MARKUS 11:23 - WUKE SUSI WATTI'U AL᷊AL᷊USASSA

²³ Atonna wotongnge yamiu mabbisara wuidda indi, ‘Awengkette wuṛṛu awontolle su tahal᷊oangnga!’ ne olangnge udde sarun mariaddi si yamiu; sambal᷊iate i yamiu tawe humago'a, wuṛṛu i yamiu mangngimanna manungku apa apan sarun iwisarang kamiu atonna-tonna mariaddi.

MARKUS 11:23 Referans Kwoze

MATIUS 17:20

Mawu Yesus sinumimbakka, “Ana waugu pangangimanni yamiu lome. Naunge! Amungkangngu i yamiu pia pangangimanna ere ahewallu watun sawi, i yamiu wotongnge mabbisara wuidda indi, ‘Pangingkatta poiaroddi!’ Ne atonna tonna wawone udde sarun ma'ingkatta. Tawe saran sambau manara apan tawe ia'ola'i yamiu! [

YOHANES 15:7

Amungkangngu i yamiu sidutu uaaukka ringang-Ku wuṛṛu al᷊aṛṛa-U uatatana'a sulal᷊ummu naungngu, padorongke su Iamangnga apa apan ipaapulunu; darorongngu udde sarun suunganna.

MATIUS 21:21

“Atonna,” sasimbakku Mawu Yesus, “amungkangngu i yamiu mangngimanna wuṛṛu tawe humago'a, i yamiu maaola'a apa apan suete niola-U su alu ara indi, wuṛṛu tawe tumba'u udde sassane, ewe'e lai yamiu maawisara lai su wuidda indi, ‘Awengkette wuṛṛu awontolle sulal᷊ummu tahal᷊oangnga’: ne olangnge udde sarun mariaddi.

DARALO 37:4

Paddea'e lal᷊umanangu su Mawu, I Tou sarun mangutungu apulun naungngu.

YOHANES 14:13

Wuṛṛu al᷊awo'u apa apan raddoronganni yamiu sulal᷊ummu arang-Ku, udde sarun olaang-Ku lai si yamiu, tadea'u Iamangnga wantuhanna sulal᷊ummu Ana'a.

LUKAS 17:6

Mawu Yesus sinumimbakka, “Amungkangngu i yamiu pia pangangimanna ere ahewallu watun sawi, yamiu wotongnge mabbisara su alu murbei indi, ‘Aabute i'o wuṛṛu tuwote su tahal᷊oangnga,’ alu indi sarun tumuṛṛutta parentanu.”

1 KORINTUS 13:2

Salaiwe i ya'u pande mabbatti'u watti'a wuassu Ruata, wuṛṛu maassunna anambon hatto apan malal᷊al᷊umma, wuṛṛu masingkatu manga al᷊awo'a wuṛṛu lembon mangngimanna Ruata na'oman sara wotongnge maaingkatu wowone, arawe i ya'u tawe mandangngu taumata waine, ne i ya'u tawe aregane saran kadio'a!

MATIUS 14:13

Su tempo Mawu Yesus naaringikka watti'a udde, i Tou sinuma'ete saalanna sassane wuṛṛu nanantangken tampa udde, see inaite su sambau tampa apan mal᷊annaba. Arawe su tempo manga taumata naaringikka olangnge udde, i mangitou nanantangngu manga soa mangitou inaite nanantuṛṛutta Mawu Yesus inumamattu ammaranne.