MARKUS 1:35 - WUKE SUSI WATTI'U AL᷊AL᷊USASSA

³⁵ Rua'allone, su tempo ta'e maṛṛanggapa atonna, Mawu Yesus nabangunte see nanantangken bal᷊e. I Tou inaite su tampa apan mal᷊annaba su liuddu soa, wuṛṛu inumal᷊iomante poiaroddi.

MARKUS 1:35 Referans Kwoze

LUKAS 6:12

Su tempo udde Mawu Yesus sinuma'ate su sambau wuidda ana see inumal᷊iomanna. Isudde i Tou inumal᷊iomanna su Ruata su al᷊o'engngu ṛabbi.

EFESUS 6:18

Ola'e sarangkanambone udde, lapiddu u'al᷊iomanna maddorongnga tul᷊ungannu Duata. Su al᷊o'engngu tempo, aal᷊iomante su ereapa Ghaṛṛahon Duata ua'ehetta si yamiu. Ṛinone i yamiu sidutu uatehamma wuṛṛu arie i yamiu mangillol᷊o. Aal᷊iomante sidutu hunan anambon al᷊aṛṛana'u Ruata.

LUKAS 5:16

Wua'udde Mawu Yesus inaite inumal᷊iomanna su tampa apan mal᷊annaba.

DARALO 5:3

Daringiṛewe sasal᷊ande'u wuṛṛu ontol᷊ewe i ya'u, oh Ratu'u wuṛṛu Ruata'u.

IBRANI 5:7

Su tempo Mawu Yesus mabbiakka su runia indi, i Tou u'al᷊iomanna wuṛṛu sussal᷊ande ringannu u'ui wuṛṛu lulluai su Ruata, apan botongnge manal᷊amatta si Tou wuassu papate. Wuṛṛu ana waugu i Tou matuṛṛuta Ruata ringannu napeneng addatta, ne i Tou niraringiṛṛana.

YOHANES 6:15

Mawu Yesus masingkatte i mangitou nirumanta tuddane mamata'i Tou maola'a ratu mangitou. Ana waugu udde i Tou inaite nassal᷊iu watukku wageangnge pia wuidda.

MATIUS 14:23

Napawe taumata nambo udde napul᷊ete, Mawu Yesus sinuma'a su sambau wuidda sassane ana umal᷊iomanna. Allo ṛabbite arawe Mawu Yesus ta'e isudde sassane.

FILIPI 2:5

Ṛinone i yamiu pia apendamma ere Yesus Kristus:

YOHANES 4:34

See Mawu Yesus nabbisara, “Angku eteudde tuttuṛṛutta apulun Tou apan nadolo-U, wuṛṛu mangnginsue manara apan tinantilli Tou si Ya'u.

DARALO 109:4

I mangitou mangngasilla si ya'u, salaiwe i ya'u marangngu si mangitou, wuṛṛu buatte niumal᷊iomanni mangitou.

MATIUS 14:13

Su tempo Mawu Yesus naaringikka watti'a udde, i Tou sinuma'ete saalanna sassane wuṛṛu nanantangken tampa udde, see inaite su sambau tampa apan mal᷊annaba. Arawe su tempo manga taumata naaringikka olangnge udde, i mangitou nanantangngu manga soa mangitou inaite nanantuṛṛutta Mawu Yesus inumamattu ammaranne.

MARKUS 1:36

Arawe i Simon wuṛṛu manga ringanne inai nadea'a si Tou.