MARKUS 11:17 - WUKE SUSI WATTI'U AL᷊AL᷊USASSA

¹⁷ Wua'udde Mawu Yesus nangaṛṛa'e manga taumata isudde. I Tou nabbisara, “Sulal᷊ummu Wuke Susi uawoṛṛetta ereindi: Ruata nabbisara, ‘Wal᷊e-U sarun isago wal᷊e tampa pangangal᷊iomanannu al᷊awo'u walahanna.’ Arawe niola'i yamiu sal᷊akku taumata taṛṛa ṛampassa!”

MARKUS 11:17 Referans Kwoze

YESAYA 56:7

“I Ya'u sarun Ta'u iapidda watukku Sion, su wui-U apan susi, wuṛṛu Ta'u onggol᷊annu al᷊al᷊uassa su wal᷊en patataṛṛamawuanna si Ya'u. Manga sasamba apan nionggolli yamiu su mezbah-U sarun Ta'u sengkamanna. Wal᷊e-U sarun isaggo wal᷊en a'al᷊iomanannu anambon walahanna.”

YEREMIA 7:11

Apa i yamiu massunna Wal᷊e-U indi sal᷊akku mallaṛṛampassa?Anambon inolaannu buatte niasiloang-Ku.

LUKAS 19:46

“Sulal᷊ummu Wuke Susi,” wisara Mawu Yesus si mangitou, “uawoṛṛetta arendi: Ruata nabbisara, ‘Wal᷊e'u sarun maola'a wal᷊e tampa a'al᷊iomananna.’ Arawe wal᷊e udde niola'i yamiu sal᷊akku maṛaṛampassa!”

YOHANES 2:16

See i Tou nabbisara su mabawal᷊u'u manu'a merpati, “Pangingkatta wua isindi. Arie Wal᷊en Iamang-Ku maola'a tampam pabawal᷊u'anna!”

HOSEA 12:7

Ana waugu udde, ei i yamiu papapulunni Yakub, pangimante Ruatanu wuṛṛu pabbelengke ringanni Tou. Pabbiakke ringannu napenen darangngu wuṛṛu atatul᷊idda, wuṛṛu paṛṛaddote ringannu sabare ma'oman sara Ruatanu mammanara.

YESAYA 60:7

Ambingnga domba wuassu Kedar niapidda ringannu domba mendangenna wuassu Nebayot nasaddiate su ipattaṛṛamawunu. Sasamba udde ma'al᷊uassa naungngu Mawu i Tou nalloggakka Wal᷊en-Ne apan napenen awawantuga.

MARKUS 11:16

Wuṛṛu tawe saran sangkatou apan iwala Mawu Yesus mangapiddu manga sarannapa sumabbi passalangannu Wal᷊e Mawu udde.

YOHANES 2:14

Su Wal᷊e Mawu su Yerusalem i Tou naaratingnga mabawal᷊u'u sapi, domba, wuṛṛu manga manu'a merpati; wuṛṛu lai manga mananu'addu roitta ua'ianna isudde.