MARKUS 14:41 - WUKE SUSI WATTI'U AL᷊AL᷊USASSA

⁴¹ Napawe Mawu Yesus nabelengke ringanni mangitou apia su atallune, i Tou nabbisara, “Ta'e lai mattiilla yamiu wuṛṛu uaillol᷊o? Wotongngete! Nia'omante tempone Ana'u Taumata itantilla su liman taumata marosa.

MARKUS 14:41 Referans Kwoze

MARKUS 14:35

Mawu Yesus inaite nangindau adio'a see inumal᷊intuda su leta'a wuṛṛu inumal᷊iomanna. Sulal᷊ummu aal᷊iomanne i Tou nadorongnga amungkangngu wotongnge, i Tou tawe mamendamma orassu sansara udde.

MARKUS 9:31

ana waugu i Tou tantal᷊anna mangngaṛṛa'a mallal᷊aṛṛenggen-Ne. “Ana'u Taumata sarun itantilla su taṛṛinon taumata,” aroddi unnu Mawu Yesus, “wuṛṛu i Tou sarun pateanna, arawe su allo atallune i Tou sarun mabangunna apia!”

YOHANES 17:1

Wua nabbisara aroddi, Mawu Yesus naningngara langitta wuṛṛu nabbisara, “Iamangnga, orassa indi nia'omante tempone. Wantuhete Anangngu, tadea'u Anangngu lai mamantuga Iamangnga.

WATTI'U MANGA RASUL 7:52

Apa pia sangkatou nabi apan tawe nisansarannu iupungngu al᷊amonanu? I mangitou namate daroloṛṛannu Ruata apan dorone suete namasingkatta manungku Allangngu Ruata apan atonna udde sarun rumanta. Wuṛṛu orassa indi yamiu nandal᷊eo wuṛṛu namate Allangngu Ruata udde.

YOHANES 12:27

“Naungku sussinggawangnga; apa Ta'u iwisara su orassa indi? Ṛinonewe i Ya'u mabbisara, ‘Iamangnga liua'awe i Ya'u wuassu orassa indi’? Arawe tadea'u i Ya'u maapendamma orassu asasusa indi i Ya'u nirumanta.

YOHANES 12:23

Mawu Yesus nabbisara si mangitou, “Nia'omante tempone Ana'u Taumata wantuhanna.

YOHANES 8:20

Sarangkanambone udde niwisara Mawu Yesus su tempo i Tou tantal᷊anna mangngaṛṛa'a su Wal᷊e Mawu marani manga pangangadoannu roitta sasamba. Arawe tawe saran sangkatou apan nanametta si Tou, ana waugu taambe nia'omanna tempone.

YOHANES 7:30

Su tempo udde i mangitou ma'apulu manametta Mawu Yesus, arawe tawedu waṛṛani mangagassa si Tou, ana waugu taambe nia'omanna tempone.

MARKUS 14:18

Wuṛṛu tantal᷊anna i mangitou ua'ianna u'anna, Mawu Yesus nabbisara, “Padaringikka: pia sangkatou, wuassu wallatti yamiu, apan su orassa indi u'anna ringang-Ku sarun mamate si Ya'u.”

MARKUS 14:10

See i Yudas Iskariot, sangkatou wuassu sire mapul᷊o dua mallal᷊aṛṛenggennu Mawu Yesus, inaite ringannu manga imam tembonanne ringannu pandumma mamate Mawu Yesus.

MARKUS 7:9

See Mawu Yesus nabbisara apia, “Yamiu pande atonna manol᷊a'u parentan Ruata tadea'u wotongnge mannohassa al᷊aṛṛa'i yamiu sassane.

MATIUS 26:2

“I yamiu masingkatta tillorege Allo Wahewam Paskah, wuṛṛu Ana'u Taumata sarun itantilla iapaarussa!”

YEHEZKIEL 20:39

Mawu Apan Atanggaṛṛanne nabbisara, “Ei manga taumatan Israel, orassa indi walate i'o. Asal᷊a'e ma'ola'a rosa ringannu massubba manga paal᷊uannu! Arawe paanaungete manungku wua'udde i yamiu ṛinone tumuṛṛutta si Ya'u wuṛṛu tate lai mallobbossa arang-Ku apan na'ukkassa ringannu mangngapiddu sasamba su manga paal᷊uannu udde.

MANNANASE 11:9

Paata'e temponu dario'a, ei umbasanna! Lalluasse tantal᷊anna i'o ta'e saṛṛentumuwo. Loṛṛoite al᷊awo'u hol᷊aggu ṛimuuddu, amata'e anambon apulun naungngu. Arawe naunge, Ruata apan su surga, sarun makkuungngu anambon manaranu.

2 MARARATU 3:13

“Anio maitul᷊unga si ya'u?” wisaran Elisa su ratun Israel. “Roote su manga nabin hagurangngu!” “Tawe!” sasimbakki Yoram. “Ana waugu ete Mawu apan nakkiinna manantilli yami siri tallu su ratun Moab.”

1 MARARATU 22:15

Napawe i Mikha na'omate su saruanni Ratu Ahab, ratu naiwal᷊o, “Wotongngewe i ya'u wuṛṛu Ratu Yosafat inai mamangalo Ramot, ara'e tawe?” “Pamangalote!” sasimbakki Mikha. “Mawu sarun mangonggollu auntunganna si Tuangnga.”

1 MARARATU 18:27

Su allattune i Elia mannattakke mangngal᷊uandaga si mangitou. “Aal᷊iomante lembon maikkatta lai! I tou mawu, are? Asinungka i tou tantal᷊anna maṛṛingidda, ara'e niumuru. Wotongnge mariaddi lai i tou tantal᷊anna sinumal᷊ele! Ara'e asinungka i tou tantal᷊anna mattiilla, wuṛṛu i yamiu ṛinone mamu'o si tou!”

MAL᷊AṚṚUUNGNGA 10:14

Roote ringannu manga monganna apan nipilen kamiu udde. Sassal᷊andete si mangitou! Walate i mangitou mantul᷊ungnga su tempo i yamiu sulal᷊ummu asasusa.”

MARKUS 14:40

Wua'udde i Tou nabelengke apia ringannu mallal᷊aṛṛenggen-Ne wuṛṛu naaratingnga i mangitou ta'e mattiilla, ana waugu i mangitou tumaniten a'amatiil᷊anna. Ne i mangitou wagga apa apan sarun iwisara mangitou su Mawu Yesus.

MARKUS 14:42

Pabbangunte, wette i ite inaite. Pa'ellega! Taumata apan mamate Sia'u uddete!”