MARKUS 10:14 - WUKE SUSI WATTI'U AL᷊AL᷊USASSA

¹⁴ Naasilo olangnge udde Mawu Yesus namul᷊o see i Tou nabbisara mallal᷊aṛṛenggen-Ne, “Wala'e al᷊aṛṛana'a udde rumanta ringang-Ku! Arie passingara'a i mangitou, ana waugu ete taumata ereindi maola'a lal᷊oṛṛon araratuannu Ruata.

MARKUS 10:14 Referans Kwoze

MATIUS 19:14

Ne Mawu Yesus nabbisarate su mallal᷊aṛṛenggen-Ne, “Wala'e manga al᷊aṛṛana'a udde rumanta ringang-Ku! Arie maningaddi mangitou, ana waugu manga taumata ere i mangitou indi apan maola'a lal᷊oṛṛon araratuannu Ruata.”

MATIUS 18:10

“Paatehamma! Arie pangaddio'a sangkatou wuassu wallattu taumata maraddio'a indi. Ana waugu naunge, manga mala'ekatti mangitou sidutu su saruannu Iamangku su surga. [

MATIUS 18:4

Taumata apan mappaawawon dirine wuṛṛu maola'a ere ana'a addio'a indi, ete i tou ahewal᷊anne su wallattu lal᷊oṛṛon araratuannu Ruata.

1 PETRUS 2:2

Ṛinone i yamiu maola'a ere ana'a wakku niasungkanga, sidutu maroun susu ghaṛṛaho apan waresi. Ringannu aroddi yamiu sarun tumuwo wuṛṛu iapaasal᷊amatta.

2 TIMOTIUS 3:15

I'o ṛinone mannaungnga manungku ro'en ta'e dario'a i'o masingkaten Wuke Susi. Wuke Susi udde wotongnge mangonggolu pasasunna si'o tadea'u maasomba asasal᷊amatta sulal᷊ummu pangangimanna si Kristus Yesus.

SONDAPPA 14:5

Tawe saran paassa i mangitou mangawusu; wuṛṛu i mangitou tawe anggone saran adio'a.

2 TIMOTIUS 1:5

I ya'u maanaungnga pangangimannu apan atonna-tonna si Kristus, ere lai pangangimanni iupungngu Lois wuṛṛu inangngu Eunike. Wuṛṛu i ya'u mangantimma i'o lai pia pangangimanna ereudde.

EFESUS 4:26

Amungkangu i yamiu masa'u, arie mamalan asasa'unu udde maarosa si yamiu. Arie masa'u su al᷊o'engngu allo,

1 KORINTUS 14:20

Manga tuṛṛangnga! Arie paṛṛingidda ere al᷊aṛṛana'a. Sulal᷊ummu al᷊al᷊eo, ṛinone i yamiu uatatana'a ere ana'a maradio'a. Arawe sulal᷊ummu paṛṛaṛṛingidda, ṛinone i yamiu maola'a taumata apan timmaddete.

1 KORINTUS 7:14

Ana waugu awingnge esakka apan tawe mangngimanna iwal᷊i maola'a reengannu al᷊aṛṛana'u Ruata ana waugu i tou naawingngu wawine apan suete naola'a pussa'an Ruata. Aroddi lai wawine apan tawe mangngimanna, iwal᷊i maola'a pussa'an Duata ana waugu i tou naawingngu wawine apan suete naola'a pussa'a Ruata. Amungkangngu tawe aroddi, al᷊aṛṛana'i mangitou uatatana'a al᷊aṛṛana'u apekka, sumbal᷊i manga al᷊aṛṛana'a udde nireengnga maola'a al᷊aṛṛana'u Ruata.

ROMA 11:28

Ana waugu taumatan Yahudi maddiri manengkamma Watti'u Al᷊al᷊uassa wuassu Ruata, ne i mangitou naola'a seettu Ruata; wuṛṛu udde maola'a auntungannu manga tuṛṛangnga apan wal᷊ine Yahudi. Arawe ana waugu buatte nipilen, ne manga taumatan Yahudi sidutu raddanguannu Ruata ana waugu iupungngu al᷊amona mangitou.

ROMA 11:16

Amungkangngu roti sampaddi apan paarorone buatte nionggola su Ruata, udde atappasanne rotine sarangkanambone udde nionggola su Ruata lai. Wuṛṛu amungkangngu ṛamuttu alu udde lai pussa'an Duata udde atappasanne manga rannane lai pussaa-Ne.

WATTI'U MANGA RASUL 3:25

Manga pa'airen Ruata apan niapaasingkattu manga nabi, eteudde huna manga tuṛṛangnga. Sulal᷊ummu pa'aire apan niola'u Ruata su iupungngu al᷊amonanu, Ruata nabbisara si Abraham arendi, ‘Wuassu papapulunnu, i Ya'u sarun mangal᷊amatta al᷊awo'u taumata su runia.’ Pa'aire udde hunane si yamiu lai.

