MARKUS 16:18 - WUKE SUSI WATTI'U AL᷊AL᷊USASSA

¹⁸ Amungkangngu i mangitou mangagassa atoanna ara'e ma'inumma pasangkada, i mangitou tawe masilaka. Amungkangngu i mangitou mangandangngu lima su manga taumata marada'a, manga taumata udde sarun mapia.”

MARKUS 16:18 Referans Kwoze

LUKAS 10:19

Asingkatewe! I yamiu suete inonggol᷊annu taṛṛino tadea'u i yamiu wotongnge maṛṛinda atoanna wuṛṛu kalajengking lapiddu mamadi al᷊awo'u auatannu seetta, ringannu tawe saran sambau wotongnge manilaka si yamiu.

WATTI'U MANGA RASUL 19:12

Amungkangngu leso, ara'e wawa'issa lawassa apan suete nipaatti Paulus iapidda su manga taumata marada'a, rada'i mangitou mawul᷊i wuṛṛu ghaṛṛahon setanna lai sumabangnga wuassi mangitou.

WATTI'U MANGA RASUL 4:30

Onggol᷊aawe aakannu, tadea'u taumata marada'a iapaapia wuṛṛu manga al᷊aṛṛindu'a see inolaanna apan bahewalla mariaddi wuassu taṛṛino wuṛṛu atatohassa wuassu arannu Mawu Yesus, Allang-Ngu apan na'ukkassa udde.”

WATTI'U MANGA RASUL 3:16

Manga tuṛṛangnga suete naasilo wuṛṛu nattiala apa apan nariaddi su taumata lome indi. I Tou nabal᷊i matohassa, wuṛṛu napia ana waugu mangngimanna Mawu Yesus wuṛṛu taṛṛino-Ne. Ana waugu mangngimanna Mawu Yesus, ne taumata indi napiate apia su saruannu manga tuṛṛangnga sarangkanambone.

WATTI'U MANGA RASUL 9:34

I Petrus nabbisara si Eneas, “Eneas, Mawu Yesus mapaapianu. Pabbangunte wuṛṛu sahangginte tattereannu.” Orassa udde lai i Eneas dirumarisikke.

WATTI'U MANGA RASUL 3:12

Napawe i Petrus naasilo manga taumata udde, i tou nabbisara si mangitou, “Ei manga taumatan Israel, anio manga tuṛṛangnga maggerangngu olangnge indi? Anio i yamiu sidutu ua'ellega si yami? Apa i yamiu massunna manungku taumata indi naamatta ana waugu taṛṛino wuassi yami ara'e ana waugu i yami matuṛṛutta Ruata?

MARKUS 5:23

wuṛṛu sinumal᷊ande, “Iamangnga, ana'u wawine'u marada'a masaddatta. Wotongnge Iamangnga rumanta mamita si tou, tadea'u i tou mapia wuṛṛu tawe mate!”

DARALO 91:13

I'o sarun lumepangnga atoanna wuṛṛu singa, manaidanna singa anangnge wuṛṛu atoanna mawisa.

ROMA 16:20

Ruata apan nangonggolu paddarame su taumata, mal᷊ihakke mandolokku Setanna massuṛṛubawa su taṛṛinonu wuṛṛu maṛṛimunsa'a si tou. Antimanna manga tuṛṛangnga sidutu aal᷊amatanni Yesus Kristus Mawun kite!

1 KORINTUS 12:9

Ghaṛṛaho apan sambau udde lai mangonggola su sangkatou taumata, apande apan nangillembo ipangimanna si Kristus; arawe su taumata waine Ghaṛṛaho udde mangngonggolu taṛṛino ipangngapia taumata.

WATTI'U MANGA RASUL 4:10

Ne, manga mawu sarangkanambone ṛinone maasingkatta wuṛṛu anambon walahannu Israel ṛinone lai maasingkatta manungku taumata indi uarisikka orassa indi ringannu wadangnga apan mapia su saruannu manga mawu, ana waugu atatohassa wuṛṛu taṛṛino wuassu Mawu Yesus Kristus taumatan Nazaret. Manga mawu suete nangarussa Mawu Yesus udde, arawe Ruata suete napaawiakki Tou apia.

WATTI'U MANGA RASUL 4:22

Taumata apan suete niapaapia udde appatem pul᷊o su tonnane pia lebene uukke.

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”