MARKUS 14:6 - WUKE SUSI WATTI'U AL᷊AL᷊USASSA

⁶ Arawe Mawu Yesus nabbisara, “Wala'e aroddi i tou! Anio i yamiu mapaasusan tou? I tou ma'ola'a inolaanna mapia, wuṛṛu ma'al᷊uassa si Ya'u.

MARKUS 14:6 Referans Kwoze

IBRANI 13:21

Antimanna Ruata punnu paddarame udde manuungngi yamiu ringannu al᷊awo'u apapia apan pappandumanni yamiu ipa'ola'a apulu-Ne. Antimanna ringannu tatangngannu Mawu Yesus i Kristus, Ruata mammanara sulal᷊ummu naungngi ite, apa apan ipaapulu-Ne. Ṛinone Kristus raloanna saran mal᷊annu-l᷊annu! Amin.

IBRANI 10:24

Wuṛṛu ṛinone i ite ua'aellega sandingananna, tadea'u i ite wotongnge uasasasa mandangngu sansul᷊ungnga wuṛṛu ma'ola'a manga inolaanna apan mapia.

TITUS 3:14

Manga taumatan kite ṛinone mangurumma al᷊aṛṛa'a, ma'ola'a inolaanna apan mapia tadea'u wotongnge mapaasuungngu sarannapa apan ipaapulune; arie ma'oman sara i mangitou mabbiakka tawe gunane.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

2 TIMOTIUS 2:21

Taumata apan mammaresi watanganne wuassu anambon al᷊al᷊eo, taumata udde sarun ipaatta su pandumma apan apianne. I tou maola'a pussa'a apianne wuṛṛu mahuna su mawune. I tou sasaddianna ipaatta su al᷊awo'u manara apan mapia.

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

WATTI'U MANGA RASUL 9:36

Su Yope pia sangkatou wawine aranne i Tabita. I tou sangkatou apan mangngimanna Mawu Yesus. (Aranne sulal᷊ummu wisaran Yunani eteudde i Dorkas atappasanne rusa.) Inolaanni tou sidutu mapia wuṛṛu mantul᷊ungngu taumata asiangnga.

MATIUS 26:10

Mawu Yesus naasingkatta ṛingiṛṛanni mangitou, see i Tou nabbisara, “Anio i yamiu mapaasusan bawine indi? I tou na'ola'a inolaanna apan mapia wuṛṛu mawantuga si Ya'u.

TITUS 3:8

Wisara indi atonna-tonna. I ya'u maapulu i'o mangaṛṛa'u olangnge indi, tadea'u manga taumata apan mangngimanna Ruata atonna-tonna maddea'a ma'ola'a manga manara apan mapia wuṛṛu mahuna su anambon taumata.

TITUS 2:7

Su al᷊awo'u inolaanna ṛinone i'o maola'a tul᷊adan pallal᷊agu apan mapia. Amungkangu i'o mangaṛṛa'a, ṛinone i'o tawe mamahia wuṛṛu atonna-tonna.

2 TIMOTIUS 3:17

Ringannu Wuke Susi udde taumata apan mangngimbe Ruata wotongnge peddetannu asasuungnga su al᷊awo'u manara apan mapia.

1 TIMOTIUS 6:18

Paddorongke si mangitou mapaal᷊iatta'u apapia, ringannu ma'ola'a al᷊awo'u inolaanna apan mapia, masaṛṛionto'a, wuṛṛu laghune mapia.

1 TIMOTIUS 5:10

tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

KOLOSE 1:10

Ringannu aroddi yamiu wotongnge mabbiakka tuttuṛṛuta apulun Duata, wuṛṛu sidutu malluassa naugnge, na'oman sara sulal᷊ummu al᷊awo'u inolaanna i yamiu wotongnge mamasilo manga inolaanna apan mapia. Wuṛṛu asingkati yamiu su ola'u Ruata sarun aatambanna lai.

2 KORINTUS 10:18

Ana waugu taumata apan raddaloanna eteudde taumata apan raddaloannu Mawu, wal᷊ine taumata maddalo watanganne sassane.

2 KORINTUS 9:8

Ruata uataṛṛino mangonggola si yamiu al᷊amatta apan manambo-nambo, tadea'u i yamiu sidutu uatahuanna apa apan ipaapulun kamiu; wuṛṛu i yamiu lai sarun pia lebbene ipa'ola'a apapia wuṛṛu pasasumbala su taumata waine.

YESAYA 54:17

Arawe suapan lutangnga apan nisassalla ipando'appa si'o, sarun tawe ma'apate. Wuṛṛu suapan a'ansilla sulal᷊ummu pallaṛṛuungnganna sarun iapasingkannu nassal᷊a. I Ya'u sarun mangonggollu auntunganna su manga allang-Ku,” etearoddi wisara Mawu.

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

MARKUS 14:5

Lana udde wotongnge iwal᷊u'a ringannu aregane mallebbe wuassu tallu ṛasutta roitta sal᷊a'a, wuṛṛu roinne ionggolla su taumata asiangnga!” Ne i mangitou nasa'ute su wawine udde.

MARKUS 14:7

Taumata asiangnga sidutu su wallatti yamiu. Suapan tempo amungkangngu i yamiu maapulu, i yamiu wotongnge mantul᷊ungngi mangitou. Arawe i Ya'u tate mal᷊annu su sampunna ringanni yamiu.