MARKUS 14:31 - WUKE SUSI WATTI'U AL᷊AL᷊USASSA

³¹ I Petrus sinumimbakka ringannu atonna-tonna, “Wala'e i ya'u mate su sampunna ringannu Iamangnga, saran paassa ya'u tawe mabbisara manungku i ya'u waggan Iamangnga!” Wuṛṛu mallal᷊aṛṛenggen-Ne waine lai nabbisara aroddi.

MARKUS 14:31 Referans Kwoze

YOHANES 13:37

“Mawu, anio i ya'u tawe maatantalongnga Mawu orassa indi?” aiwal᷊on Simon Petrus apia. “I ya'u mal᷊uassa mate ana waugu Mawu!”

SASABANGNGA 19:8

I mangitou sarangkanambone sinumimbakka ringannu naṛṛindo'a, “Yami mappulu tumuṛṛutta al᷊awo'a apan nirolokku Mawu,” wuṛṛu sasimbakka udde nippasingkatti Musa su Mawu. Ana see unnu Mawu si Musa, “I Ya'u sarun rumanta ringannu aoosanu winabbawa apan maappala; manga taumata sarun maddaringikka si Ya'u mabbisara si'o, wuṛṛu manattakka orassa udde i mangitou sarun sidutu mangngimanna si'o.

YEREMIA 17:9

Naungngu taumata tawe iaṛṛangngo, mappandeanna wuassu al᷊awo'a wuṛṛu tumaniten bahewalla raddangnge.

YEREMIA 10:23

Mawu, i ya'u masingkatta tawe saran sangkatou apan maataṛṛino manantunnu nasimme ara'e mangul᷊inna lal᷊annu pabbiaṛṛanne.

AMSAL 29:23

Taumata matanggakka sarun iapawawo; taumata naungnge masaṛṛionto'a sarun raloanna.

AMSAL 18:24

Pia gawe apan tawe satia, pia lai gawe apan mappianne wuassu tuṛṛangnga.

AMSAL 16:18

Warabbunga pangillul᷊eanne awawinasa; atatanggakka pangillul᷊eanne ananawo.

2 MARARATU 8:13

“Ah, i ya'u taumata apan tawe gunane,” sasimbakki Hazael, “tawe mariaddi ya'u pia taṛṛino ahewalle ereudde!” “Mawu buatte namasingkatta si ya'u manungku i'o sarun maola'a ratun Siria,” sasimbakki Elisa.

DARALO 30:6

Ana waugu tumba'u tal᷊angkadio'a Mawu masa'u, apapia-Ne uata'a su al᷊o'engngu pabbiaṛṛanna. Sutempo ṛabbi i ya'u lulluai, arawe matannallo nangapiddu al᷊al᷊uassa.

MATIUS 10:33

Arawe isai-sai massinaada su saruannu awada'alla manungku i tou mallal᷊aṛṛenggeng-Ku, i Ya'u lai sarun massinaadi tou su saruannu Iamangku su surga.”

MARKUS 14:30

“Paanaunge,” wisara Mawu Yesus, “ṛabbi indi lai, tantal᷊anna manu'a taambe inumu'u aruane, i'o paatallute massinaadu riri-U.”

MARKUS 14:32

I mangitou na'omate su sambau tampa aranne Getsemani, wuṛṛu Mawu Yesus nabbisarate mallal᷊aṛṛenggen-Ne, “A'iante isindi tantal᷊anna i Ya'u inai umal᷊iomanna.”

LUKAS 23:23

Arawe i mangitou sidutu u'ui ma'ikka-ikkatta manungku Mawu Yesus ṛinone iarussa. Ne panginsueanne darorongngi mangitou niraringiṛṛanna.

1 MARARATU 11:22

“Anio?” aiwal᷊on ratu. “Apa i'o pia awussa isindi, na'oman sara i'o mabbelengke su wanuanu?” “I ya'u tawe awussa apa-apa,” sasimbakki Hadad, “arawe wala'e i ya'u inai.” Ne i tou nabbelengke watukku wanuane.

MARKUS 10:39

“Wotongnge,” sasimbakki mangitou. Ne Mawu Yesus nabbisara apia si mangitou, “Atonna i yamiu sarun ma'inumma wuassu mangkon asasusa apan sarun inumang-Ku wuṛṛu sumutta sulal᷊ummu papaṛṛangnga apan sarun suttang-Ku.