MARKUS 14:18 - WUKE SUSI WATTI'U AL᷊AL᷊USASSA

¹⁸ Wuṛṛu tantal᷊anna i mangitou ua'ianna u'anna, Mawu Yesus nabbisara, “Padaringikka: pia sangkatou, wuassu wallatti yamiu, apan su orassa indi u'anna ringang-Ku sarun mamate si Ya'u.”

MARKUS 14:18 Referans Kwoze

DARALO 41:9

I mangitou mabbisara, “Radange mawakkate atonna, i tou lai maawangunna.”

YOHANES 6:70

Mawu Yesus sinumimbakka, “Wal᷊inewe i Ya'u apan namile si yamiu mapul᷊o dua indi? Arawe sangkatou wuassu wallatti yamiu eteudde ghaṛṛaho lal᷊eo!”

YOHANES 6:47

Paanaunge: Taumata apan mangngimanna, maatahuanna wiakka tutune wuṛṛu saran mal᷊annu-l᷊annu.

YOHANES 13:38

Mawu Yesus sinumimbakka, “Atonna i'o mal᷊uassa mate ana waugu i Ya'u? Paanaunge, tantal᷊anna manu'a taambe inumu'u, paatallute i'o nabbisara manungku i'o wagga-U!”

YOHANES 13:21

Napawe Mawu Yesus suete nabbisara aroddi, naungngi Tou mangke natuno. See i Tou nabbisara, “Mangke atonna wisara-U indi; sangkatou wuassu wallatti yamiu sarun mamate si Ya'u.”

YOHANES 6:32

See Mawu Yesus nabbisara si mangitou, “Pangimante: Wal᷊ine i Musa ewe'e ete Iamang-Ku apan nangonggolu roti suṛṛinone wuassu surga.

YOHANES 6:26

Mawu Yesus sinumimbakka, “Atonna i yamiu madde'a si Ya'u wal᷊inewe ana waugu i yamiu naasunnate pandumannu manga al᷊arindu'a apan Ta'u niola'a, arawe ana waugu i yamiu suete inumanna na'oman sara nal᷊aidda.

YOHANES 5:19

Mawu Yesus sinumimbakka su manga taumata udde arendi, “Pangimante, Ana'a tawe mapa'ola'a al᷊awo'u inolaanna ringannu taṛṛino-Ne sassane. I Tou tumba'u maaola'a apa apan niasiloanni Tou niola'u Iamang-Nge. Ana waugu apa apan niola'u Iamangnga, udde lai a'olaannu Ana'a.

YOHANES 3:11

Pangimante: i yami mabbisara tumba'u apa apan asingkatanni ami, wuṛṛu i yami mattiala tumba'u su ola'u apa apan niasiloanni ami; arawe i yamiu maddiri mangngimanna tatiala wuassi ami.

YOHANES 3:5

Mawu Yesus sinumimbakka, “Atonna-tonna wisara'U indi: amungkangngu taumata tawe iasungkangnga wuassu ua'e wuṛṛu Ghaṛṛahon Ruata, taumata udde tawe mawal᷊i su reengannu walahannu Ruata.

YOHANES 3:3

Mawu Yesus sinumimbakka, “Pangimante, tawe saran sangkatou apan botongnge maola'a lal᷊oṛṛon araratuannu Ruata, amungkangngu i tou tawe iasungkangnga apia.”

YOHANES 1:51

Mawu Yesus nabbisara apia, “Atonna, pangimante, i'o sarun maasilo langitta mawu'a, wuṛṛu manga mala'ekattu Ruata uapapal᷊ele ringannu Ana'u Taumata.”

LUKAS 11:51

nanattakka wuassu pamamate si Habel na'oman sara pamamate si Zakharia, apan nariaddi su wallattu pangadoannu sasamba wuṛṛu Wal᷊e Mawu. Pangimante: Manga taumata orassa indi sarun iṛṛuumanna ana waugu sarangkanambone udde.

LUKAS 4:24

Mawu Yesus nanassukku wisara-Ne, “Paanaunge, tawe nabi apan a'addatanna su ampungnge sassane.

MARKUS 14:25

Pangimante: i Ya'u tate ma'inumma anggore indi apia, ma'oman sara tempone i Ya'u ma'inumma anggore wakku su sampunna ringanni yamiu su Runia Wakkun Iamang-Ku.”

MARKUS 14:9

Pangimante! Su ahewallu runia, su tampa Watti'u Al᷊al᷊uassa wuassu Ruata iapasingkatta, inolaannu wawine indi sarun iwatti'a lai, maola'a sambau pananaunganna si tou.”

MARKUS 10:29

Mawu Yesus nabbisara, “Pangimante: taumata apan suete nanantangngu amonanne, ara'e tuṛṛangnge esakka ara'e tuṛṛangnge wawine, ara'e inangnge ara'e iamangnge, ara'e al᷊aṛṛanangnge, ara'e lai manga wawail᷊anne ana waugu i Ya'u wuṛṛu ana waugu Watti'u Al᷊al᷊uassa wuassu Ruata,

MARKUS 10:15

Naunge indi! Isai tawe sumaruanna Ruata ere sangkatou ana'a, tawe maola'a lal᷊oṛṛon araratuannu Ruata.”

