MARKUS 16:10 - WUKE SUSI WATTI'U AL᷊AL᷊USASSA

¹⁰ Ne i Maria Magdalena inaite namasingkattu arariadianna udde su manga hawe Mawu Yesus, apan tantal᷊anna massusa wuṛṛu lulluai. Wua'udde Mawu Yesus sassane nappaattu mallal᷊aṛṛenggen-Ne nabbati'a wuassu ra'i watukku waṛṛatta, watti'a susi wuṛṛu tawe panginsueanne su ola'u asasal᷊amatta apan saran mal᷊annu-l᷊annu.]

MARKUS 16:10 Referans Kwoze

YOHANES 20:18

Ne i Maria inaite namasingkatta su manga mallal᷊aṛṛenggennu Mawu Yesus manungku i tou suete naasilo Mawu Yesus wuṛṛu manungku Mawu suete namasingkattu sarangkanambone udde si tou.

YOHANES 16:6

Orassa indi ewe'e naungngu niatambanna asasusane, ana waugu i Ya'u namasingkattu olangnge udde si yamiu.

LUKAS 24:17

See Mawu Yesus nabbisara, “Apa ipagahatong kamiu su tangngan dal᷊anna indi?” I mangitou natta'alla ringannu naungnga nasusa.

MARKUS 14:72

Orassa udde lai manu'a inumu'u aruane. Wuṛṛu Petrus naanaungnga manungku Mawu Yesus suete nabbisara si tou. “Tantal᷊anna manu'a taambe inumu'u paarua, i'o paatallute massinaadu riri-U.” Ne Petrus lulluaite ringannu massusa atonna.

MATIUS 9:15

Mawu Yesus sinumimbakka, “Ereapa su ṛingiṛṛanni yamiu? Wotongngewe manga raho su andeangngu awingnga massusa naungnge amungkangngu ma'a'awingnga esakka ta'e udde su sampunna ringanni mangitou? Asinungka tawe! Arawe sarun a'omanna tempone maa'awingnga esakka udde al᷊apanna wua dinganni mangitou. Su tempo udde nanattakke i mangitou mappuasa.

MATIUS 24:30

Wua'udde tandan Ana'u Taumata sarun iasilo su langitta. Su tempo udde manga walahanna su runia sarun lumuai. I mangitou sarun maasilo Ana'u Taumata rumanta wuassu winabbawa ringannu taṛṛino wuṛṛu awawantuga apan bahewa.

MATIUS 19:22

Naaringikka manga wisara udde, taumata umbasanna udde napul᷊ete ringannu naungnga massusa ana waugu i tou taumata tumaniten ala.