MARKUS 14:37 - WUKE SUSI WATTI'U AL᷊AL᷊USASSA

³⁷ Wua'udde Mawu Yesus nabelengke apia wuṛṛu inaratinganna mallal᷊aṛṛenggen-Ne tantal᷊anna mattiilla. I Tou nabbisara si Petrus, “Simon, i'o mattiilla? Tumba'u sangka orassa i'o tawe maariaga?”

MARKUS 14:37 Referans Kwoze

MATIUS 26:40

Wua'udde Mawu Yesus nabelengke apia ringannu sire tallu mallal᷊aṛṛenggen-Ne, wuṛṛu inaratinganna i mangitou mattiilla. I tou nabbisara si Petrus, “Tumba'u sangka orassa, yamiun tallu tawe maataṛṛangnga mandiaga ringang-Ku?

IBRANI 12:3

Annama'a ṛingira'a ereapa asasusane Mawu Yesus sinumaruanna manga taumata marosa apan nilumawangnga si Tou aroddi al᷊aṛṛage! Ana waugu udde arie maadio'a naungngu wuṛṛu mallome.

MATIUS 25:5

Ma'aawingnga esakka udde mal᷊annu nirumanta, nariaddi manga maṛṛuala udde niamatiilanna wuṛṛu natiille.

2 SAMUEL 16:17

Arawe i Absalom naiwal᷊o si tou, “Suapa tatuṛṛunnu su hawenu i Daud? Anio i'o tawe tinumantalongnga si tou?”

YEREMIA 12:5

Mawu nabbisara, “Yeremia, amungkangngu i'o nallomete mattalummu taumata, tawe mariaddi i'o mattalummu awal᷊o? Amungkangngu su leta'a apan mal᷊angnganna i'o matta'utta, apate apan olaannu amungkangngu i'o su mahurangnge maappalla su winggin Yordan?

YUNUS 1:6

Sutempo apitennu apalla udde nilumintukka wowane, i tou naasangkalla si Yunus isudde tantal᷊anna mattiilla. Ana see i tou nabbisara, “Ṛatadde i'o wotongnge maatiilla su lal᷊ummu olangnge arendi! Otte pabbangunte! Aal᷊iomante su mongannu pa'iontolla. Isai masingkatta i tou sarun umakkanni ite ma'oman sara i ite tawe mate.”

MARKUS 14:36

“Iamangnga, o Iamangnga,” wisara-Ne, “tawe saran sambau apan tawe maola'a su Iamangnga. Al᷊appe asasusa indi wuassia-U. Arawe arie tumuṛṛutta apulu-U ewe'e apulun Iamangnga.”

MARKUS 14:38

See Mawu Yesus nabbisara si mangitou, “Pandiagate, wuṛṛu a'al᷊iomanna, tadea'u yamiu tawe maasomba wawono'a. Ghaṛṛahonu ma'apulu ma'ola'a su ṛinone, arawe i yamiu tawe maataṛṛangnga ana waugu pallal᷊agun taumata udde lome.”