MARKUS 14:11 - WUKE SUSI WATTI'U AL᷊AL᷊USASSA

¹¹ I mangitou lembon lulluassa naaringikka wisarane udde, wuṛṛu na'ire sarun mangagillu roitta si Yudas. Ne Yudas mannattakke maddea'a tempone mapia mamate Mawu Yesus.

MARKUS 14:11 Referans Kwoze

1 TIMOTIUS 6:10

Ana waugu wuassu aapulun doitta, lumappute al᷊awo'u al᷊al᷊eo. Pia sambageanganna taumata apan maddea'a roitta na'oman sara tate tumuṛṛutta lai al᷊aṛṛa'u Saṛṛani, ana see i mangitou niaṛṛiaannu manambo asasusa naṛṛimunsa'a naungngi mangitou.

YUDAS 1:11

Nasilakate i mangitou! I mangitou suete niumamatta su lal᷊anni Kain. Tadea'u maasomba roitta, i mangitou namontollu wadangnge su inolaanna lal᷊eo ere Bileam. Wuṛṛu i mangitou lai nipate ana waugu nilumawanna ere Korah.

MATIUS 26:15

I tou nabbisara si mangitou, “Apa sarun ionggolli yamiu si ya'u, amungkangngu i ya'u manantillu Mawu Yesus si yamiu?” Ne i mangitou nandeengngu tallum pul᷊o roitta sal᷊a'a, see nionggole roitta udde si tou.

HOSEA 7:3

Mawu nabbisara, “Ringanu wawahia wuṛṛu inolaana apan dal᷊eo tumanangnge mattinsahadda malluassa naungngu ratu wuṛṛu manga temboanannu araratuanna.

2 MARARATU 5:26

Arawe i Elisa nabbisara, “Naungku poiaroddi sutempo i Naaman sinumossoka wuassu keretane naisasombanu. Indi wal᷊inewe tempone maddea'a roitta wuṛṛu mamalli waillu zaitun, waillu anggore, domba wuṛṛu sapi see lai manga allanga!

1 MARARATU 21:20

Sutempo i Ahab naasilo si Elia, i tou nabbisara, “Ei seetta, panginsueanne i'o naasangkalla si ya'u!” “Atonna,” sasimbakki Elia. “Ana waugu i Tuangnga ringannu na'utulla na'ola'a al᷊al᷊eo su aellegu Mawu,

MATIUS 26:14

See sangkatou wuassu wallattu sire mapul᷊o dua mallal᷊aṛṛenggennu Mawu Yesus, aranne i Yudas Iskariot, inaite ringannu manga imam tembonanne.

MARKUS 14:10

See i Yudas Iskariot, sangkatou wuassu sire mapul᷊o dua mallal᷊aṛṛenggennu Mawu Yesus, inaite ringannu manga imam tembonanne ringannu pandumma mamate Mawu Yesus.

MARKUS 14:12

Su allo paarorone wuassu Allo Wahewan Roti Tawe Ragine – su tempo taumata mammototta domban Paskah – mallal᷊aṛṛenggennu Mawu Yesus naiwal᷊o si Tou, “Suapa tampa ipa'apulun Iamangnga yami manaddia annu Paskah su Iamangnga?”

LUKAS 22:3

Wua'udde Setanna nangintaṛṛo si Yudas apan isassago lai Iskariot, eteudde sangkatou wuassu sire mapul᷊o dua mallal᷊aṛṛenggennu Mawu Yesus.