MARKUS 1:24 - WUKE SUSI WATTI'U AL᷊AL᷊USASSA

²⁴ “Ei Yesus, taumata Nazaret, I'o maapulu ma'ola'a apa ringanni i yami? I'o rumanta mamate si yami? I ya'u masingkatta isai I'o: Ete I'o ralol᷊oṛṛanna apan na'ukkassa wuassu Ruata!”

MARKUS 1:24 Referans Kwoze

MATIUS 8:29

I mangitou sinumabangnga wuassu manga liangngu lal᷊abinganna wuṛṛu mangngintul᷊i, “Ana'u Ruata sarun olaannu ereapa i yami? Apa I'o mappulute mannansara si yami salaiwe taambe tempone?”

YAKOBUS 2:19

I yamiu mangngimanna manungku Ruata tumba'u sambau, are? Ne manga ghaṛṛaho lal᷊eo lai mangngimanna wuṛṛu i mangitou mangngindon katata'utta!

LUKAS 4:34

“Ei Mawu Yesus, taumata Nazaret, apa olaannu si yami? I'o rumanta mamate si yami? I ya'u masingkatta isai I'o: I'o ralol᷊oṛṛannu Ruata apan susi!”

WATTI'U MANGA RASUL 3:14

I tou na'ukkassa wuṛṛu mapia, arawe i yamiu mannal᷊are wuṛṛu mammata'a tadea'u i Pilatus mamallossu sangkatou taṛṛa pate si yamiu.

SONDAPPA 3:7

“Su mala'ekattu jamaatta su Filadelfia, woṛṛetta'a arendi: Ete indi tanata wuassi Tou apan susi wuṛṛu tutune. Ete i Tou uaaggasa a'unsi apan tatahuananni Daud; amungkangu i Tou mamu'a, tawe saran sangkatou wotongnge maaṛṛu'uda, wuṛṛu amungkangu i Tou maṛṛuuda, tawe saran sangkatou wotongnge maawu'a.

WATTI'U MANGA RASUL 2:27

Ana waugu I'o tawe namala ṛimuu'u matantangnga su runian taumata nate. I'o tawe mamalan allang-Ngu apan matuṛṛutta indi maṛṛimunsa'a wuṛṛu masue.

LUKAS 8:28

Napawe naasilo Mawu Yesus, i tou nangintul᷊i see inumal᷊intuda su saruannu Mawu Yesus wuṛṛu nabbisara, “Mawu Yesus, Ana'u Ruata Apan Atanggaṛṛanne! Sarun olaannu ereapa i ya'u indi? I ya'u sumal᷊ande ariewe manansara si ya'u!”

MARKUS 5:7

Ringannu tingikka apan ma'ikkatta i tou inumui, “Yesus, Ana'u Ruata Apan Atanggaṛṛanne! Sarun urannu i ya'u indi? Ringannu arannu Ruata i ya'u sumal᷊ande, arie panansara si ya'u!” (

DARALO 16:10

Ana waugu I'o tawe namala'u mate; taumata apan arangnguan-Nu tawe niwala-Nu mate.

YOHANES 6:69

I yami mangngimante wuṛṛu naatutukke manungku ete Mawu darol᷊oṛṛanna apan naukkassa wuassu Ruata.”

LUKAS 1:35

Mala'ekatta udde sinumimbakka, “Ghaṛṛahon Ruata sarun rumanta si'o, wuṛṛu taṛṛinon Ruata sarun mangintaṛṛo si'o. Ana waugu udde ana'a apan sarun iunsiwenu udde sarun isago Naukkassa, Ana'u Ruata.

WATTI'U MANGA RASUL 24:5

Niasombanganni yami taumata indi mangangal᷊iba'ukka apan maasilaka. Su al᷊awo'u tampa i tou ma'ola'a hio su wallattu manga taumatan Yahudi wuṛṛu i tou naola'a piaṛṛa'u pandumannu manga taumata Nazaret.

