MARKUS 14:1 - WUKE SUSI WATTI'U AL᷊AL᷊USASSA

¹ Rua allo lai Allom Paskah wuṛṛu Ramean Roti Tawe Ragine. Manga imam tembonanne wuṛṛu manga hurun agama tantal᷊anna maddea'a lal᷊anne manametta Mawu Yesus ringannu mal᷊anna-l᷊annaba, wuṛṛu mamate si Tou.

MARKUS 14:1 Referans Kwoze

YOHANES 13:1

Allo massallo tantal᷊anna taambe nia'omanna Allo Wahewam Paskah, Mawu Yesus naasingkatte manungku temponete i Tou manantangngu runia indi mabelengnga ringannu Iamang-Nge. I Tou mandangngu manga taumata apan tatahuanan-Ne su runia, wuṛṛu i Tou sidutu mandangngu si mangitou ma'oman sara panginsueanne.

YOHANES 11:47

Ana waugu udde manga taumatan Farisi wuṛṛu manga imam tembonanne naammulla ringannu Mallaṛṛuungngu Agama. I mangitou nabbisara, “I ite ṛinone ma'ola'a apa? Taumata indi ma'ola'a anambon al᷊aṛṛindu'a!

MATIUS 12:14

Arawe manga taumatan Farisi nanantangngu wal᷊em pattataṛṛamawuanna udde, see na'irete mamate Mawu Yesus.

MATIUS 6:2

Nariaddi, amungkangngu i yamiu mangagillu aonggolla su taumata asiangnga, arie mangke itattunggalla darangngu udde, ere a'olaannu taumata lilangkamal᷊e'a. I mangitou maapulu ma'ola'a udde sulal᷊ummu wal᷊em pattataṛṛamawuanna, su lal᷊anna, tadea'u raloannu taumata. Naungete, i mangitou suete nanengkamma lal᷊antakke.

DARALO 62:9

Ei walahangku, pangantimpe Ruata suapan tempo; sabbanga'e lal᷊oṛṛon naungngu si Tou, ana waugu ete i Tou tampa passirunganni ite.

DARALO 62:4

Sara tingngera i yamiu sarangkanambone maapulu mamangalo sangkatou taumata apan erete darandunga uasoṛṛa wuṛṛu pale apan maraniten maṛṛa'a?

DARALO 52:3

Ei taumata matohassa, anio i'o mammungan al᷊al᷊eonu, su taumata apan arangnguannu Ruata?

PANDARIADDI 37:18

Ro'en ta'e marau i mangitou naasilote si Yusuf, wuṛṛu tantal᷊anna i tou taambe na'oma ringanni mangitou, i mangitou nabbaidda mamate si tou.

SASABANGNGA 12:1

Mawu nabbisara si Musa wuṛṛu si Harun su leta'u Mesir. Wisara-Ne,

MARKUS 14:2

“Arawe arie i ite ma'ola'a udde su tempon ramea,” wisara mangitou, “ana waugu takka maola'a pagahahio.”

MARKUS 14:12

Su allo paarorone wuassu Allo Wahewan Roti Tawe Ragine – su tempo taumata mammototta domban Paskah – mallal᷊aṛṛenggennu Mawu Yesus naiwal᷊o si Tou, “Suapa tampa ipa'apulun Iamangnga yami manaddia annu Paskah su Iamangnga?”

WATTI'U MANGA RASUL 12:4

Napawe niasamette, i Petrus nisutta sulal᷊ummu tuttupanna. Appatu wageangnga tantara niapaariaga si Petrus – sangkawageanganna udde anambone sire appata. Napawe rameam Paskah nasuete, wakkute udde i Herodes namarikissa si Petrus su saruannu awada'alla.

IMAMATTA 2:6

Roti apan nionggola udde rinone pesanganna, ana see lal᷊inannu lanan zaitun.