MARKUS 14:16 - WUKE SUSI WATTI'U AL᷊AL᷊USASSA

¹⁶ See ruang katou mallal᷊aṛṛenggennu Mawu Yesus udde inaite watukku soa. Poiaroddi itarua naaratingnga sarangkanambone ere suete niwalo Mawu Yesus. See i mangitou nanaddiate annu Paskah.

MARKUS 14:16 Referans Kwoze

YOHANES 16:4

Arawe orassa indi iwal᷊o-U olangnge udde si yamiu, tadea'u amungkangngu udde mariaddi murine, i yamiu maanaungnga manungku i Ya'u suete namasingkatta si yamiu.” “Hatto indi tawe Ta'u niwal᷊o si yamiu ro'en paarorone, ana waugu i Ya'u ta'e su sampunna ringanni yamiu.

LUKAS 22:13

Ne inaite i Petrus wuṛṛu i Yohanes, naaratingke sarangkanambone nassul᷊ungnga ere iwabbisara Mawu Yesus. I mangitou nanaddiate annu Paskah isudde.

LUKAS 22:35

Wua'udde Mawu Yesus nabbisarate si mangitou, “Dorone su tempo i Ya'u nandolokki yamiu, tawe namalang kamiu mangapiddu dompetta, pato'a ara'e sapatu, apa auranganni yamiu su tempo udde?” “Tawe!” sasimbakki mangitou.

MARKUS 14:15

Taumata udde sarun mamantingidu sambau wabo'a ual᷊iu rosone apan bahewa. Wabo'a udde suete niatokka, nasuungnga ringannu lal᷊oṛṛone. Saddiaite sarangkanambone udde poiaroddi si ite.”

MARKUS 14:17

Ṛabbine, Mawu Yesus nirumanta ringannu sire mapul᷊o dua mallal᷊aṛṛenggen-Ne.

YEHEZKIEL 12:7

Ana see i ya'u tinumuṛṛutte parenta Mawu si ya'u. Su allo udde lai, tantal᷊anna ta'e allattune, i ya'u nandiahite saranapa'u sulal᷊ummu sambau pinampiunanna, ere lai inanaramanne a'olaannu tumatal᷊angnga. Sutempo allo maṛṛabbite, i ya'u nallassutta loṛṛangnga ringannu lima'u su darandungngu wal᷊e'u. Ringannu wawialannu awadaalla, pinampiunanna udde ta'u nipasanna su wambangku, wua'udde i ya'u inaite.