MARKUS 10:40 - WUKE SUSI WATTI'U AL᷊AL᷊USASSA

⁴⁰ Arawe su ola'u isai apan uma'ianna su uananna ara'e su aiṛṛi-U, udde wal᷊ine i Ya'u manantunna. Ruata apan manantunna isai-sai sarun uma'ianna sumanga tampa udde.”

MARKUS 10:40 Referans Kwoze

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

MATIUS 20:23

Mawu Yesus nabbisara, “Atonna i yamiu sarun ma'inumma lai wuassu mangko-U udde. Arawe su ola'u isai apan sarun uma'ianna su aiṛṛi wuṛṛu su uanang-Ku udde tawe i Ya'u manantunna. Manga tampa udde, tampa manga taumata apan suete tinantunnu Iamangku.”

IBRANI 11:16

Arawe nasemakke, manungku i mangitou maapulun sambau soa lembon mapia, eteudde Soa su surga. Ana waugu udde Ruata tawe masili amungkangu i mangitou managone Ruata mangitou, ana waugu Ruata suete nanaddia sambau soa si mangitou.

YOHANES 17:24

Iamangnga, i Ya'u maapulu tadea'u i mangitou, apan nionggolu Iamangnga si Ya'u, mangke su sambau su tampa atatanaa'ang-Ku, tadea'u i mangitou maasilo awawantu-U; eteudde awawantuga apan nionggolu Iamangnga si Ya'u, ana waugu Iamangnga marangngu si Ya'u ro'en runia taambe niriaddi.

YOHANES 17:2

Iamangnga suete nangonggolu taṛṛino su Ana'a ipamarenta anambon taumata, tadea'u i Tou mangonggolu wiakka tutune wuṛṛu saran mal᷊annu-l᷊annu su anambon taumata apan nionggolu Iamangnga si Tou.

MATIUS 13:11

Mawu Yesus sinumimbakka, “Ana waugu i yamiu suete nionggol᷊annu al᷊amatta ipani'attu addapingnga su ola'u ereapa Ruata mamarenta, arawe i mangitou tawe nionggol᷊anna.

WATTI'U MANGA RASUL 1:7

Mawu Yesus sinumimbakka, “Iamangku sassane manantunnu allone wuṛṛu tempone. Udde tawe wotongnge asingkatanni yamiu, ana waugu udde apulun Iamangnga.