MARKUS 15:21 - WUKE SUSI WATTI'U AL᷊AL᷊USASSA

²¹ Su tangngan dal᷊anna i mangitou namata'u sangkatou iapapasanna arussa Mawu Yesus. Taumata udde wakkute wuassu ampungnga inai watukku soa. (Aranne i Simon, – wuassu Kirene – iamangngi Aleksander wuṛṛu i Rufus.)

MARKUS 15:21 Referans Kwoze

LUKAS 23:26

Ne Mawu Yesus niapidde mangitou. Su pattangngannu l᷊al᷊anna, i mangitou nassomban sangkatou aranne Simon, wuassu Kirene, apan tantal᷊anna inai su soa. I mangitou nanametta si tou, see namata'i tou niapapasanna arussa su liuddu Mawu Yesus.

MATIUS 27:32

Su tangngan dal᷊anna, i mangitou nassomban sangkatou wuassu Kirene aranne i Simon. I mangitou namata'u taumata udde mamasanna alu arussa Mawu Yesus.

ROMA 16:13

Tabea si Rufus wuṛṛu inangngene, apan iwaratta si ya'u ere inangku sassane. Eteudde Rufus taumata nipile Mawu wuṛṛu raddaloanna.

WATTI'U MANGA RASUL 13:1

Sulal᷊ummu jamaatta su Antiokhia pia manga nabi wuṛṛu manga huru eteudde i Barnabas, i Simeon apan isassago lai i Ma'itumma, i Lukius wuassu Kirene, Menahem apan niwuwunna suadio'a ringanni Herodes wuṛṛu Saulus.

WATTI'U MANGA RASUL 11:20

Arawe wuassu wallattu manga taumata mangngimanna udde, apan darantane wuassu Siprus wuṛṛu Kirene, pia lai manga taumata inai watukku Antiokhia mamasingkattu Watti'u Al᷊al᷊uassa su ola'u Mawu Yesus udde su manga taumata apan agamane wal᷊ine Yahudi lai.

WATTI'U MANGA RASUL 6:9

Arawe pia lai manga taumata apan mannal᷊are si tou; i mangitou eteudde taumata wal᷊em pattataṛṛamawuanna apan isassago wal᷊em pattataṛṛamawuannu manga Taumata Tawe Limbanne. Manga taumata wal᷊em pattataṛṛamawuanna udde eteudde manga taumatan Yahudi wuassu Kirene wuṛṛu Aleksandria. I mangitou wuṛṛu manga taumatan Yahudi wuassu Kilikia wuṛṛu Asia uasasimbakki Stefanus.

WATTI'U MANGA RASUL 2:10

wuassu Frigia wuṛṛu Pamfilia, wuassu Mesir wuṛṛu manga leta'u Libia maranin Kirene; piaddu wuassi ite lai apan nirumanta wuassu Roma,

LUKAS 14:27

Taumata apan maddiri mamasanna arussane wuṛṛu tumantalongnga si Ya'u, tawe maola'a mallal᷊aṛṛenggeng-Ku.

MARKUS 15:20

Napawe suete nannalangnga Mawu Yesus, i mangitou nalluatte jubah ungu udde see nilluṛṛeanten laung-Nge sassane. Wua'udde i Tou niapidda su liudde ana waugu iarussa.

YOHANES 19:17

Mawu Yesus sinumabangnga uapasanna alu arussane sassane watukku tampa apan aranne “Tampan Tanggilal᷊a”. (Sulal᷊ummu wisaran Ibrani isassago Golgota.)

MATIUS 5:41

Amungkangngu sangkatou tembonanne mamata'i yamiu mamasanna luranni tou araune sangkilo, pasanna lai luranna udde araune rua kilo.