MARKUS 16:13 - WUKE SUSI WATTI'U AL᷊AL᷊USASSA

¹³ Nariaddi i mangitou nabelengnga wuṛṛu namasingkattu olangnge udde su manga hawene waine. Arawe i mangitou tawe mangngimanna.

MARKUS 16:13 Referans Kwoze

YOHANES 20:25

Ne manga mallal᷊aṛṛenggennu Mawu Yesus apan baine nabbisara si Tomas, “I yami naasilote Mawu!” Arawe i Tomas sinumimbakka, “Amungkangngu i ya'u taambe naasilo lanna'u lessam pa'u su lima-Ne, udde wuṛṛu taambe napangadon tal᷊imado'u su manga lanna'u lessam pa'u udde wuṛṛu taambe napangadon lima'u susandiṛṛan-Ne, i ya'u tawe mangngimanna saran paassa.”

YOHANES 20:8

Wua'udde mallal᷊aṛṛenggenna apan na'oma paarorone su lal᷊abinganna, sinumuttate lai. I tou na'ellegga wuṛṛu nangimante. (

LUKAS 16:31

Arawe i Abraham sinumimbakka, ‘Amungkangngu i mangitou maddiri madaringikka tita Musa wuṛṛu manga nabi, atonna-tonna i mangitou tawe mangngimanna lai, salaiwe pia taumata nate mabbiakka apia.’ ”

MATIUS 28:17

Su tempo i mangitou naasilo Mawu Yesus poiaroddi, i mangitou inumal᷊intuda nassubba si Tou. Arawe su wallatti mangitou ta'e piaddu lai hugago'a.

MARKUS 16:11

Arawe napawe i mangitou naaringikka manungku Mawu Yesus nabbiakke apia, wuṛṛu manungku i Maria naasilote si Tou i mangitou tawe mangngimanna.

MARKUS 16:14

Panginsueanne, Mawu Yesus nattingkapasilom batangan-Ne su sire mapul᷊o assa mallal᷊aṛṛenggen-Ne, su tempo i mangitou tantal᷊anna u'anna. I Tou namo'a si mangitou ana waugu pangangimanni mangitou lome, wuṛṛu tumanite maattikka puane na'oman sara tawe mangngimanna su manga taumata apan suete naasilo sassane manungku Mawu Yesus nabbiakke apia.

LUKAS 24:11

Arawe manga rasul udde massunna manungku manga wawine udde tumba'u mabatti'a waṛṛaṛṛia. I mangitou tawe mangngimanna watti'u manga wawine udde.

LUKAS 24:41

Wuṛṛu tantal᷊anna i mangitou taambe mangngimanna atonna ana waugu tumaniten lulluassa wuṛṛu naherangnga, Mawu Yesus naiwal᷊o si mangitou, “I yamiu pia anna isindi?”