MARKUS 10:22 - WUKE SUSI WATTI'U AL᷊AL᷊USASSA

²² Naaringikka Mawu Yesus nabbisara aroddi, taumata udde sinumassilla, see nanantangken tampa udde ringannu naungnga massusa ana waugu i tou tumaniten ala.

MARKUS 10:22 Referans Kwoze

LUKAS 12:15

Wua'udde Mawu Yesus nabbisara su anambon taumata isudde, “Paatehamma wuṛṛu paariaga, arie ma'oman sara i yamiu manaṛṛia'u. Ana waugu wiakku taumata tawe uaantimma wuassu pa'a'alane, salaiwe darotongnga uarundu'a.”

2 TIMOTIUS 4:10

ana waugu Demas suete nanantangku ana waugu nandangute runia indi. I tou nanute watukku Tesalonika. Kreskes nabatukken Galatia, wuṛṛu Titus watukku Dalmatia.

EFESUS 5:5

Panutukka paapia-pia: taumata apan pallal᷊agune sussandaga, ara'e tawe matataṛṛino, ara'e wal᷊iu (pallal᷊agu ereudde nassul᷊ungngu lai massubba paal᷊uanna), taumata udde tawe masutta su walahanna apan paparentanni Kristus wuṛṛu Ruata.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

2 KORINTUS 7:10

Ana waugu asasusa ereudde maawal᷊u naungnga apan mandantan asasal᷊amatta. Wuṛṛu taumata tawe sumassilla su olangnge udde. Arawe asasusa apan su lal᷊annu apulun taumata maawawa papate.

LUKAS 18:23

Arawe napawe taumata udde naaringikka wisara aroddi, i tou mangke nasusa ana waugu i tou ala marasai.

MATIUS 19:22

Naaringikka manga wisara udde, taumata umbasanna udde napul᷊ete ringannu naungnga massusa ana waugu i tou taumata tumaniten ala.

MATIUS 13:22

Wualanna apan nanawo su tangngan ahuranganna ṛoaanna, isassumandingnga su taumata apan uararingikka watti'a udde, arawe sussinggawangnga su ola'u wiakki mangitou wuṛṛu maapulu mabbiakka su al᷊al᷊uassa. Ana waugu udde watti'a wuassu Ruata nawul᷊i wuassu naungngi mangitou na'oman sara tawe buane.

MARKUS 6:26

Naaringikka darorongnga udde, i Herodes mangke nasusa. Arawe i tou tawe mapanol᷊a'u darorongnga udde, ana waugu i tou suete nassalu su pattangngannu manga rahone.

MATIUS 27:3

Napawe i Yudas mandal᷊al᷊eo udde naasilo manungku Mawu Yesus suete nianggil᷊annu ṛuumanna, i tou sinumassille. See i tou nangul᷊eten doitta tallum pul᷊o roitta sal᷊a'a udde su manga imam tembonanne wuṛṛu piaṛṛa'u Yahudi.

MARKUS 6:20

Ana waugu i Herodes suete nandolokku taumata niapariaga mapia-pia asasal᷊amatti Yohanes su tuttupanna, ana waugu i tou matta'utti Yohanes. I tou masingkatta manungku i Yohanes sangkatou taumata mapia apan suete nirolokku Ruata. Wuṛṛu atonna amungkangngu i Yohanes mabbisara, i Herodes mal᷊utu madaringikka si tou, salaiwe i tou sussinggawangnga atonna ana waugu Yohanes.

MARKUS 10:21

Mawu Yesus nanaile taumata udde ringannu aakkanna see nabbisara, “Ete inolaanna sambau lai apan sarun olaannu. Roote wal᷊ua'a anambon darotongngu; onggol᷊a'e roinne su taumata asiangnga, wuṛṛu i'o sarun maasomba darotongnga su surga. Wua'udde rantate ṛundingante si Ya'u.”

MARKUS 10:23

Ne Mawu Yesus nanutudde mallal᷊aṛṛenggen-Ne see nabbisara si mangitou, “Masahadda atonna taumata ala maola'a lal᷊oṛṛo n araratuannu Ruata!”