MARKUS 13:6 - WUKE SUSI WATTI'U AL᷊AL᷊USASSA

⁶ Manambo taumata sarun dumanta ringannu arang-Ku see mabbisara, ‘Ete i Ya'u i tou udde!’ see nangawusute taumata nambo udde.

MARKUS 13:6 Referans Kwoze

MARKUS 13:22

Ana waugu mananal᷊amatta awusu wuṛṛu manga nabi awusu sarun dumanta. I mangitou sarun ma'ola'a al᷊awo'u inolaanna wahahewa wuṛṛu al᷊awo'u al᷊aṛṛindu'a ipangawusu al᷊aṛṛana'u Ruata amungkangngu wotongnge.

1 YOHANES 4:1

Manga tuṛṛangnga apan arangnguanna! Arie pangimanna anambon taumata apan mangnga'u Ghaṛṛahon Duata, arawe annama'a asuene i mangitou tanne ghaṛṛaho mangitou udde niarantanne wuassu Ruata ara'e tawe. Ana waugu manambonabi awusu apan u'amatta su al᷊awo'u tampa.

YOHANES 8:24

Ana waugu udde i Ya'u mabbisara si yamiu, manungku i yamiu sarun mate sulal᷊ummu manga rosanu. Wuṛṛu atonna i yamiu sarun mate sulal᷊ummu manga rosanu, amungkangngu i yamiu tawe mangngimanna manungku, ‘ete i Ya'u i Tou apan isassago I YA'U INDI’. ”

YOHANES 5:43

I Ya'u nirumanta ringannu taṛṛinon Iamang-Ku, arawe i yamiu maddiri manarimma-U. Arawe amungkangngu taumata waine rumanta ringannu taṛṛinone sassane, i yamiu maapulu manarimmatti tou.

MATIUS 24:11

Manambo manga nabi awusu sarun dumanta, wuṛṛu mangawusu taumata nambo.

MATIUS 24:5

Ana waugu manambo taumata apan rumanta ringannu arang-Ku see mabbisara, ‘I Ya'u Ratum Punnu Sal᷊amatta!’ I mangitou sarun mamahia taumata nambo.

YEREMIA 14:14

Arawe Mawu sinumimbakka, “Manga nabi udde mangapiddu watti'a awusu ringannu arang-Ku; i Ya'u tawe nandolokki mangitou, wuṛṛu tawe lai nangonggollu parenta ara'e naggahatto mangitou. Manga aellegga apan iwabbatti'i mangitou wal᷊ine wuassia-U; i mangitou maṛṛangngo manga inolaanna tawe gunane apan iaarangnga sassane.

MARKUS 13:5

“Paatehamma,” sasimbakku Mawu Yesus, “arie ma'oman sara yamiu aawusuanna.

MARKUS 13:7

Amungkangngu i yamiu maaringikka manga tingikku pangalo wuṛṛu manga watti'u pasaseetta, arie pa'ata'utta. Sarangkanambone udde sarun mariaddi, arawe sarangkanambone udde tawe papasingkatta manungku temponete kiamatta.

YOHANES 8:28

Ana waugu udde Mawu Yesus nabbisara si mangitou, “Ṛaddoi amungkangngu i yamiu suete nanduittu Ana'u Taumata, i yamiu sarun maasingkatta manungku ‘ete i Ya'u i Tou apan isassago I YA'U INDI’, wuṛṛu i yamiu sarun maasingkatta manungku tawe saran sambau apan a'olaang-Ku wuassu riri-U sassane. I Ya'u tumba'u mamasingkattu apa apan niaṛṛa'u Iamangnga si Ya'u.