MARKUS 10:52 - WUKE SUSI WATTI'U AL᷊AL᷊USASSA

⁵² “Roote,” unnu Mawu Yesus, “Ana waugu i'o mangngimanna si Ya'u, i'o napiate.” Su orassa udde lai taumata wuta udde naasilote. See i tou tinumantalongke Mawu Yesus su lal᷊anna.

MARKUS 10:52 Referans Kwoze

MATIUS 9:22

Orassa udde Mawu Yesus nanaile wuṛṛu naasilo wawine udde see nabbisara si tou, “Paatammuda, ana'u! Ana waugu i'o mangngimanna si Ya'u, i'o mapiate!” Orassa udde lai wawine udde napia.

LUKAS 7:50

Arawe Mawu Yesus nabbisara wawine udde, “Ana waugu i'o mangngimanna si Ya'u, i'o sarun masal᷊amatta. Roote ringannu padarame!”

MARKUS 8:25

Mawu Yesus nangadon lima-Ne apia su matan taumata udde. Paassa indi taumata udde mammata'u matane tadea'u maasilo. Matane napiate wuṛṛu i tou naasilote sarangkanambone ringannu masema-semakka.

MARKUS 5:34

See Mawu Yesus nabbisara wawine udde, “Ana'u, ana waugu i'o mangngimanna si Ya'u, i'o napiate! Roote ringannu asasal᷊amatta. I'o napiate atonna!”

YOHANES 9:32

Ro'en panattaṛṛannu runia taambe niaringiṛṛanna pia taumata ma'apia taumata wuta ro'eniasungkangnga see wotongnge maasilo.

MATIUS 15:28

See Mawu Yesus nabbisara si tou, “Inangnga, matohassa atonna pangangimannu! Ariadite apa apan ipa'apulunu!” Orassa udde lai ana'a wawine udde napia.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

MARKUS 1:31

Ne Mawu Yesus nattudan la'iananni Simon, wuṛṛu namita limane, see nantul᷊ungngi tou niapawangunna. Sal᷊iubbe nawul᷊i wuṛṛu i tou lapiddu nangimbe si mangitou.

MATIUS 21:14

Manga taumata wuta wuṛṛu lome nirumanta ringannu Mawu Yesus su Wal᷊e Mawu, wuṛṛu i Tou napaapia mangitou.

MATIUS 12:22

Wua'udde niapidda ringannu Mawu Yesus sangkatou wuta wuṛṛu mou ana waugu niintaṛṛoannu ghaṛṛaho lal᷊eo. Mawu Yesus napaapian taumata udde na'oman sara i tou naawisarate wuṛṛu naasilote.

YOHANES 9:39

Mawu Yesus nabbisara, “I Ya'u nirumanta su runia indi, makkuungngu taumata; tadea'u taumata wuta wotongnge maasilo, wuṛṛu taumata ma'asilo, maola'a wuta.”

MATIUS 11:5

Taumata wuta naasilo, taumata lome naa'amatta, taumata raddangnge paro napia, taumata wengella naaringikka, taumata nate nabbiakka apia, wuṛṛu Watti'u Al᷊al᷊uassa wuassu Ruata niapasingkatta su manga taumata asiangnga.

YESAYA 35:5

Sutempo udde taumata wuta sarun maasilo, wuṛṛu taumata wengella sarun maaringikka.

DARALO 146:8

wuṛṛu na'ola'a taumata wuta maasilo. I Tou namatunna taumata apan nanawo, wuṛṛu marangngu taumata apan matul᷊idda.

DARALO 33:9

Ana waugu i Tou nakkengetta, ana see sarangkanambone nariaddi; i Tou nanita, ana see sarangkanambone piate.

LUKAS 9:48

See i Tou nabbisara manga mallal᷊aṛṛenggen-Ne, “Taumata apan manarimmattu ana'a indi ana waugu i Ya'u, udde ere lai manarimmatta si Ya'u. Wuṛṛu taumata apan manarimmatti i Ya'u manarimmatti Tou lai apan nandolo-U. Ana waugu taumata apan adio'anne su wallatti yamiu, ete i tou apan ahewal᷊anne!”

MATIUS 8:3

Mawu Yesus namita taumata udde lapiddu nabbisara, “I Ya'u ma'apulu. Apiate!” Orassa udde lai raddangnge nawul᷊i.