MARKUS 15:14 - WUKE SUSI WATTI'U AL᷊AL᷊USASSA

¹⁴ “Arawe apa al᷊al᷊eone?” aiwal᷊on Pilatus. See i mangitou inumui lembo ma'ikkatta lai, “Arussa'a i Tou!”

MARKUS 15:14 Referans Kwoze

LUKAS 23:41

Tumba'u ṛuumanni addua udde atonna naṛṛino su pallal᷊agung kadua. Arawe i Tou atonna-tonna tawe sal᷊ane!”

1 PETRUS 1:19

ewe'e sambau saranapa apan lembon maarega; eteudde wadangi Kristus sassane, apan naola'a ere domba nionggolla sasamba su Ruata ringannu tawe angngone.

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.

WATTI'U MANGA RASUL 19:34

Arawe aroddi i mangitou naasilo manungku i tou taumatan Yahudi, sangkarindo'a i mangitou inumui ma'ikka-ikkatta, “Wiakka Monganni Artemis, mongannu taumatan Efesus!”

YOHANES 19:6

Napawe manga imam temboanne wuṛṛu manga mandariaga udde naasilo Mawu Yesus, i mangitou u'ui, “Arussa'a i Tou! Arussa'a i Tou!” I Pilatus nabbisara si mangitou, “Apira'e i Tou, wuṛṛu arussa'eng kamiu sassane, i ya'u tawe naasomba saran sambau pasasal᷊a-Ne.”

YOHANES 18:38

I Pilatus naiwal᷊o si Tou, “Apa atappasannu atatul᷊idda?” See i Pilatus sinumabangnga apia wuassu wal᷊en araratuanna wuṛṛu nabbisara su manga taumatan Yahudi, “I Ya'u tawe naasomba saran sambau pasasal᷊an taumata indi.

LUKAS 23:47

Napawe tembonannu tantara naasilo apa apan suete nariaddi, i tou nadalote Ruata. See i tou nabbisara, “Atonna-tonna, i Tou indi tawe sal᷊ane!”

LUKAS 23:21

Arawe i mangitou mangngintul᷊i, “Arussa'a i Tou! Arussa'a i Tou!”

LUKAS 23:4

Ne i Pilatus nabbisara manga imam tembonanne wuṛṛu taumata nambo udde, “I ya'u tawe naasomba sal᷊ane saran sambau su taumata indi tadea'u i Tou iṛṛuumanna.”

MATIUS 27:54

Tembonannu tantara wuṛṛu manga tantara apan tantal᷊anna uariaga Mawu Yesus, mangke matta'utta su tempo naapendamma linukka wuṛṛu al᷊awo'u apa apan suete nariaddi udde. I mangitou nabbisara, “Atonna, i Tou indi Ana'u Ruata!”

MATIUS 27:19

Su tempo i Pilatus tantal᷊anna ua'ianna su wal᷊em pamarikisanna, awingnge nananata si tou ereindi, “Arie i'o lumal᷊o'a su hatton taumata apan tawe sal᷊ane udde, ana waugu ete i Tou, i ya'u niwal᷊iawannu wal᷊iawa apan maata'utta allo indi.”

MATIUS 27:4

I tou nabbisara, i ya'u suete na'ola'a rosa nandal᷊eo taumata tawe sal᷊ane, na'oman sara i Tou niṛṛuumanna pateanna! Arawe i mangitou sinumimbakka, “Masingkattu apa i yami? Udde singkannu!”

YESAYA 53:9

I tou nilagginga suadio'a ringannu taumata lal᷊eo; labbinge su pattangngannu taumata ala, salaiwe i tou tawe na'ola'a al᷊al᷊eo, wuṛṛu tawe saran paassa namahia.”

YESAYA 53:3

I ite mallobbossa wuṛṛu mangindaun tou, taumata apan napenen asasusa wuṛṛu wotongnge mamassanna radda'a. Tawe saran sangkatou mappulu ma'ellega si tou, wuṛṛu i ite lai tawe manaile si tou.

DARALO 69:4

I ya'u mangngintul᷊i na'oman sara nallome wuṛṛu tonggol᷊angku namara. Mata'u maṛṛagete uaṛṛaddo sasumbalan Ruata'u.

MARKUS 15:13

I mangitou inumui, “Arussa'a i Tou!”

MARKUS 15:15

I Pilatus maapulu mappa'al᷊uassu taumata nambo udde, ne i tou namallossen Barabas si mangitou. Wua'udde i tou nandolokku taumata namuulla Mawu Yesus see tinantilli tou iapaarussa.

WATTI'U MANGA RASUL 13:28

Salaiwe i mangitou tawe maasomba sambau pasasal᷊a wuassi Tou, apan botongnge maaṛṛuumanna ringannu ṛuumanna pateanna, arawe i mangitou nadorongnga si Pilatus tadea'u i Tou pateanna.