MARKUS 1:21 - WUKE SUSI WATTI'U AL᷊AL᷊USASSA

²¹ Mawu Yesus wuṛṛu manga mallal᷊aṛṛenggen-Ne na'omate su soa Kapernaum. Su allon Sabatta manansunna, Mawu Yesus sinumutta su wal᷊em pattataṛṛamawuanna wuṛṛu nanattakke mangngaṛṛa'a.

MARKUS 1:21 Referans Kwoze

MARKUS 6:2

Su allon Sabatta i Tou nanattakke mangngaṛṛa'a su wal᷊em pattataṛṛamawuanna. Manambo taumata isudde. Su tempo manga taumata udde naaringikka al᷊aṛṛa'u Mawu Yesus, i mangitou mangke naherangnga. I mangitou nabbisara, “Wuassuapa taumata indi naasomba sarangkanambone udde? Apande ereapa indi si Tou? Ereapa i Tou wotongnge ma'ola'a al᷊aṛṛindu'a?

MARKUS 1:39

Ana waugu udde Mawu Yesus inaite su al᷊awo'u tampa su ahewallu Galilea, wuṛṛu mannase su manga wal᷊em pattataṛṛamawuanna, see mallimbuakka manga ghaṛṛaho lal᷊eo.

MATIUS 4:23

Su Galilea, Mawu Yesus namal᷊iwutte ahewallu wanua wuṛṛu mangngaṛṛa'a su anambon bal᷊em pattataṛṛamawuanna. I Tou mabbatti'u Watti'u Al᷊al᷊uassa manungku Ruata sarun mamarenta. Wuṛṛu i Tou lai mapaapian manga taumata apan maradda'a wuṛṛu pia sangkulle.

WATTI'U MANGA RASUL 17:2

Ne i Paulus inaite watukku wal᷊em pattataṛṛamawuanna udde – ere su anaramme amungkangngu pia wal᷊em pattataṛṛamawuannu taumatan Yahudi – see maṛṛingidda su sambau ringannu manga taumata isudde su ola'u tatialan Wuke Susi. I tou na'ola'a udde pa'atallu allon Sabatta ualal᷊intuṛṛutta.

WATTI'U MANGA RASUL 18:4

Arawe suapan allon Sabatta, i Paulus inaite uahahatto su wal᷊em pattataṛṛamawuanna tadea'u manga taumatan Yahudi aroddi lai manga taumatan Yunani mangngimanna Mawu Yesus.

MATIUS 4:13

I Tou nanantangke Nazaret, see natana'e su Kapernaum su winggin Ranon Galilea su wageangngu leta'u Zebulon wuṛṛu Naftali.

LUKAS 13:10

Su sambau allon Sabatta, Mawu Yesus mangngaṛṛa'a su wal᷊em pattataṛṛamawuanna.

LUKAS 10:15

Wuṛṛu i yamiu Kapernaum! I yamiu maṛṛingidda manungku i yamiu sarun itanggakka ma'oman sara surga? Tawe! Ewe'e i yamiu sarun iramme su naraka!”

LUKAS 4:16

Mawu Yesus inaite lai watukku Nazaret, su wanua inahewal᷊anni Tou. Su allon Sabatta, ere su wiasane i Tou inai su wal᷊em pattataṛṛamawuanna. I Tou dirumarisikka mabbasan Wuke Susi,

MARKUS 10:1

Wua'udde Mawu Yesus nanantangken tampa udde, wuṛṛu inaite su wageangngu leta'u Yudea wuṛṛu su wageangngu leta'u samba'an Sal᷊ukku Yordan. Taumata manambonirumanta apia maṛṛimpulunna mammal᷊iwutta Mawu Yesus. Wuṛṛu ere wiasane Mawu Yesus mangngaṛṛa'a si mangitou.

MARKUS 2:1

Manga pira allo wua'udde, Mawu Yesus nabelengke su Kapernaum. Ne tinumelengke watti'a manungku i Tou tantal᷊anna su wal᷊e.

MARKUS 1:20

Mawu Yesus lapiddu namago sitarua. Ne itarua nanantangken iamangngi mangitou sulal᷊ummu saalanna ringannu manga taumatan sewa mangitou. See itarua inaite tinumantalongnga Mawu Yesus.

MARKUS 1:29

Mawu Yesus wuṛṛu manga mallal᷊aṛṛenggen-Ne nanantangken bal᷊em pattataṛṛamawuanna udde, wuṛṛu inaite su wal᷊en Simon wuṛṛu i Andreas. I Yakobus wuṛṛu i Yohanes inai lai su sampunna ringanni mangitou.

MARKUS 1:33

Anambon lal᷊oṛṛon soa udde uaṛṛimpulunna su passalangannu wal᷊e udde.

MARKUS 3:1

Mawu Yesus nabelengke apia su wal᷊em pattataṛṛamawuanna. Isudde pia sangkatou taumata limane lome samba'a.

LUKAS 4:23

Ne Mawu Yesus nabbisara si mangitou, “Atonna i yamiu sarun mappaattu sasumandingnga indi si Ya'u, ‘Doktere, paapia'a ririnu sassane. Al᷊aṛṛindu'a apan niaṛṛingiṛṛanni yami niolang-Ngu su Kapernaum, ola'a lai su ampungngu sassane.’ ”