MARKUS 10:18 - WUKE SUSI WATTI'U AL᷊AL᷊USASSA

¹⁸ “Anio i'o mabbisara i Ya'u mapia?” aiwal᷊o Mawu Yesus. “Tawedu apan mapia, tumba'u Ruata sassane.

MARKUS 10:18 Referans Kwoze

LUKAS 18:19

“Anio i'o nabbisara i Ya'u mapia?” unnu Mawu Yesus. “Tawedu apa apan mapia tumba'u Ruata sassane.

MATIUS 19:17

Mawu Yesus sinumimbakka, “Anio i'o naiwal᷊o si Ya'u su ola'u apa apan mapia? Tumba'u pia sambau apan mapia. Amungkangngu i'o ma'apulu mabiakka, i'o sarun tuttuṛṛutta al᷊awo'u parentan Ruata.”

1 YOHANES 4:16

I ite sassane masingkata wuṛṛu mangngimanna darangngun Duata si ite. Ruata udde marangngu. Taumata apan wiakke paparentannu darangngu, taumata udde uaaukka ringannu Ruata, wuṛṛu Ruata uaaukka ringanni tou.

1 SAMUEL 2:2

Taweddu apan susi ere Mawu! Tumba'u i Tou apan wotongnge manillumma.

ROMA 3:12

Anambon taumata nangindauten watanganne wuassu Ruata; sarangkanambone nial᷊iwunete. Tawe saran sangkatou apan ma'ola'a apapia; saran sangkatou tawe!

1 YOHANES 4:8

Taumata apan tawe umakkana, tawe maailal᷊a Ruata; ana waugu Ruata udde maakkana.

YAKOBUS 1:17

Suapan aonggola apan mapia wuṛṛu lal᷊antake apan nasuungnga darantane wuassu surga, nisossoku Ruata, Mandariaddi al᷊awo'u asasemakka su langitta. I Tou Ruata apan tawe mawal᷊u, wuṛṛu tawe lai mapaarantan ararandumma.

DARALO 119:68

Ana waugu I'o mapia wuṛṛu na'ola'a apapia, i ya'u aṛṛa'ewen manga tita-Nu.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

DARALO 145:9

I Tou masaṛṛionto'a su al᷊awo'u taumata, wuṛṛu marangngu anambon inariaddian-Ne.

MARKUS 10:17

Napawe Mawu Yesus nanassute lai amatanni mangitou, nirumantate sangkatou tuttatal᷊angnga inai ringannu Mawu Yesus. Taumata udde inumal᷊intuda su saruannu Mawu Yesus wuṛṛu naiwal᷊o, “Huru apan mapia, ya'u ma'ola'a apa tadea'u wotongnge maasomba pabbawiakka tutune wuṛṛu saran mal᷊annu-l᷊annu?”

MARKUS 10:19

I'o masingkatte manga parenta Ruata, ‘Arie pamate, arie passandaga, arie panna'o, arie mattiala awusu, arie pallinga, pangaddatta iamangngu wuṛṛu inangngu.’ ”