WATTI'U MANGA RASUL 2:39

Ana waugu pa'airen Ruata udde maola'a wageangngu wuṛṛu papapulunnu see manga taumata apan uatana'a su tampa apan marau – eteudde anambon taumata apan niwagoannu Ruata rumanta ringanni Tou.”

MARKUS 8:33

Arawe Mawu Yesus nanaile wuṛṛu na'ellega mallal᷊aṛṛenggen-Ne wuṛṛu nanagu si Petrus, “Roote wua isindi, Wawono'a! Ṛingiṛṛannu udde ṛingiṛṛannu taumata; wal᷊ine ṛingiṛṛannu Ruata!”

MARKUS 3:5

Ringannu nasa'u Mawu Yesus na'ellega taumata apan uapal᷊iwutta si Tou, arawe i Tou nasusa lai, ana waugu i mangitou tumanite maattikka puane. See i Tou nabbisara taumata udde, “Ul᷊uṛṛa'e limanu.” Taumata udde nangul᷊ukken limane see limane udde napiate.

YESAYA 65:23

Sarangkanambone apan a'olaanni mangitou sarun mahessi, wuṛṛu al᷊aṛṛana'i mangitou tawe aṛṛombanganne mate. I mangitou wuṛṛu papapulunni mangitou sarun Ta'u al᷊amatanna saran mal᷊annu-l᷊annu.

DARALO 78:4

I yami maddiri mangaddapingu watti'a udde su manga ana'i yami; i yami mappulu mamasingkatta su pallal᷊awanna manansunna su ola'u taṛṛinon Mawu wuṛṛu manga manara-Ne apan wahewalla, see lai manga inolaan-Ne apan maatiangnga.

TAHIUL᷊E 4:37

Ana waugu i Tou mandangngu al᷊amonanu, ne i Tou buatte namile si yamiu; ringannu taṛṛino-Ne apan wahewalla i yamiu buatte niapiddi Tou sinumabbangnga wuassu Mesir.

REENGANNA 14:31

I yamiu buatte nabbisara manungku manga anangngu sarun sametanna. Arawe ete i mangitou apan sarun Ta'u iapidda watukku wanua apan ipaddiri udde, wuṛṛu wanua udde sarun maola'a leta'i mangitou.

PANDARIADDI 17:7

I Ya'u sarun manipussa paaire-U si'o wuṛṛu su papapulunnu, uasasansunna, wuṛṛu paaire udde tawe panguddusanne. I Ya'u sarun maola'a Ruatanu wuṛṛu Ruatan papapulunnu.

1 SAMUEL 1:22

Arawe paassa indi i Hana tawe tinumantalongnga. I tou nabbisara awingnge, “Napawe nangaddoten pasasusu, i Samuel sarun ta'u iuntudda su Wal᷊en Mawu, wuṛṛu i tou sarun matana'a poiaroddi sarangkal᷊o'enge.”

1 SAMUEL 1:11

Wua'udde i Hana nabbisara pa'aire, wisarane, “Mawu Apan Lembontaṛṛino, tannoi'o allangngu indi! Ellehete asasusan allangngu. Naungete allangngu wuṛṛu arie maabul᷊in allangngu! Amungkangu I'o mangonggolu sangkatou ana'a esakka, allangngu maddiandi i tou sarun ionggolla Si'o su al᷊o'engngu pabbiaṛṛanne. Allangngu maddiandi lai manungku utangnge sarun tawe pol᷊oanna.”

MATIUS 5:3

“Lal᷊umanna'a su taumata apan uapendamma tawe atatohassa wuṛṛu tumba'u uaantimma Mawu sassane; ete i mangitou udde lal᷊oṛṛon araratuannu Ruata!

MATIUS 5:10

Lal᷊umanna'a su taumata apan uatataṛṛangnga sassansaranna ana waugu ma'ola'a apulun Ruata; ete i mangitou udde lal᷊oṛṛon araratuannu Ruata!

YOHANES 3:3

Mawu Yesus sinumimbakka, “Pangimante, tawe saran sangkatou apan botongnge maola'a lal᷊oṛṛon araratuannu Ruata, amungkangngu i tou tawe iasungkangnga apia.”

YOHANES 3:5

Mawu Yesus sinumimbakka, “Atonna-tonna wisara'U indi: amungkangngu taumata tawe iasungkangnga wuassu ua'e wuṛṛu Ghaṛṛahon Ruata, taumata udde tawe mawal᷊i su reengannu walahannu Ruata.

YOSUA 8:35

Al᷊awo'u parenta Musa niwasan i Yosua su anambon taumatan Israel apan uasemodda isudde; nasutta wawine, al᷊aṛṛana'a wuṛṛu manga taumata raho apan uatana'a ringanni mangitou.