MARKUS 12:17 - WUKE SUSI WATTI'U AL᷊AL᷊USASSA

¹⁷ “Ne, amungkangngu aroddi,” wisara Mawu Yesus, “onggol᷊a'a si Kaisar apa apan tatahuanannu Kaisar, wuṛṛu onggol᷊a'a su Ruata apa apan tatahuanannu Ruata.” I mangitou naherangnga naaringikka si Tou.

MARKUS 12:17 Referans Kwoze

ROMA 13:7

Nariaddi waeṛṛete su tembonanne apa apan ṛinone tuṛṛangnga mamaekka si tou. Waeṛṛete wose, amungkangngu tuṛṛangnga ṛinone mamaekka wose, wuṛṛu waeṛṛete beane amungkangngu tuṛṛangnga ṛinone mamaekka bea. Imbei i mangitou apan ṛinone imbeanna wuṛṛu aaddatewe i mangitou apan ṛinone addatanna.

1 PETRUS 2:17

Pangadate anambon taumata, paarangngu manga tuṛṛangu apan sansul᷊ungnga Saṛṛani. Ata'utten Ruata, wuṛṛu pangadate Kaisar.

ROMA 6:13

Arie lai i'o manantillu wageangngu wadangngu su taṛṛinon dosa ana waugu ipaatta su manga pandumanna apan lal᷊eo. Arawe tantila'e ririnu su Ruata ere taumata apan buatte niingkata wuassu papate watukku pabbiaṛṛanna. Tantila'e ahewallu ririnu su Ruata tadea'u ipaatta ma'ola'a apulu Duata.

AMSAL 24:21

Ana'u, ata'uten Mawu, wuṛṛu pangaddate ratu. Arie pallaṛṛenggennu taumata lal᷊eo apan lullawangnga si mangitou.

ROMA 12:1

Manga tuṛṛangnga! Ruata tumaniten mapia si ite. Ana waugu udde ya'u sumal᷊ande si yamiu ringannu ahewallu naungnga tadea'u i yamiu manantillu wadangngi yamiu maola'a sambau sasamba apan wiakka su Ruata sassane wuṛṛu maal᷊uassa naung-Nge. Patataṛṛamawunu su Ruata ṛinone lai aroddi.

MATIUS 22:46

Tawe saran sangkatou wotongnge naasimbakka Mawu Yesus. Wuṛṛu nanattakka allo udde, tawedu lai waṛṛani maiwal᷊o manga apa si Tou.

MATIUS 22:22

Su tempo i mangitou naaringikka tal᷊aane aroddi, i mangitou mangke naherangnga. Ne i mangitou inaite nanantangngu Mawu Yesus.

MALEAKHI 1:6

Mawu Apan Lembontaṛṛino nabbisara su manga imam, “Sangkatou ana'a mangngaddatta iamangnge, wuṛṛu sangkatou mangangimbe mangngaddatta mawune. I Ya'u indi Iamangngu; anio i yamiu tawe mangaddatta si Ya'u? I Ya'u indi Tuangngu; anio i yamiu tawe mata'u-U? I yamiu mallobbossa si Ya'u, arawe i yamiu ma'iwal᷊o, ‘Ringannu olangnge ereapa i yami mallobbossa Si'o?’

MARKUS 12:30

Pandangngu Mawu Ruatanu ringannu ahewallu naungngu, ringannu ahewallu apulunu, ringannu ahewallu apendammu, wuṛṛu ringannu al᷊awo'u auatannu.’

MATIUS 22:33

Napawe taumata nambo udde naaringikka tal᷊a'a Mawu Yesus, i mangitou mangke naherangngu al᷊aṛṛang-Nge udde.

AMSAL 23:26

Panutukke paapia-pia wuṛṛu pattannote ola'u pabbiaṛṛangku, ana'u!

MATIUS 8:10

Su tempo Mawu Yesus naaringikka apa apan niwal᷊on tembonannu tantara udde, i Tou mangke naherangnga. Wua'udde i Tou nabbisara su manga taumata uatantalongnga si Tou, “Wal᷊ine hampa taumata indi. Su wallattu taumatan Israel i Ya'u taambe naasomba taumata pangangimanne aroddi ahewalle!

MATIUS 22:21

“Kaisar,” sasimbakki mangitou. Ne Mawu Yesus nabbisara si mangitou, “Amungkangngu aroddi, onggol᷊a'e si Kaisar apa apan tatahuananni Kaisar wuṛṛu onggol᷊a'e su Ruata apa apan tatahuannu Ruata.”

MARKUS 12:16

Ne i mangitou nangagillu roitta sal᷊a'a sambau si Tou. See Mawu Yesus naiwal᷊o, “Hambaranna wuṛṛu aranni sai indi?” “Kaisar,” sasimbakki mangitou.

LUKAS 20:25

“Amungkangngu aroddi,” unnu Mawu Yesus si mangitou, “onggol᷊a'e si Kaisar, apa apan tatahuananni Kaisar wuṛṛu su Ruata, apa apan tatahuannnu Ruata.”