MARKUS 14:67 - WUKE SUSI WATTI'U AL᷊AL᷊USASSA

⁶⁷ Napawe naasilo si Petrus manningikka maranim putungnga, i tou nanutukka mapia-pia hatim Petrus wuṛṛu nabbisara, “Wal᷊inewe i'o lai su sambau ringannu Mawu Yesus taumata Nazaret udde?”

MARKUS 14:67 Referans Kwoze

MARKUS 14:54

Petrus uatantalongnga Mawu Yesus wuassu marau na'oman sara sinumutta su passalangannu wal᷊em imam bahewa. Poiaroddi i tou inuma'ianna mandarangnga maranim putungnga su sampunna ringannu mandariaga.

WATTI'U MANGA RASUL 10:38

Yamiu masingkatta manungku Ruata suete namile Mawu Yesus taumata Nazaret udde wuṛṛu nangonggolu Ghaṛṛaho Ruata wuṛṛu taṛṛino si Tou. I yamiu masingkatta lai manungku Mawu Yesus u'amatta su al᷊awo'u tampa ma'ola'a apapia; i Tou mapaapian taumata apan niasuttannu Setanna, ana waugu Ruata uatantalongnga si Tou.

YOHANES 19:19

Su alu arussa Mawu Yesus, i Pilatus napa'elen boṛṛetta indi: “Yesus wuassu Nazaret, Ratun Taumatan Yahudi.”

MARKUS 10:47

Napawe i tou naaringikka manungku taumata sinumabbi udde Mawu Yesus taumata Nazaret, i tou nangngintul᷊i, “Mawu Yesus Ana'i Daud! Akkanaawe i ya'u!”

MARKUS 1:24

“Ei Yesus, taumata Nazaret, I'o maapulu ma'ola'a apa ringanni i yami? I'o rumanta mamate si yami? I ya'u masingkatta isai I'o: Ete I'o ralol᷊oṛṛanna apan na'ukkassa wuassu Ruata!”

MATIUS 21:11

“I Tou Nabi Yesus, wuassu Nazaret su Galilea,” sasimbakku taumata nambo apan uatantalongnga Mawu Yesus.

MATIUS 2:23

Isudde i tou natana'a su soa aranne Nazaret. Ringannu aroddi nariaddite apa apan niwatti'u manga nabi su ola'u Ana'a udde: “I tou sarun isaggo taumata Nazaret.”

YOHANES 18:18

Orassa udde runia masunge, nariaddi manga mangangimbe wuṛṛu manga mandariaga suete naṛṛunuttu putungnga wuassu waṛṛa see i mangitou manningikke isudde. I Petrus inai lai poiaroddi wuṛṛu nirumarisikka manningikke su sambau ringanni mangitou.