MARKUS 16:17 - WUKE SUSI WATTI'U AL᷊AL᷊USASSA

¹⁷ Maola'a sambau tatiala manungku i mangitou mangngimanna, manga taumata udde sarun mallimbuakka ghaṛṛaho lal᷊eo ringannu arang-Ku; i mangitou sarun mabbisara sulal᷊ummu al᷊awo'u wisara apan taambe niasingkatanni mangitou.

MARKUS 16:17 Referans Kwoze

WATTI'U MANGA RASUL 5:16

Mangke mangngelekka manga taumata nirumanta wuassu soa maranin Yerusalem. I mangitou mangngapiddu manga taumata marada'a wuṛṛu niasuttannu manga ghaṛṛaho lal᷊eo. Ne manga taumata udde sarangkanambone niapaapia.

1 KORINTUS 12:28

Aroddi lai sulal᷊ummu jamaatta, Ruata buatte nangatokku tampan al᷊awo'u taumata: Paarorone manga rasul; aruane manga nabi, atallune manga huru, see i mangitou apan ma'ola'a al᷊aṛṛindu'a, wua'udde i mangitou apan nionggol᷊annu al᷊amatta mapaapian taumata waine, ara'e ma'ola'a mamamiaṛṛa'a, ara'e lai iapaawisara ringannu al᷊awo'u sasinaukka apan maaṛṛindu'a.

1 KORINTUS 12:10

Su sangkatou nionggol᷊annu taṛṛino ipa'ola'a al᷊aṛṛindu'a wuṛṛu su waine nionggol᷊annu al᷊amatta ipabbatti'u al᷊awo'u pandumannu Ruata. Wuṛṛu su waine lai Ghaṛṛaho udde nangonggolu apande ipamile suapa al᷊amatta wuassu Ghaṛṛahon Duata wuṛṛu suapa apan wal᷊ine. Piaddu nionggol᷊annu apande ipabbisara ringannu al᷊awo'u sasinaukka apan maaṛṛindu'a, wuṛṛu piaddu lai nionggol᷊annu apande ipanal᷊a'a atappasannu manga sasinaukka udde.

WATTI'U MANGA RASUL 8:7

Ana waugu manga ghaṛṛaho lal᷊eo sinumabangke ringannu mangngintul᷊i wuassu lal᷊ummu taumata nambo apan niasuttannu setanna. Taumata lome wuṛṛu u'ento manambo lai niapaapia.

LUKAS 10:17

Siri pitum pul᷊o mallal᷊aṛṛenggenna udde nabelengnga ringannu al᷊al᷊uassa. “Mawu,” wisara mangitou, “manga ghaṛṛaho lal᷊eo lai tuttuṛṛutta si yami amungkangngu i yami mamarenta si mangitou ringannu arannu Mawu!”

WATTI'U MANGA RASUL 10:46

Ana waugu i mangitou naaringikka manga taumata udde uahahatto sulal᷊ummu al᷊awo'u wisara wuṛṛu mangke maddalo awawantugu Ruata. See Petrus nabbisara,

YOHANES 14:12

Mangke atonna wisara-U indi; Taumata apan mangngimanna si Ya'u, sarun tumuṛṛutta apa apan suete Ta'u niola'a, – ewe'e i tou sarun ma'ola'a lembon ahewal᷊anne lai – ana waugu i Ya'u inai ringannu Iamangnga.

WATTI'U MANGA RASUL 19:6

Wuṛṛu su tempo i Paulus nangadon lima si mangitou, Ghaṛṛahon Ruata nangintaṛṛo si mangitou, see i mangitou mannattakke uahahatto sulal᷊ummu al᷊awo'u wisara apan maatiangnga lapiddu mammasingkattu watti'u Ruata.

1 KORINTUS 14:2

Taumata apan mabbisara sulal᷊ummu sasinaukka apan maaṛṛindu'a, taumata udde wal᷊inewe mabbisara su taumata; i tou mabbisara su Ruata. Tawe taumata apan maasunna wisarane, ana waugu Ghaṛṛahon Duata apan na'ola'a si tou mabbisara manga inolaana apan tumba'u asingkatannu Ruata.

1 KORINTUS 12:30

ara'e mapaapian taumata, ara'e mabbisara ringannu al᷊awo'u sasinaukka apan maaṛṛindu'a, ara'e mannappasu manga sasinaukka udde.

1 KORINTUS 13:1

Salaiwe i ya'u wotongnge mabbisara ringannu al᷊awo'u wisaran taumata, wuṛṛu wisara mala'ekatta, arawe i ya'u tawe mandangngu taumata waine, ne manga wisara'u udde tumba'u tingikka apan matelengnga arawe tawe mangal᷊ene.

WATTI'U MANGA RASUL 16:18

Manga pira allo al᷊annune wawine udde sidutu u'al᷊iata aroddi. I Paulus niasueannu asasabarene, na'oman sara i tou nanaile see nabbisara ghaṛṛaho lal᷊eo udde, “Ringannu arannu Mawu Yesus Kristus, i ya'u mamarenta si'o sabbangnga wuassu wawine udde.” Orassa udde lai ghaṛṛaho udde nanantangngu wawine udde.

MARKUS 9:38

See Yohanes nabbisara Mawu Yesus, “I yami naasilo sangkatou mallimbuakka setanna ringannu arannu Iamangnga. Wuṛṛu i yami naningaddi tou ana waugu i tou wal᷊ine wua dinganni ite.”

WATTI'U MANGA RASUL 2:33

I Tou nitenega su aiananna apan matanggakka wuṛṛu nionggol᷊annu Ruata taṛṛino, see nanengkamma Ghaṛṛaho Ruata apan suete pina'iren Iamangnga. Wuṛṛu apan niaringiṛṛanna wuṛṛu aellehanni yamiu orassa indi eteudde Ghaṛṛaho apan suete nionggolla si yami.