MARKUS 14:58 - WUKE SUSI WATTI'U AL᷊AL᷊USASSA

⁵⁸ “I yami naaringikka taumata indi mabbisara, ‘I Ya'u sarun manggohakku Wal᷊e Ruata indi apan suete niola'u taumata, wuṛṛu napawe tallute allo i Ya'u sarun mapararisikku waine lai, apan wal᷊ine niola'u taumata.’ ”

MARKUS 14:58 Referans Kwoze

IBRANI 9:11

Arawe i Kristus suete nirumanta ere sangkatou Imam Wahewa wuassu inolaanna apan mapia wuṛṛu piate. Su Rasannu Mawu suapa i Tou mappaamattu manarane ere sangkatou Imam Wahewa eteudde rasanna apan lembon mawantuga wuṛṛu lembon nasuungnga. Udde tawe niola'u taumata; atappasanne wal᷊ine niarantanne wuassu runia apan niriaddi indi.

2 KORINTUS 5:1

Ana waugu i yami masingkata manungku amungkangngu wal᷊e – eteudde wadangnga – apan atatanaanni ite su runia indi ihohakka, Ruata sarun manaddia wal᷊en kite su surga, apan niola'u Ruata sassane wuṛṛu tawe mahohakka sarangkal᷊o'engnge.

YOHANES 2:19

Mawu Yesus sinumimbakka, “Hohaṛṛa'a Wal᷊e indi, wuṛṛu sulal᷊ummu tallu allo i Ya'u sarun mapararisikka apia.”

IBRANI 9:24

Ana waugu i Kristus tawe sinumutta su Wabbo'a Susi inolaannu taumata, apan tumba'u hambarannu Wabbo'a Susi apan ṛinone. Mawu Yesus sinumutta sassane su surga; poiaroddi orassa indi i Tou uasaruanna Ruata hunane si ite.

WATTI'U MANGA RASUL 7:48

Ewe'e Ruata lembon ahewal᷊anne tawe matana'a su wal᷊e apan niola'u taumata; ana waugu su Wuke Nabi uawoṛṛetta arendi,

MARKUS 15:29

Manga taumata apan sussabbi isudde mangke uapapa'ilingnga wuṛṛu manggal᷊usa'a Mawu Yesus. I mangitou nabbisara, “Ei, I'o apan manggohakku Wal᷊en Ruata wuṛṛu mapaarisikka sulal᷊ummu tallu allo.

DANIEL 2:34

Sutempo Tuangku tantal᷊anna mannutukka, sambau watu wahewalla napallossa wuassu rampissa, ringannu tawe nieṛṛetannu taumata, ana see nangema'a paal᷊uanna udde su leddane apan niola'a wuassu aatta'a wuṛṛu leta'a maṛṛamutta udde, na'oman sara napussa'a.

DANIEL 2:45

Wal᷊inewe Tuangku buatte naasilo manungku ringannu tawe nieṛṛetannu taumata, sambau watu napallossa wuassu rampissa ana see naṛṛia'a wuṛṛu nakkimunsa'a paal᷊uanna wuassu atta'a, witu'a, leta'a maṛṛamutta, sal᷊a'a wuṛṛu wul᷊awanna udde? Ruata apan wahewalla napal᷊iatta'a si Tuangku apa apan sarun mariaddi su allo addantane. Wal᷊iawa udde wotongnge pangimananna wuṛṛu tatal᷊a'an allangnga naṛṛino.”

MATIUS 26:61

I mangitou nabbisara, “Taumata indi mabbisara, ‘I Ya'u wotongnge mapaaṛṛa'an Bal᷊e Mawu, wuṛṛu sulal᷊ummu tallu allo wotongnge mapararisikka apia.’ ”

MARKUS 14:57

See manga pira taumata mattatiala nirumarisikka wuṛṛu nangagillu tattiala awusu su ola'u Mawu Yesus.

MARKUS 14:59

Arawe wisara manga taumata udde uapapaṛṛala sangkatou ringannu waine.