MANNANASE 9:11 - WUKE SUSI WATTI'U AL᷊AL᷊USASSA

¹¹ Su runia indi piaddu lai apan ta'u niasiloanna: patatalumma tawe sidutu asombangannu tumatal᷊angnga mal᷊ihakka, pangalo tawe sidutu auntungannu taumata apan matohassa. Taumata pande tawe sidutu maasomba manarane. Taumata masiṛṛungnga tawe sidutu maasomba paa'ala. Wuṛṛu lai manga mapapande tawe sidutu tumelengnga. Ana waugu suapan taumata wotongnge aṛṛiaannu pal᷊addu pabbiaṛṛanna lal᷊eo.

MANNANASE 9:11 Referans Kwoze

YEREMIA 9:23

Mawu nabbisara, “Taumata pande imbaṛṛangnga lumuassa ana waugu apapandene, taumata matohassa ana waugu atatohanne, wuṛṛu taumata ala ana waugu pa'aalane.

MANNANASE 3:17

I ya'u naṛṛingidda, Ruata sarun makkungngu taumata apan mapia ara'e lai taumata lal᷊eo, ana waugu suapan inolaanna wuṛṛu suapan manara sarun mariaddi sutempo apan buatte nitantunna Ruata.

MANNANASE 3:14

I ya'u masingkatta manungku al᷊awo'u manaran Duata siditu sarun mal᷊annu-l᷊annu. Taumata tawe maatamba ara'e maahaingnga. Wuṛṛu mammanara aroddi tadea'u i ite mata'utti Tou.

EFESUS 1:11

Ruata mammanara al᷊awo'a tumuṛṛuttu apulu-Ne wuṛṛu ṛaṛṛawen-Ne sassane. Ro'en paarorone i Tou buatte namile si ite, ana waugu i Tou maapulu tadea'u i ite maola'a al᷊aṛṛanang-Nge ana waugu uaaukka ringanni Kristus.

2 TAWARIKH 20:15

ne i tou nabbisara, “Tuangnga Apan Mawantuga see lai manga tuṛṛangnga sarangkanambone. Mawu nabbisara manungku i yamiu tawe wotongnge mallome ara'e mata'utta sumaruanna tantara apan manambo udde. Ana waugu apan mapapangalo wal᷊inewe i yamiu, ewe'e Ruata.

TAHIUL᷊E 8:18

Naunge manungku tumba'u Mawu Ruatanu apan mangonggolu paa'ala udde si yamiu. Olangnge udde niola'i Tou ana waugu na'oman sara allo indi i Tou ta'e uaagassa su pa'aire apan niolangnge-Nge ringannu iupungngu al᷊amonanu.

MANNANASE 4:4

I ya'u masingkatta lai manungku taumata mammanara aroddi asahadde, tumba'u ana waugu naungnge lal᷊eo maasilo hessin manaran al᷊indonganne. Sarangkanambone udde atonna tawe gunane ere manara mangngenggenna anginna.

YEREMIA 46:6

Iapa matikko'a tawe naatal᷊angngu watanganne, wuṛṛu iapa matohassa tawe naal᷊iu wuassu seetta. I mangitou natara wuṛṛu nanawo su sawannakka, su wiwikku Sal᷊ukku Efrat udde.

MANNANASE 7:13

Panutukke manaran Duata. Isai apan wotongnge manul᷊idda apa apan niwengkollu Ruata?

MANNANASE 4:1

Wua'udde nanutukka lai al᷊awo'u awawengkolla apan nariaddi su runia indi. Manga taumata apan niallangnga lulluai wuṛṛu taweddu apan apan mappulu mangontolla si mangitou. Tawe saran sangkatou apan mappulu massumbala, ana waugu manga mangangallangnga udde uatahuanna taṛṛino apan wahewalla.

MANNANASE 2:12

Salaiwe ereapa olangnge sangkatou ratu tumba'u wotongnge mammanara ere manara apan buatte niola'u ratu apan naṛṛo wuassi tou. Ana see i ya'u mannattakke maṛṛingidda: apa atappassanne maola'a pande ara'e longonna ara'e woddo?

AYUB 34:29

Napawe Ruata makkawessa mangke mal᷊annabba, taweddu saran sangkatou apan waṛṛani mapasal᷊a-Ne. Amungkangngu i Tou namunin hati-Ne, tawe saran sangkatou apan maasangkalla si Tou.