WATTI'U MANGA RASUL 4:27

Ana waugu i Herodes wuṛṛu i Pontius Pilatus suete na'ola'a ammula ringannu manga taumata apan tawe ma'aillal᷊a Mawu wuṛṛu ringannu taumatan Israel su soa indi. I mangitou ma'amulla lumawangnga Mawu Yesus allang-Ngu apan na'ukkassa udde, apan suete nitene-Gu maola'a Ratum Punnu Sal᷊amatta.

LUKAS 24:19

“Watti'a apa?” aiwal᷊o Mawu Yesus. “Watti'a apan naṛṛia'a su Mawu Yesus, taumata Nazaret udde,” sasimbakki mangitou. “I Tou sangkatou nabi. Manga wisara-Ne wuṛṛu manga manara-Ne pia taṛṛinone – mapia su aellegu Ruata aroddi lai su aellegu awada'alla!

MATIUS 2:23

Isudde i tou natana'a su soa aranne Nazaret. Ringannu aroddi nariaddite apa apan niwatti'u manga nabi su ola'u Ana'a udde: “I tou sarun isaggo taumata Nazaret.”

LUKAS 8:37

See anambon tumana'u leta'u Gerasa udde sinumal᷊ande Mawu Yesus tadea'u i Tou manantangngu tampa udde, ana waugu i mangitou nambo matta'utta. Nariaddi Mawu Yesus sinuma'ete saalanna inaite mapul᷊e.

SASABANGNGA 14:12

Dorone su Mesir buatte niwal᷊on kami manungku olangnge udde sarun mariaddi! Yami buatte nabbal᷊o si'o tadea'u arie manal᷊asa'i yami, arawe mamalan kami sidutu maola'a allangnga su Mesir. Mappianne maola'a allangnga poiaroddi sul᷊ungnge'e mate su wadda'a indi!”

DANIEL 9:24

Pitu ikali pitun pul᷊o su tonnane eteudde tempo apan nitantunnu Ruata ipamallossu walahannu wuṛṛu soanu apan susi udde wuassu rosa wuṛṛu al᷊el᷊eo. Al᷊awo'u rosa sarun ampunganna wuṛṛu atatul᷊idda apan saran mal᷊annu-l᷊annu sarun iaparisikka, na'oman sara sondappa wuṛṛu ramalanna udde sarun asingkatanna, wuṛṛu Wal᷊en Mawu apan susi udde sarun pattaṛṛamawuanna apia su Mawu.

MARKUS 1:23

Su tempo udde sangkatou apan niasuttannu ghaṛṛaho lal᷊eo sinumutta sulal᷊ummu wal᷊em pattataṛṛamawuanna wuṛṛu u'ui.

MARKUS 1:25

“Paal᷊annaba!” Mawu Yesus nandona ghaṛṛaho udde, “Sabbangke wuassu taumata indi!”

MARKUS 10:47

Napawe i tou naaringikka manungku taumata sinumabbi udde Mawu Yesus taumata Nazaret, i tou nangngintul᷊i, “Mawu Yesus Ana'i Daud! Akkanaawe i ya'u!”

MARKUS 14:67

Napawe naasilo si Petrus manningikka maranim putungnga, i tou nanutukka mapia-pia hatim Petrus wuṛṛu nabbisara, “Wal᷊inewe i'o lai su sambau ringannu Mawu Yesus taumata Nazaret udde?”

MARKUS 16:6

Taumata umbasanna udde nabbisara, “Arie pa'ata'utta! I ya'u masingkatta i yamiu maddea'a Mawu Yesus taumata Nazaret apan suete niarussa. I Tou tate baddia isindi. I Tou nabangunte! Pa'ellega, indi tampane, i mangitou napal᷊allowangngi Tou.

1 YOHANES 2:20

Arawe i yamiu suete nanengkamma Ghaṛṛahon Duata apan niwobboki Yesus Kristus wuṛṛu ana waugu udde i yamiu sarangkanambone maaillal᷊a al᷊aṛṛa'a apan naṛṛino udde.