MARKUS 15:40 - WUKE SUSI WATTI'U AL᷊AL᷊USASSA

⁴⁰ Isudde lai pia manga pira wawine tantal᷊anna ua'ellega sarangkanambone udde wuassu tampa marau. Su wallatti mangitou pia i Salome, i Maria Magdalena, wuṛṛu i Maria inangngi Yakobus apan maddario'anna wuṛṛu i Yoses.

MARKUS 15:40 Referans Kwoze

LUKAS 23:49

Wuṛṛu manga hawe Mawu Yesus, nareengnga lai manga wawine apan uatantalongnga si Tou wuassu Galilea uarisikka marau wuṛṛu na'ellega sarangkanambone udde.

MARKUS 16:9

Napawe Mawu Yesus nabangunte wuassu papate, rua'allo atonna su allo Misa, i Tou paarorone nattingkapasilom batangan-Ne si Maria Magdalena. (Wuassi Maria udde Mawu Yesus suete napasabangngu sire pitu ghaṛṛaho lal᷊eo.) Manga wawine udde inaite ringanni Petrus wuṛṛu manga hawene, see nabbati'a ringannu maautta anambon apa apan suete niapasingkattu taumata umbasanna udde si mangitou.

MATIUS 28:1

Napawe allon Sabatta nal᷊iudde, su allo Misa ruaallo atonna, i Maria Magdalena wuṛṛu i Maria apan waine inaite na'ellega lal᷊abinganna udde.

MATIUS 27:61

I Maria Magdalena wuṛṛu i Maria apan baine tinangngone ua'ianna uasaruanna labingnga udde.

MATIUS 13:55

Wal᷊inewe i Tou ana'u waseng kalu? Wal᷊inewe i Maria udde inangnge; wuṛṛu manga tuṛṛangnge udde i Yakobus, i Yusuf, i Simon, wuṛṛu i Yudas?

1 KORINTUS 9:5

Apa i ya'u tawe wotongnge mangapiddu sangkatou awingnga taumatan Saṛṛani ringangku sulal᷊ummu amatangku, ere lai niola'u manga tuṛṛangngu Mawu Yesus wuṛṛu manga rasul waine, nasutta lai Petrus?

MARKUS 15:47

Tantal᷊anna udde i Maria Magdalena wuṛṛu i Maria inangngi Yoses mannutukka suapa tampa Mawu Yesus niaddo.

DARALO 38:11

Pappuso'u sussinggawanga, ikka'u nawul᷊i, mata'u nabbal᷊ite mal᷊abbuka.

YAKOBUS 1:1

Manga tuṛṛangnga al᷊aṛṛana'u Ruata sarangkanambone apan uasal᷊iawukka su ahewallu runia! Tabea wuassi ya'u, Yakobus, allangngu Ruata wuṛṛu allangngi Yesus Kristus.

GALATIA 1:19

I ya'u tawe nassomba manga rasulle waine, tabbene'e Yakobus, tuṛṛangngu Mawu.

MATIUS 10:3

Wua'udde i Filipus wuṛṛu i Bartolomeus, see i Tomas, see i Matius, mallal᷊uṛṛu wose, see i Yakobus ana'i Alfeus, wuṛṛu i Tadeus;

MARKUS 16:1

Napawe allon Sabatta nal᷊iute, i Maria Magdalena, Maria inangngi Yakobus, wuṛṛu i Salome inaite namalli rampa-rampa ipallana winal᷊unannu Mawu Yesus.

LUKAS 19:3

I tou maapulu ma'ellega isai isassago Mawu Yesus udde, arawe ana waugu taumata tumanite manambo wuṛṛu wadangnge lai mawawo, ne i tou tawe maasilo Mawu Yesus.