛaho lal᷊eo udde sinumabangnga, wuṛṛu i mangitou tinumuṛṛutta si Tou!”

MARKUS 9:15

Aroddi manga taumata udde naasilo Mawu Yesus, i mangitou inagukke, lapiddu tinumal᷊angnga nanal᷊oho si Tou.

MARKUS 14:33

See Mawu Yesus nangahe si Petrus, si Yakobus wuṛṛu si Yohanes inai su sampunna ringanni Tou. I Tou nanattakke massusa wuṛṛu sussinggawangnga.

WATTI'U MANGA RASUL 2:24

Arawe Ruata napaawiakki Tou apia wuassu wallattu manga taumata nate. I Tou niallupu papate, arawe Ruata napaal᷊iun Tou, ana waugu tawe ṛinone i Tou sidutu aagasannu papate.