MARKUS 14:55 - WUKE SUSI WATTI'U AL᷊AL᷊USASSA

⁵⁵ Manga imam tembonanne wuṛṛu manga Mallaṛṛuungngu Agama mangke maddea'a maasomba pasasal᷊a Mawu Yesus tadea'u wotongnge maṛṛuumanni Tou ma'oman sara pateanna. Arawe i mangitou tawe naasomba saran sambau pasasal᷊a.

MARKUS 14:55 Referans Kwoze

MATIUS 5:22

Arawe orassa indi Ya'u mabbisara si yamiu, isai-sai masa'u su taumata waine, sarun parikisanna; wuṛṛu isai-sai mallela taumata waine sarun parikisanna su saruannu Mallaṛṛuungngu Agama. Wuṛṛu isai-sai mabbisara taumata waine, ‘Tingngangnga,’ sarun iramme sulal᷊ummu putungngu naraka.

DANIEL 6:4

Tawe nal᷊annu inauranna manaran Daniel lembon mappianne wuassu manaran manga gubernure wuṛṛu manga mandariaga waine. Ana waugu udde, ratu mappalu manenegi Daniel moala'a tembonanne su ahewallu araratuanna.

DARALO 35:11

Manga matatiala lal᷊eo dirumarisikka lumawangnga si ya'u, wuṛṛu nangansilla manungku i ya'u na'ola'a manga inolaanna apan awaganangku.

DARALO 27:12

Arie i ya'u itantilla su apulun naungngu see'u, apan namangalo si ya'u ringannu wawahia wuṛṛu wawansaga.

1 MARARATU 21:13

Ruan katou taumata lal᷊eo ua'ianna uasasaruanni Nabot, wuṛṛu su saruannu awadaalla itarua nangansilla si tou manungku i tou buatte nantal᷊an Duata wuṛṛu ratu. Ana waugu udde i tou niapidda watukku liuddu soa ana see tinuntungannu watu na'oman sara nate.

1 MARARATU 21:10

Doloṛṛa'a ruan katou taumata lal᷊eo ua'ianna uasaruanna si tou wuṛṛu mangansilla si tou manungku i tou buatte nantal᷊an Duata wuṛṛu ratu. Ana see apira'e i tou watukku liuddu soa, wuṛṛu tuntungken batu ma'oman sara mate!”

MARKUS 14:56

Manambo mattatiala awusu niwagoanna iapatiala awusu su saruannu Mawu Yesus, arawe sasimbakki mangitou uapapaṛṛala sangkatou ringannu sangkatou.

YOHANES 18:19

Imam wahewa naiwal᷊o Mawu Yesus su ola'u manga mallal᷊aṛṛenggen-Ne wuṛṛu su ola'u al᷊aṛṛang-Nge.

YOHANES 18:21

Nariaddi anio ituangnga maiwal᷊o si Ya'u? Paiwal᷊ote si mangitou apan suete naaringikka si Ya'u mangngaṛṛa'a. I mangitou masingkatte apa apan niwisara-U.”