2 SAMUEL 17:14

Naaringikka udde i Absalom wuṛṛu anambon taumatan Israel nabbisara, “Tatantiron Husai mappianne wuassu tatantiron Ahitofel.” Atonna, Mawu buatte nangatokka tadea'u ipanal᷊are tatantiron Ahitofel apan mapia udde, tadea'u i Absalom aṛṛiaannu asasusa apan bahewalla.

MALEAKHI 3:18

Uma-U sarun maasilo apia ereapa paṛṛalane pal᷊addu taumata mapia wuṛṛu taumata lal᷊eo, suwallattu taumata apan mattaṛṛamawu si Ya'u wuṛṛu tawe.”

1 SAMUEL 17:50

I Daud tinumal᷊angnga nattuddan Goliat, ana see dirumarisikka maranine; i tou nanganu hal᷊elen Goliat wuṛṛu nisawutta wuassu papaṛanganne, ana see niṛṛassi'a puan taumatan Filistin udde. Etearoddi olangnge i Daud namaddo wuṛṛu namate si Goliat, tumba'u ringannu ali-ali wuṛṛu watu! Napawe manga taumatan Filistin naasilo manungku atumannaṛṛanni mangitou natete, i mangitou tinumal᷊angnga.

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

2 SAMUEL 17:23

Napawe i Ahitofel naasunna manungku tatantirone tawe niraringiṛṛanna, i tou nandiahite keledaine wuṛṛu napul᷊ete watukku soane sassane. Napawe manarane nuddusse i tou nattingka'elen batanganne, ana see nilabbingke su labbingngu walahanne.

TAHIUL᷊E 8:17

Nariaddi, arie saran paassa i yamiu maṛṛingidda manungku ringannu apulu wuṛṛu atatohannu sassane i yamiu wotongnge mabbal᷊i ala.

1 SAMUEL 6:9

Paatutuṛṛe lal᷊anne; amungkangu Wantallu Pa'aire udde niapidda watukku wanuane sassane, eteudde soa Bet-Semes, udde atappasanne manungku ete Ruatan taumatan Israel apan buatte nadantan asasilaka apan bahewalla indi si ite. Arawe amungkangu roda udde tawe mattuddan tampa udde, i ite sarun maasingkatta manungku asasilaka udde wal᷊ine wuassu Ruatan Israel, ewe'e etearoddi nariaddite.”

DARALO 76:5

Mangke mawantuga I'o, wuṛṛu lullansianga, nangillembo wuassu manga wowonen al᷊amona.

AMSAL 1:5

Ringannu manga tatantiro indi taumata pande lai sarun aatambanna asingkanne, wuṛṛu taumata apan pia si'ol᷊ane sarun maasomba aehetta.

MANNANASE 9:2

Atonna, pal᷊addu pabbiaṛṛannu suapan taumata: Taumata matul᷊idda ara'e lai taumata lal᷊eo, taumata mapia ara'e taumata lal᷊eo, taumata waresi ara'e lai taumata kotore, taumata apan mangngonggollu sasamba ara'e lai tawe. Taumata mapia tawe mallal᷊umannaana wuassu taumata apan marosa, taumata apan massalu uasul᷊ungngu ringannu taumata apan maddiri massalu.

ZAKARIA 4:6

Mala'ekatta udde nandalo'u mamasingkatta si Zerubabel tanata Mawu indi, “Wal᷊ine ringannu atatohassu tantara wuṛṛu wal᷊ine lai ringannu atatohannu sassane i'o sarun maauntunga, ewe'e ringannu Ghaṛṛaho-U.

MANNANASE 9:3

Nariaddi, pal᷊addu pabbiaṛṛanna apan uasul᷊ungnga lai sarun maṛṛia'a si mangitou sarangkanambone. Wuṛṛu udde sambau inolaanna apan maasusa ere lai al᷊awo'u arariaddianna su runia. Su al᷊o'engngu pabbiaṛṛanne naungngu taumata napenen al᷊al᷊eo, wuṛṛu ṛingiranne lai napenen awawoddo. Ana see inaṛṛombanganne i tou naasomba papatene.

YEREMIA 48:14

Ereapa wotongnge esakku Moab waṛṛani mabbisara, ‘I yami waṛṛani, manga tantara apan matohassa buatte nisal᷊u'atanna sulal᷊ummu pangalo?’