MARKUS 11:12 - WUKE SUSI WATTI'U AL᷊AL᷊USASSA

¹² Su tiṛṛabbine tantal᷊anna i mangitou u'amatta nanantangngu Betania, Mawu Yesus niamal᷊unusanna.

MARKUS 11:12 Referans Kwoze

YOHANES 19:28

Mawu Yesus masingkatta manungku orassa udde sarangkanambone natipusse, wuṛṛu tadea'u apa apan uawoṛṛetta sulal᷊ummu Wuke Susi wotongngete mariaddi, i Tou nabbisara, “I Ya'u marou.”

MATIUS 4:2

Appattu pul᷊o su allone appattu pul᷊o su ṛabbine Mawu Yesus tawe umanna. Wua'udde i Tou naapendampe lunussa.

IBRANI 2:17

Indi atappasanne manungku i Tou ṛinone maola'a uasul᷊unga ringannu manga tuṛṛa-Nge sulal᷊ummu al᷊awo'a. Wuṛṛu ringannu udde i Tou wotongnge maola'a Imam Wahewa apan matuṛṛuta wuṛṛu marangngu. Ringannu manara-Ne udde rosan taumata wotongnge aampunganna.

LUKAS 4:2

Isudde i Tou niwono'annu Setanna appattu pul᷊o allo al᷊annune. Su al᷊o'engngu allo udde, i Tou tawe inumanna manga apa. Nariaddi panginsueanne i Tou naapendamma mal᷊unussa.

MARKUS 11:13

Ro'en marau i Tou naasilote sangkalu alu ara rongnganne masindumunna. Nariaddi Tou inaite ringannu alu ara udde ma'ellega tanne pia buane ara'e tala. Arawe su tempo i Tou na'omate su alu udde, i Tou tawe naasilo apa-apa, tumba'u rongngane sassane, ana waugu tempo udde taambe tempone ara mabbua.

MARKUS 11:20

Tiṛṛabbine rua'allo, su tempo i mangitou sumabbi alu ara udde, i mangitou naasilo alu ara udde naṛṛangute na'oman sara ṛamunne.