MARKUS 9:41

Paanaunge! Taumata apan mappa'inummi yamiu, ana waugu yamiu mallal᷊aṛṛenggennu Ratum Punnu Sal᷊amatta, i tou sarun manengkamma lal᷊antakke.”

MARKUS 9:1

“Asingkate!” unnu Mawu Yesus, “Wuassu wallatti yamiu isindi piaddu apan tawe mate, tantal᷊anna taambe maasilo Ruata mamarenta ringannu taṛṛino-Ne!”

MARKUS 8:12

Mawu Yesus nasa'u, see sinumimbakka, “Anio manga taumatan tempo indi madorongnga si Ya'u ma'ola'a al᷊aṛṛindu'a? Tawe! I Ya'u tawe mangagillu tanda ereudde si mangitou!”

MARKUS 6:11

Arawe amungkangngu i yamiu ma'oma su sambau tampa, wuṛṛu manga taumata isudde maddiri manarimmatta wuṛṛu maddiri madaringikka si yamiu, tantanga'a tampa udde. Wuṛṛu tontonga'a awu wuassu leddanu maola'a sambau pananaunganna su saruanni mangitou!”

MARKUS 3:28

Asingkatewe! Amungkangngu taumata ma'ola'a rosa wuṛṛu mangngadio'a, i tou wotongnge aampunganna.

MATIUS 26:21

Tantal᷊anna i mangitou u'anna, Mawu Yesus nabbisara, “Paddaringikka: Sangkatou wuassu wallatti yamiu sarun mandal᷊eo si Ya'u.”

MATIUS 6:5

“Amungkangngu i yamiu umal᷊iomanna, imbaṛṛangnga ere manga taumata ma'ola'a awusu. I mangitou u'al᷊iomanna lapiddu uarisikka su wal᷊em pattataṛṛamawuanna wuṛṛu su pengan dal᷊anna, tadea'u iasilon taumata. Paanaunge, eteudde lal᷊antakke apan suete nisengkammi mangitou.

MATIUS 6:2

Nariaddi, amungkangngu i yamiu mangagillu aonggolla su taumata asiangnga, arie mangke itattunggalla darangngu udde, ere a'olaannu taumata lilangkamal᷊e'a. I mangitou maapulu ma'ola'a udde sulal᷊ummu wal᷊em pattataṛṛamawuanna, su lal᷊anna, tadea'u raloannu taumata. Naungete, i mangitou suete nanengkamma lal᷊antakke.

MATIUS 5:18

Naunge! Tantal᷊anna langitta wuṛṛu runia ta'e indi, sambau woṛṛetta ara'e titi'a apan addio'anne lai sulal᷊ummu al᷊aṛṛa'a udde, tawe pappasanna amungkangngu sarangkanambone udde taambe natipussa!

YOHANES 21:18

Mangke atonna wisara-U indi: Su tempo i'o ta'e dario'a, i'o sassane mamma'issa lawannu, wuṛṛu u'amatta su al᷊awo'u tampa ipaapulunu. Arawe amungkangngu i'o timmaddete, i'o mangngul᷊ukku limanu, wuṛṛu taumata waine mamma'issa si'o wuṛṛu mangapidda su tampa apan ipaadirinu.”

MATIUS 6:16

“Amungkangngu i yamiu mappuasa, imbaṛṛangnga massusa ere taumata apan apulune mammahia. I mangitou mammal᷊u hatine tadea'u anambon taumata maasingkatta manungku i mangitou mappuasa. Paanaunge, eteudde lal᷊antakke apan suete nisengkammi mangitou.

MARKUS 14:17

Ṛabbine, Mawu Yesus nirumanta ringannu sire mapul᷊o dua mallal᷊aṛṛenggen-Ne.

MARKUS 14:19

Naaringikka udde, mallal᷊aṛṛenggennu Mawu Yesus mangke nasusa. See sangkatou ringannu sangkatou nanattakke naiwalo Mawu Yesus, “Asinungka wal᷊ine i ya'u apan su pandummi Iamangnga?”

LUKAS 22:21

“Arawe pa'ellega! Taumata apan mamate si Ya'u, isindi lai ringang-Ku!

YOHANES 13:18

Apa apan Ta'u niwisara indi wal᷊inewe su ola'i yamiu sarangkanambone. I Ya'u masingkatta isai-sai apan suete nipile. Arawe apa apan uawoṛṛetta sulal᷊ummu Wuke Susi ṛinone matipussa, eteudde ‘Taumata apan u'anna su sambau ringang-Ku sarun lumawangnga si Ya'u.’

YOHANES 13:22

Manga mallal᷊aṛṛenggen-Ne uaa'ellega sangkatou ringannu sangkatou, wuṛṛu lembon tinumiangnga ana waugu wagga isai apan ipappandum-Me udde.