MARKUS 11:18 - WUKE SUSI WATTI'U AL᷊AL᷊USASSA

¹⁸ Manga imam tembonanne wuṛṛu manga hurun agama naaringikka wisara udde. Ne i mangitou nanattakke maddea'a lal᷊anne ipamate Mawu Yesus. I mangitou matta'utti Tou, ana waugu awada'alla naherangnga naaringikka al᷊aṛṛang-Nge.

MARKUS 11:18 Referans Kwoze

MATIUS 7:28

Panginsueanne Mawu Yesus nangillol᷊o mangngaṛṛa'a, wuṛṛu manga taumata apan isudde lembo naherangnga naaringikka al᷊aṛṛang-Nge.

MARKUS 12:12

Ne manga pira piaṛṛa'u walahannu Yahudi apan naaringikka sasumandingnga udde, mangke maddea'a manametta Mawu Yesus, ana waugu i mangitou masingkatte sasumandingnga udde ipammasendekku Mawu Yesus si mangitou. Arawe i mangitou matta'uttu taumata nambo. Nariaddi, i mangitou inaite nanantangngu Mawu Yesus.

WATTI'U MANGA RASUL 24:25

Arawe napawe i Paulus nanassukku wisarane su ola'u atatul᷊idda wuṛṛu asasabare wuṛṛu su ola'u pallaṛṛuumanna su allong kiamatta, i Feliks nata'utta see nabbisara, “I'o wotongngete mapul᷊e orassa indi. I ya'u sarun mamago si'o apia amungkangngu pia tempone.”

YOHANES 7:46

Manga mandariaga udde sinumimbakka, “Ah, taambe saran paassa pia taumata mabbisara naal᷊ihida ere i Tou!”

LUKAS 20:19

Manga hurun agama wuṛṛu manga imam tembonanne naasingkatta manungku sasumandingnga udde ipammasendekku Mawu Yesus si mangitou. Ana waugu udde i mangitou pia pandumma manametta si Tou orassa udde lai, arawe i mangitou matta'uttu taumata nambo.

LUKAS 19:47

Miallo-miallo Mawu Yesus mangngaṛṛa'a su Wal᷊e Mawu. Manga tembonannu imam wuṛṛu manga hurun agama, see manga piaṛṛa'u taumatan Yahudi maapulu mamate si Tou,

LUKAS 4:22

Manga wisara apan niwisara-Ne mapia atonna, na'oman sara i mangitou naherangnga wuṛṛu lapiddu nanamba'a si Tou. I mangitou nabbisara, “Wal᷊inewe i Tou indi ana'i Yusuf?”

MARKUS 11:32

Arawe masahadda lai mabbisara, ‘Ringannu taṛṛinon taumata,’ ” ana waugu i mangitou matta'uttu taumata nambo, wuṛṛu manambo taumata massunna manungku i Yohanes sangkatou nabi.

MARKUS 6:20

Ana waugu i Herodes suete nandolokku taumata niapariaga mapia-pia asasal᷊amatti Yohanes su tuttupanna, ana waugu i tou matta'utti Yohanes. I tou masingkatta manungku i Yohanes sangkatou taumata mapia apan suete nirolokku Ruata. Wuṛṛu atonna amungkangngu i Yohanes mabbisara, i Herodes mal᷊utu madaringikka si tou, salaiwe i tou sussinggawangnga atonna ana waugu Yohanes.

MARKUS 3:6

Ne manga taumatan Farisi nanantangken wal᷊em pattataṛṛamawuanna udde see mal᷊iha-l᷊ihakka na'ire ringannu sire pira taumatan Herodes, pandumanne mamate Mawu Yesus.

MARKUS 1:22

Manga taumata apan uararingikka si Tou mangke naherangnga su ola'u ereapa i Tou mangngaṛṛa'a. Ana waugu, i Tou mangngaṛṛa'a ringannu saṛṛaungnga, tawe ere pangangaṛṛa'u hurun agama.

MATIUS 21:15

Arawe manga imam tembonanne wuṛṛu manga hurun agama nasa'u naasilo manga al᷊aṛṛindu'a niola'u Mawu Yesus. Wuṛṛu i mangitou nasa'u lai naaringikka manga al᷊aṛṛana'a mangke u'ui su Wal᷊e Mawu, “Awawantuga su Ana'i Daud!”

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

1 MARARATU 22:18

Ana see unni Ahab si Yosafat, “Atonna wisara'u, are? Tawe saran paassa i tou mani'attu apan mapia si ya'u! Sidutu tumba'u apan dal᷊eo!”

1 MARARATU 22:8

I Ahab sinumimbakka, “Ta'e pia sangkatou, i Mikha ana'i Yimla. Arawe i ya'u maddantinni tou, ana waugu tawe saran paassa i tou maramallu apa apan mapia si ya'u; sidutu apan dal᷊eo.” “Eh, arie pabbisara aroddi!” sasimbakki Yosafat.

1 MARARATU 21:20

Sutempo i Ahab naasilo si Elia, i tou nabbisara, “Ei seetta, panginsueanne i'o naasangkalla si ya'u!” “Atonna,” sasimbakki Elia. “Ana waugu i Tuangnga ringannu na'utulla na'ola'a al᷊al᷊eo su aellegu Mawu,

LUKAS 2:47

Anambon taumata apan naaringikka si Tou naherangnga ana waugu manga sasimbak-Ke apan masiṛṛongnga.

YOHANES 7:1

Wua'udde Mawu Yesus inaite su alawo'u tampa su Galilea. I Tou maddiri mabatukku leta'u Yudea ana waugu manga tembonannu Yahudi poiaroddi pia pandumma mamate si Tou.

YOHANES 7:19

Wal᷊inewe i Musa suete nangonggolu Titan Ruata si yamiu? Arawe su wallatti yamiu tawedu tinumuṛṛutta Tita udde. Anio i yamiu maapulu mamate si Ya'u?”