MARKUS 13:2 - WUKE SUSI WATTI'U AL᷊AL᷊USASSA

² Mawu Yesus sinumimbakka, “I'o ma'ellega manga wal᷊e apan wahewa udde? Tawe saran sambau watu wuassu wal᷊e udde mallambe uaatokka su tampane, sarangkanambone sarun iapaahohakka.”

MARKUS 13:2 Referans Kwoze

LUKAS 21:6

“Paṛṛado pia tempone, apa apan niasiloanni yamiu indi sarun ihohakka; tawe saran sambau watu isindi apan mallambe uaatokka su tampane!”

MATIUS 24:2

Mawu Yesus nabbisara si mangitou, “Apa i yamiu maasilo sarangkanambone udde? Asingkate, tawedu saran sambau watu wuassu manga wal᷊e udde sarun matana'a uaatokka su tampane. Sarangkanambone sarun iapaahohakka.”

MIKHA 3:12

Ana waugu al᷊aleonu udde, Sion sarun pajekoanna ere wawail᷊anna, Yerusalem sarun maola'a ombon winalal᷊anna, wuṛṛu wuiddu Wal᷊en Mawu mabbal᷊i mahurangnge.

YEREMIA 26:18

“Sutempo i Hizkia naola'a ratun Yehuda, i Nabi Mikha wuassu Moresyet namasingkatta su tumanangnge wisara indi wuassu Mawu Apan Lembontaṛṛino, ‘Sion sarun pajekoanna ere wailla, Yerusalem sarun maola'a winal᷊al᷊anna, wuṛṛu wuiddu Wal᷊e Mawu sarun mabbal᷊i mahurangnge.’

SONDAPPA 11:2

Arawe arie manguukka rallaka su samba'an liuddu Wal᷊e Mawu udde, ana waugu wageangnge udde suete tinantilla su manga taumata apan tawe maaillal᷊a Mawu. I mangitou sarun maṛṛinda soa apan susi udde appatu pul᷊o dua su wul᷊anne al᷊annune.

WATTI'U MANGA RASUL 6:14

I yami suete naaringikka si tou mabbisara, manungku Mawu Yesus wuassu Nazaret udde sarun mangngohakku Wal᷊e Mawu indi, see mamal᷊u anambon inanaramanna apan nisossokki Musa si ite!”

DANIEL 9:26

Su panginsueannu tempo udde piaṛṛa'a nipilen Duata udde sarun pateanna, sumbal᷊i i tou tawe sal᷊ane. Ne nirumantate tantaran sangkatou ratu apan matohassa, ana see nakkimunsa'e soa Yerusalem see lai Wal᷊en Mawu. Panguddusannu tempo udde sarun rumanta manawangnga apan mangapiddu pangalo wuṛṛu araṛṛimunsa'a, ere buatte nitantunnu Ruata.