MARKUS 15:46 - WUKE SUSI WATTI'U AL᷊AL᷊USASSA

⁴⁶ See i Yusuf namallite mal᷊aṛṛenessa papi'unne wuassu linenna al᷊ussa wuṛṛu napawe suete nallintukku winal᷊unannu Mawu Yesus, nipi'unten mal᷊aṛṛenessa udde. Wua'udde i tou nangaddon winal᷊unanna udde sulal᷊ummu sambau labingnga apan niola'a sulal᷊ummu wuiddu batu. Wua'udde i tou nanal᷊inggin sambau batu bahewa nipaṛṛapingnga ngaran lal᷊abinganna udde.

MARKUS 15:46 Referans Kwoze

YESAYA 53:9

I tou nilagginga suadio'a ringannu taumata lal᷊eo; labbinge su pattangngannu taumata ala, salaiwe i tou tawe na'ola'a al᷊al᷊eo, wuṛṛu tawe saran paassa namahia.”

YOHANES 11:38

Mawu Yesus lembo natuno naung-Nge, see inaite su lal᷊abinganna. Lal᷊abinganna udde sambau loṛṛangnga apan nitaapannu watu wahewa.

YESAYA 22:16

“Su sunnanu i'o indi isai? Apate hakkanu na'oman sara i'o namaangnga labbingngu su wuiddu watu?

LUKAS 23:53

Wua'udde i tou nanossokku winal᷊unannu Mawu Yesus udde wuassu arussane, see nipi'unnu kaengnga kafan wuassu linen. Wua'udde i tou nangadoten winal᷊unanna sulal᷊ummu lal᷊abinganna apan niola'a sulal᷊ummu wuiddu watu – lal᷊abinganna udde taambe pinallabinganna.

MATIUS 28:2

Inaṛṛombanganne pia linukka apan bahewalla. Sangkatou mala'ekattu Mawu sinumossokka wuassu surga see namilingngu watu lal᷊indumme udde, wuṛṛu inuma'ianna su wowone.

MARKUS 15:45

Napawe naaringikka wawal᷊on piaṛṛa'u tantara udde, i Pilatus namalan Yusuf mangal᷊appa winal᷊unannu Mawu Yesus.

MARKUS 15:47

Tantal᷊anna udde i Maria Magdalena wuṛṛu i Maria inangngi Yoses mannutukka suapa tampa Mawu Yesus niaddo.

YOHANES 11:41

Ne i mangitou nangiruten batu udde. See Mawu Yesus naningngara watukku langitta wuṛṛu nabbisara, “Aadiangkamanna, Iamangnga, ana waugu I'o suete naddaringikka si Ya'u.

YOHANES 20:1

Su allo Misa ruaallo, su tempo ta'e marandumma, Maria Magdalena inaite watukku lal᷊abinganna. I tou naasilo watu laṛṛapingnge na'irute wuassu loṛṛangngu lal᷊abinganna udde.