MARKUS 13:11 - WUKE SUSI WATTI'U AL᷊AL᷊USASSA

¹¹ Wuṛṛu napawe yamiu sametanna wuṛṛu parikisanna su saruannu mallaṛṛuungnga, arie passinggawangnga su ola'u apa apan sarun iwisaran kamiu. Amungkangngu nia'omante tempone mabbisara, wal᷊oa'a apa apan suete niapaasingkatta si yamiu su tempone. Ana waugu manga wisara apan iwabbisarang kamiu udde wal᷊ine wisaranu sassane, ewe'e nirumanta wuassu Ghaṛṛaho Ruata.

MARKUS 13:11 Referans Kwoze

WATTI'U MANGA RASUL 6:10

Arawe i mangitou tawe maapanompolla wisaran Stefanus, ana waugu Ghaṛṛahon Ruata mangngonggolu apande si tou iapawisara.

1 PETRUS 1:12

Su manga nabi udde Ruata namasingkata manungku apa apan a'olaanni mangitou, wal᷊ine hunane si mangitou, ewe'e hunane si'o; eteudde manga inolaanna apan orassa indi aaringiṛṛani yamiu ringannu masemakka wuassu mabbawatti'u Watti'u Al᷊al᷊uassa su ola'i Yesus Kristus. I mangitou namasingkatu manga olangnge udde si yamiu ringannu taṛṛino Ghaṛṛahon Duata apan niapaapida wuassu surga. Wuṛṛu lai manga mala'ekatta maapulu lai maasingkata watti'a apan iapaasingkati mangitou udde.

1 KORINTUS 2:13

Ana waugu udde amungkangngu i yami mannal᷊a'a manga inolaannu Ruata su manga taumata apan pia Ghaṛṛahon Duata, i yami maddiri mamasingkata tumuṛṛuttu apapanden taumata, ewe'e tumuṛṛuttu al᷊aṛṛa'u Ghaṛṛahon Duata.

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.

EFESUS 3:5

Dorone addapingnge udde tawe niapaasingkatta su taumata, arawe orassa indi Ghaṛṛahon Duata suete namasingkata su manga rasul wuṛṛu nabi-Ne.

WATTI'U MANGA RASUL 4:31

Napawe i mangitou suete inumal᷊iomanna, tampa i mangitou uaammulla udde inumio'a. I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara ringannu waṛṛani atonna, su ola'u watti'u Ruata.

WATTI'U MANGA RASUL 2:4

I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara sulal᷊ummu al᷊awo'u manga wisara waine. I mangitou mabbisara tumuṛṛuttu apa apan ia'onggolu Ghaṛṛaho udde si mangitou iapawisara.

YESAYA 50:4

Mawu Apan Atanggaṛṛanne mangngaṛṛa'a si ya'u mabbisara, tadea'u wisara'u maatohassa taumata apan su al᷊allome. Suapan marua allo mannohassa naungku tadea'u maddaringikka al᷊aṛṛang-Ne si ya'u.

2 SAMUEL 23:2

Ghaṛṛahon Mawu buatte nabbisara si ya'u; tanata wuṛṛu ṛengetan-Ne indi su wiwi'u.

WATTI'U MANGA RASUL 3:13

Ruata apan sassubbanni Abraham, i Ishak, i Yakub, Ruatan al᷊amonang kite, Ruata udde suete namantuga Allang-Nge eteudde Mawu Yesus, ete Mawu Yesus udde tinantilli yamiu su tembonanne wuṛṛu niroapanni yamiu su saruanni i Pilatus, su tempo Pilatus ma'apulu mamallosi Tou.

YOHANES 3:27

I Yohanes sinumimbakka, “Taumata tawe maatahuanna al᷊awo'a amungkangngu tawe ionggolu Ruata si tou.

MARKUS 13:9

I yamiu ṛinone paatehamma, ana waugu yamiu sarun sametanna wuṛṛu parikisanna su saruannu mallaṛṛuungnga. I yamiu sarun puul᷊anna su manga wal᷊em pattataṛṛamawuanna. I yamiu sarun parikisanna sumaruanna manga tembonanne wuṛṛu manga ratu ana waugu i yamiu mallal᷊aṛṛenggeng-Ku. Wuṛṛu eteudde temponu manganggillu tatiala su ola'u riri-U si mangitou.

MATIUS 10:17

Paariaga, ana waugu i yamiu sarun sametanna wuṛṛu iapaasaruanna su Mallaṛṛuungngu Agama. I yamiu sarun sansaranna su manga wal᷊em pattataṛṛamawuanna.

WATTI'U MANGA RASUL 7:55

Arawe i Stefanus apan aintaṛṛoannu Ghaṛṛaho Ruata, naningngara langitta. I tou naasilo awawantugu Ruata, wuṛṛu Mawu Yesus uarisikka su tampa pia taṛṛino su samba'an uanannu Ruata.

WATTI'U MANGA RASUL 6:15

Awada'alla apan uasemodda sulal᷊ummu ammul᷊annu Mallaṛṛuungngu Agama udde nanutudda si Stefanus. Wuṛṛu su tempo udde hatin Stefanus aellehanna naal᷊ihidda hati mala'ekatta.

MARKUS 13:12

Taumata sarun mandal᷊eo tuṛṛangnge sassane ma'oman sara pateanna. Udde lai sarun mariaddi su wallattu iamangnga wuṛṛu anangnge. Al᷊aṛṛana'a sarun lumawangnga inangnga iamangnge, wuṛṛu manantilli mangitou pateanna.

LUKAS 21:12

Arawe tantal᷊anna sarangkanambone udde taambe nariaddi, i yamiu sarun sametanna wuṛṛu sansaranna. I yamiu sarun parikisanna su manga wal᷊e pattataṛṛamawuanna wuṛṛu itaṛṛo su tuttupanna. Wuṛṛu i yamiu sarun iapidda su saruannu mararatu wuṛṛu manga tembonanne, ana waugu i yamiu mallal᷊aṛṛenggeng-Ku.