MANNANASE 8:15 - WUKE SUSI WATTI'U AL᷊AL᷊USASSA

¹⁵ Inaappuangku eteudde manungku taumata ṛinone lumala'a. Ana waugu sulal᷊ummu pabbiaṛṛanne su runia tawe al᷊al᷊uassa waine si tou tumba'u u'anna, ma'inumma wuṛṛu lullala'a. Tumba'u udde apan nipaanne su pattangngannu inasaharanne, su al᷊o'engngu pabbiaṛṛanna apan nionggollu Ruata si tou.

MANNANASE 8:15 Referans Kwoze

MANNANASE 2:24

Taweddu mappianne su taumata wuassu anna, ua'e wuṛṛu mappaattu hessin inasaharanne. I ya'u natutukka manungku udde lai aonggollu Ruata.

MANNANASE 5:18

Amungkangngu sangkatou manengkamma paa'ala wuṛṛu darotongnga wuassu Ruata, wuṛṛu iwala mappaattu paa'ala udde, i tou ṛinone maadiangkamanna wuṛṛu mattemma al᷊awo'u hessin manarane. Udde lai aonggollu Ruata.

1 TIMOTIUS 6:17

Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

MANNANASE 3:22

Ana waugu udde i ya'u naatutukke manungku taweddu mappianne su taumata wuassu mattemma hessin manarane. Wal᷊ine wua isudde taweddu apan wotongnge olaanne. Tawe mariaddi i tou maasingkatta apa apan sarun mariaddi napawe i tou natete.

MANNANASE 2:1

I ya'u nakkawessa tadea'u mapaal᷊uassu waddangnga tadea'u maasingkatta apa udde lal᷊umanna'a. Inauranna udde lai tawe gunane.

MANNANASE 2:3

Nisasannu apulu tadea'u maola'a pande, i ya'u mappandumma tadea'u mallal᷊umanna'a ringangu ma'inumma anggore wuṛṛu maddamea. I ya'u massunna manungku eteudde lal᷊anne apan apianne su taumata mattemma pabbiaṛṛanne apan maautta su runia indi.

MANNANASE 2:10

Al᷊awo'u apulun naungku, ta'u niwatu'anna. Tawe sarana paassa i ya'u maṛṛaddannu waddangku mattemma al᷊awo'u al᷊al᷊uassa. I ya'u lullala'a wuasu al᷊awo'u inasaharangku, wuṛṛu eteudde lal᷊antakke si ya'u.