MARKUS 10:41 - WUKE SUSI WATTI'U AL᷊AL᷊USASSA

⁴¹ Napawe sire mapul᷊o mallal᷊aṛṛenggennu Mawu Yesus waine udde naaringikka hatto udde, i mangitou nasa'u i Yakobus wuṛṛu i Yohanes.

MARKUS 10:41 Referans Kwoze

FILIPI 2:3

Arie ma'ola'a sambau inolaanna hunane su watangannu sassane, ara'e ipamarabunga. Arawe ṛinone i yamiu sangkatou-sangkatou ringannu masaṛṛionto'a ma'ellega taumata waine mappianne wuassu watangannu sassane.

ROMA 12:10

Ṛinone manga tuṛṛangnga uararangngu sangkatou ringannu waine wuṛṛu uaa'akkanna ere manga taumata apan uasangkatuṛṛangnga sulal᷊ummu amonanna sambau, wuṛṛu ṛinone i yamiu ual᷊al᷊iu ṛoro mangonggolu addatta.

AMSAL 13:10

Atatanggakka tumba'u mandantan pabbawawul᷊o; taumata pande mappulu manengkamma al᷊aṛṛa'a.

YAKOBUS 4:5

Arie massunna manungku Wuke Susi tawe pinangiananne mabbisara, “Sulal᷊ummu wadangi ite Ruata nangaddon Ghaṛṛaho apan matohassa apulune.”

LUKAS 22:24

Su wallattu manga mallal᷊aṛṛenggennu Mawu Yesus nariaddi pattatatiakka su ola'u isai wuassi mangitou apan ṛinone ellehanna lembon ahewal᷊anne.

MATIUS 20:24

Su tempo sire mapul᷊o mallal᷊aṛṛenggen-Ne waine naaringikka hatto udde, i mangitou nasa'u sitarua sangkatuṛṛangnga udde.

MARKUS 10:42

Nariaddi Mawu Yesus namagote si mangitou sarangkanambone, see nabbisara, “I yamiu masingkatta manungku manga piaṛṛa'u walahanna apan tawe maaillal᷊a Ruata, mammaṛṛangnga tumanangnge. Wuṛṛu tembonanni mangitou mannasa'i mangitou.

LUKAS 22:25

Mawu Yesus nabbisara si mangitou, “Manga ratum walahanna apan tawe maaillal᷊a Ruata mannansara tumanangnge, wuṛṛu manga tembonanne isassago ‘Mallal᷊u'adda Tumanangnge’.